Aizaya 58:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọ da dianẹ wo chuko wẹ ku ẹdidjala na, wo de gbobọnyẹ avwerhe wẹn vwẹ ẹdẹ ọfuanfon mẹ na, wo de se ẹdidjala na ẹdẹ avwerhe, ẹdẹ ọfuanfon rẹ Ọrovwohwo na ẹdẹ rẹ ọghọ; wo de mu ọghọ kẹ, wo rhe nene idjerhe rẹ obọ wẹ-ẹn eyẹ wọ rha guọnọ avwerhe rẹ obọ wẹ-ẹn, wo de gbe ikun ogbigbigbe-e,

Aizaya 58:13 ပူးပေါင်းရင်းမြစ်များ

Une rẹ Ejiro 122:1

Oma vwerhe ovwẹ ra vwọ ta kẹ vwẹ, E jẹn kpo uwevwi rẹ Ọrovwohwo na!

Une rẹ Ejiro 27:4

Emu ọvo me nọ vwẹ obọ rẹ Ọrovwohwo, re me guọnọ; re me sa vwọ dia uwevwi rẹ Ọrovwohwo, vwẹ ẹdẹ rẹ akpọ mẹ ejobi, re mi e ni erhuvwu rẹ Ọrovwohwo na, rere me agọlọ vwẹ uwevwi rọye.

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 84:10

Kidie ẹdẹ ọvo vwẹ eguan wẹn o yovwi nọ uriori vwẹ asan ọfa O fori re me dia ọrhẹrẹ ẹchẹ vwẹ uwevwi rẹ Ọghẹnẹ mẹ nọ re me da dia itughẹ rẹ ihwo imwemwu.

Une rẹ Ejiro 84:2

E Urhuru siẹ ẹnwẹ mẹ, nighe, oma ro fiki rẹ ẹguan rẹ Ọrovwohwo na, udu mẹ vẹ uvwo mẹ so ine rẹ aghọghọ kẹ Ọghẹnẹ ro je ghwo.

Ẹyano 35:2

Ẹdẹ esan we vwo ru iruo, ẹkẹvuọvo ẹdẹ rẹ ighwrẹn na kẹ we vwo edidjala ọfuanfon rẹ omaerovwo kẹ Ọrovwohwo, kohwo kohwo ro ru oka rẹ iruo vwẹ evun rọye kẹ hwe;

Ẹyano 35:3

wo koko erhanre phihọ vwẹ ẹdia wẹn vwẹ edidjala na-a.

Aizaya 55:8

Kidie iroro Mẹ dia iroro wẹ-ẹn, yẹrẹ idjerhe wẹn dia idjerhe mẹ-ẹ, eriyin Ọrovwohwo tare.

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Izikiẹl 44:24

Vwẹ ọke rẹ ẹghwọ ke ayen dia ibrorhiẹ, kirobo rẹ orhiẹbro mẹ epha. Ayen ke yọnrọn irhi mẹ vẹ iji mẹ vwẹ ọke rẹ orẹ mẹ ejobi ri mi bru phihọ otọ, ẹdidjala mẹ ọvo kọye ayen yọnre.

Livitikọs 19:3

Ovwan ejobi mu ọghọ kẹ Ọsẹ vẹ oni rẹ ovwan re wa yọnrọn urhi rẹ ẹdidjala mẹ na. Mẹvwẹ Ọrovwohwo rẹ Ọghẹnẹ rẹ ovwan.

Ẹvwọphia 1:10

Me da hẹ evun rẹ Erhi na vwẹ ẹdẹ rẹ Ọrovwohwo na, kọye mi de nyo urhuru ọvo rode vwẹ obuko mẹ kerẹ owanre,