Aizaya 58:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Ọ dianẹ wa vẹ ihwo rẹ owẹvwe hwe gba ghare emu wẹ-ẹn, ra reyọ ivwiogbere ri vwo uwevwi-i vwo kpo uwevwi wẹ-ẹn; ọke wọ da mrẹ ohwo rọ ba phihọ, wo mi rhuo, ne wo gbi si oma wẹn nẹ kẹ omobọ wẹ-ẹn?

Aizaya 58:7 ပူးပေါင်းရင်းမြစ်များ

Jẹnẹsis 19:14

Etiyin Lọt da yan phia ra vuẹ egọ rọye nẹ, We vrẹn jọphẹre, ru we vrẹn nẹ etinẹ na, kidie Ọrovwohwo cha ghwọrọ orere na. Ẹkẹvuọvo egọ rọye da vwẹ ota na roro ehwẹjẹ.

Jẹnẹsis 19:2

ọ da ta, Ọrovwovwe vwẹriẹ rhe, Me rẹ wẹ, uwevwi rẹ odibo wẹn re wọ dia Etiyin ason na, re wa hworhẹ awọ rẹ ovwan, re ọke de rhie irhiọke wa ke yanran. Ayen da ta, Ẹjo, evun rẹ urhuvwu na avwanre cha vwerhẹ.

2 Ikun rẹ Ivie 28:15

Ihwo re se odẹ rẹ ayen na vrẹnri ayen da reyọ ighuvwu na, vẹ ekuakua na ayen de rhuo ihwo ra ban phihọ vwẹ ohri rẹ ayen; ayen de rhuo ayen, a da vwẹ isabato kẹ ayen, a da vwẹ emuọre vẹ udi kẹ ayen, a da nabọ vwẹ ori ghworo ayen; re vwo mu e re pha guọguọ vwẹ usun rẹ ayen phihọ enu rẹ ekẹtẹkẹtẹ nu, a da gua ayen vwo rhe ihwo rẹ ayen vwi Jeriko, orere rẹ ugbo rẹ iriẹ na. Etiyin ayen de rhivwi kpo Sameria.

Nehemaya 5:5

Asakiephana ugboma rẹ avwanre vẹ ugboma rẹ iniọvo rẹ avwanre, omaọvo emọ re avwanre vẹ erayen je vwẹ omaọvo, yẹ avwanre ra gba emeshare vẹ emetẹ rẹ avwanre vwo ruẹ eviẹn, ọ guakẹ nẹ a vwẹ ẹvo vwe usun re emetẹ rẹ avwanre na vwo ru eviẹn nure, ẹkẹvuọvo avwanre gbi se vwo ẹgba ra vwọ tan aye-en, kidie avwanre vwẹ idju re avwanre ve ogba ri vain rẹ avwanre viẹnwan nure.

ỌBE RẸ JOB 22:7

Otu rẹ oma rhọ wọ kẹ ayen ame da-a, Otu rẹ owẹvwe hwe wọ kẹ ayen emuọre-e.

Une rẹ Ejiro 112:9

O siobọ nẹ ọphọphẹ, ọ kẹ ivwiogbẹrẹ; ọvwata rọye dia rhiri bẹdẹ; a vwẹ ọghọ kpare ighoro rọye kpenu.

Isẹ 11:17

Ohwo ro nẹ aruedọ che vwo erere kẹ oma rọye, ẹkẹvuọvo ohwo umwemwu oma rọye o hwe.

Isẹ 22:9

Ohwo ro vwo ẹro rẹ okẹ che vwo ebruba, kidie ọ vẹ otu ri gbere gba ghare emu rọye ria.

Isẹ 24:11

Sivwi ihwo ra teye hwe; ihwo re yan chedi chedi kpo ughwu da ayen ji.

Isẹ 25:21

Owẹvwe de hwe ọvweghrẹ wẹn, vwẹ emu kẹ re, urhuru rẹ ame de rhe hwe vwẹ ame kẹ da;

Isẹ 28:27

Akpọ sa hẹn ohwo ro ru ẹse kẹ ogbere-e, ẹkẹvuọvo ohwo ro ku aro rọye fia kẹ ogbere che vwo ekan buebu.

Aizaya 58:10

ọ da dianẹ wọ ku oma wẹn phihọ otọ kẹ ihwo rẹ owẹvwe hwe rẹ evun da vọn ẹguọnọ re otu re hẹ ukpokpogho, ọke yena urhukpẹ wẹn ko che vrẹn vwẹ ẹvun rẹ ebri egho wẹn kọ cha dia kerẹ oghẹruvo.

Jerimaya 22:3

Enẹ Ọrovwohwo tare: Ru obo ri shehọ vẹ ọsoso, sivwi ohwo re shenyẹ nẹ abọ rẹ ohwo ro shenyẹ na. Wo rue oruchọ eyẹ wọ ji gbe ozighi kẹ ọrhorha-a, ọmọphrori-i vwi-i, kugbe ayeuku-u, wo ji sun ọbara rẹ ọvwata vwẹ etinẹ na-a.

Izikiẹl 18:16

o gbe ohwo ọvuọvo ku-u, ọ reyọ emu rẹ ijọpha-a, o gborho ohwo-o, ẹkẹvuọvo ọ da vwẹ emu kẹ ohwo rẹ owevwe hwe re, ọ da vwẹ amwa rhuo ohwo rọ banphihọ,

Izikiẹl 18:7

o shenyẹ ohwo ọvuovo-o, o da hwa osa rọ rere vwẹ ọke ro bruru, o cho uji-i, ọ vwẹ emu kẹ ohwo rẹ owẹvwe hwe, ọ me vwẹ ewun kẹ ohwo rọ ban phihọ,

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Iyẹnrẹ Esiri ri Luk 11:41

Ẹkẹvuọvo dia obo evun wẹn de ru ẹse; gbe nighe, emu na ejobi kọ fon kẹ wẹ.

Iyẹnrẹ Esiri ri Luk 19:8

Zakiọs mudia ọ da ta kẹ Ọrovwohwo, Nighe, Ọrovwohwo, abọvo rẹ ekuakua mẹ me vwẹ ayen kẹ ivwiogbere; ọ da dianẹ me rha ghwa ohwo ọvo re, ke me rhan rhivwi ọhwọhwọ ẹne.

Iyẹnrẹ Esiri ri Luk 3:11

Ọ da kpahe kẹ ayen, Ohwo ro vwo ewun ivẹ, e jẹn ọ vwọ ọvo kẹ ọ ro vwori-i; ọ ro vwo emuọre, e jẹn o ru ọtiọye rhe.

Iruo rẹ Iyinkọn na 16:15

Ọke ra vwọ vwẹ ame kẹ kugbe evwrumwevwi rọye nu, ọ da rẹ avwanre nẹ, ọ da dianẹ ovwan reyọ ovwẹ phihọ ohwo ro se Ọrovwohwo gbuyota, ovwan gba rhe dia uwevwi mẹ o de sivwi avwanre rẹyo. Ota roye da ro avwanre.

Iruo rẹ Iyinkọn na 16:34

Etiyin ọ da vwẹ ayen kpo uwevwi rọye ọ da vwẹ emu ke ayen re; ọ da ghọghọ ọ vẹ evwruwevwi rọye ejobi nẹ ayen se Ọghẹnẹ gbuyota.

Ọbe ri Pọl si rhe Ihwo ri Rom 12:13

Toro arhọghọ fiki rẹ ọkarovwẹ rẹ irherẹn na, yono obo re ru ẹse.

Urhi Rivẹ 22:1

Wọ sa mrẹ erhuẹn eyẹ ogegede rẹ oniọvo wẹn rọ yan ghwre ru wo dẹ jẹn ayen ẹcha uko-o; wọ Me vwẹ ayen rhivwi vwo rhe oniọvo wẹn na.

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

Filimọn 1:7

Kidie ẹguọnọ wẹn, oniọvo mẹ, vwẹ uchebro vẹ aghọghọ kẹ vwẹ, enana ejobi da vwẹ omavwerhe kẹ udu rẹ ihwo efuanfon na.

Iguẹdjọ 9:2

Ta phihọ erhọ rẹ emọ rẹ orho ri Shikẹm na ejobi nẹ, Ọvo ri je ovwan, rere emọ ujorha gbe ihwe ri Jerubbaal rẹ eshare sun ovwan, gbenẹ ọvo ri sun ovwan? Karohọ nẹ mẹvwẹ ubeku kugbe uvwo rẹ ovwan.