Aizaya 57:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ovwan re fian nene ehahe, kugbe otọ rẹ irhe ekpokpọ ejobi, ri hwe emọ rẹ ovwan vwẹ iyara, kugbe egbogho vwẹ otọ rẹ eragha?

Aizaya 57:5 ပူးပေါင်းရင်းမြစ်များ

1 Ivie 14:23

Kidie ayen je bọn asan ri kpenu kẹ oma rayen kugbe isunsun, vẹ ighriki vwẹ enu rẹ ugbenu kugbenu ro kpenu kugbe otọ kotọ rẹ irhe ekpokpọ;

Ivie rẹ Ivẹ 17:10

ayen de ma osusun vẹ ighriki kẹ omobọ rayen vwẹ enu rẹ ugbenu kugbe otọ ri kurhe kurhe ọkpokpọ;

Ivie rẹ Ivẹ 17:7

Ọnana o ruru, fikiridie ihwo rẹ Izrẹl ru umwemwu kpahe Ọrovwohwo Ọghẹnẹ rayen, rọ reyọ ayen nẹ otọ rẹ Ijipt rhe, nẹ abọ ri Fero, ovie rẹ Ijipt na kẹ ayen djẹ oshọ rẹ edjọ efa;

Ivie rẹ Ivẹ 23:10

O de gbe Tofet ẹgua, rọ hẹ evun rẹ iyara rẹ emọ ri Hinọm, rere ohwo ọvuọvo vwo jẹ ọmọshare rọye eyẹ ọmọtẹ rọye ẹ vwọ tọn vwo ze izobo kẹ Molẹk.

2 Ikun rẹ Ivie 28:3

ọ da torhẹ insẹns vwẹ iyara rẹ emọ ri Hinnọm, ayen da torhẹ emọ rayen vwo ze izobo, kerẹ uruemu ro tuoma rẹ ẹgborho rẹ Ọrovwohwo djẹ nẹ obaro rẹ Izrẹl na epha.

Ẹyano 32:6

Ayen de vrẹn vwẹ irhiọke ride, ayen de ze izobo rẹ ẹtorhẹ ayen da vwẹ izobo rẹ ufuoma rhe, ihwo na de tidia te otọ re ria rẹ ayen vwọ da, etiyin ayen de vrẹn ki gbe eha

Aizaya 1:29

Fikiridie oma re ọhahe ro je we na kọ cha vọ we, opharo wẹn kọ dia ghwọkpọ fiki re ogba ru wọ jẹre.

Jerimaya 17:2

Jẹ emọ rayen karohọ ẹshẹ rayen vẹ ighriki rayen, rẹ ayen ru phihọ orhoma rẹ urhe djidjidji ejobi, kugbe igbenu ri kpenu ejobi.

Jerimaya 2:20

Okrire wo vwo vwirhi urhekpe wẹn wọ da sanvwe ojọnrọn wẹn vwrẹn, wọ da ta nẹ, Me gbe ga-a, Uyota, vwẹ enu rẹ ugbenu otete ejobi kugbe otọ rẹ irhe wọnwọn ejobi wo de rhuẹn kerẹ igberadja.

Jerimaya 3:13

Takpe rhọvwe abe wẹn ri wo ru kpahe Ọrovwohwo Ọghẹnẹ wẹn re wo ru ẹse wẹn kẹ erhorha re hẹ otọ rẹ urhe ọkpokpọ na.

Jerimaya 3:6

Ọrovwohwo da ta kẹ vwẹ vwẹ ọke rẹ Ovie Josaya: Wọ mrẹ obo rẹ Izrẹl ruru, ohwo ọfafarhiẹ na, ọbo rọ yan kpenu rẹ ugbenu kugbenu kugbe otọ rẹ urhe kurhe ọkpokpọ; de gbe ọfarhiẹ?

Jerimaya 32:35

Ayen bọn asan rọ kpenu kẹ Baal vwẹ iyara rẹ ọmọ ri Hinọm, rẹ ayen da vwẹ emeshare vẹ emetẹ rayen vwọ gọ iye kẹ Mọlẹk, mi ji aye-en, ọ je hẹ iroro mẹ-ẹ, nẹ ayen ru ẹgua nana, vwọ nẹrhe Juda ru umwemwu.

Jerimaya 50:38

Ekpakpọ vwẹ enu rẹ ame rọye, rere ayen vwọ mrasan kpọ yamu! Kidie otọ rẹ ema o ruẹ, ayen mworhuẹ rẹ edjọgọ.

Jerimaya 51:7

Babilọn uko rẹ oro vwẹ obọ rẹ Ọrovwohwo jovwo, o da nẹrhẹ idi mu akpọ na ejobi; ẹgborho na da da wain rọye, ọtiọye na ẹgborho na da mwo orhuẹ.

Jerimaya 7:31

Ayen bọn ẹdia ro kpenu ri Tofẹt, rọ hẹ iyara rẹ emọ ri Hinnọm, rẹ ayen da torhẹ emeshare vẹ emetẹ rayen vwẹ erhanre; ọ re me vuẹ aye-en, ro ji nẹ iroro mẹ rhe-e.

Izikiẹl 16:20

Wo da reyọ emeshare vẹ emetẹ wẹn, ri wo vwiẹ kẹ vwẹ, enana keye wo vwo ze izobo kẹ ayen hwere. Wo rori nẹ igberadja wẹn na kẹ emu otete

Izikiẹl 20:26

mi de gbe ayen ẹgua vwẹ oma rẹ okẹ rẹ ayen kẹ rẹ ayen da vwẹ emekpako rayen vwo ze izobo rẹ ẹtorhẹ, rere me vwọ djẹ uguegue mu ayen, mi ruro rere ayen vwọ riẹn nẹ mẹvwẹ ọye Ọrovwohwo na.

Izikiẹl 20:28

Kidie ọke re me vwọ reyọ ayen rhe otọ ri mi ve kẹ ayen nẹ me vwọ kẹ ayen nu, etiyin kasan kasan rẹ ayen da mrẹ ugbenu ro kpenu eyẹ urhe rọ vẹ ẹbe gbidi, etiyin kọye ayen de ze izobo rayen, ayen me vwẹ izobo rọ kpare ophu mẹ vwọ rhe, etiyin ọnrhẹ ororo rayen mi bru kpenu, ke etiyin ayen da jẹ udi kuotọ.

Izikiẹl 20:31

Ọke ru wo da kẹ okẹ wẹn ru da vwẹ ọmọ wẹn vwo ze izọbo rẹ ẹtorhẹ, yi wo vwẹ edjọ miovwo oma wẹn rhi te nonẹ na. Ku wọ je rhe duotọ rẹ emu vwẹ obọ mẹ, E uwevwi rẹ Izrẹl? Kirobo re me herọ na, eriyin Ọrovwohwo Ọghẹnẹ tare, wo se duotọ rẹ emu vwẹ obọ mẹ-ẹ.

Izikiẹl 6:13

Kẹ ovwan riẹn nẹ mẹvwẹ Ọrovwohwo na, vwẹ ọke rẹ irivwi rayen da riẹn riariẹ ema rayen phihọ vwẹ asan egbada rayen, vwẹ enu rẹ ugbenu otete kugbenu otete, vwẹ enu rẹ ugbenu rode, vwẹ enu rẹ kurhe okpokpọ kurhe okpokpọ, kugbe enu rẹ ohahe vẹ ẹbe djigbri, asan ejobi re ayen de ze izobo ro gbo ọnrhe kẹ ema rayen ejobi.

Livitikọs 18:21

Ovwan siobọ nẹ emọ ovwan rere a torhẹ ayen ki Moleki-i, e de rhe miovwo odẹ rẹ Ọghẹnẹ rẹ ovwan: Mẹvwẹ Ọrovwohwo na.

Ukeri 25:6

Nighere, ohwo rẹ Izrẹl ọvo da rhe ọ da reyọ aye rẹ ohwo ri Midian rhe ekru rọye, vwẹ irharo ri Mosis kugbe irharo rẹ ukoko rẹ ihwo rẹ Izrẹl na ejobi, vwẹ ọke rẹ ayen vwo viẹ vwẹ asan anurhoro rẹ utughẹ ra da vwa oma na.

Urhi Rivẹ 12:2

Wa Me ghwọrọ asan na ejobi, rẹ ẹgborho rẹ ovwan cha dia na rẹ ayen da ga ẹdjọ rayen, vwẹ enu rẹ igbenu ri kpenu gangan, vẹ enu rẹ igbenu itete, kugbe obotọ rẹ urhe kpokpọ ejobi;

Ẹvwọphia 18:3

kidie ẹgborho na ejobi da udi rẹ igberadja rọye, ivie rẹ akpọ na ejobi duro re, ineki rẹ akpọ na vwi fiki rẹ ọfanrhiẹ rọye fe.