Aizaya 57:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 57:18 ပူးပေါင်းရင်းမြစ်များ

Une rẹ Ejiro 23:2

Ọ vwẹ ovwẹ sherhẹ omamọ rẹ odi o de sun vwe wan oma rẹ ame djidji,

Une rẹ Ejiro 51:12

Vwẹ aghọghọ rẹ esivwo wẹn rhivwi rhe vwe, rere wọ vwẹ erhi rẹ ẹserọphẹ wẹn yọnrọn ovwẹ.

Une rẹ Ejiro 94:19

Ọke rẹ enwan rẹ udu mẹ de rhi buphihọ, uchebro wẹn kọye sasa ẹnwẹ mẹ.

Aghwoghwo 9:4

Ẹkẹvuọvo ohwo ro kuoma kugbe ihwo ekpokpọ ọye ri vwo iphiẹrohọ, kidie eranko ọkpokpọ yovwi nọ okpohrokpo ro ghwuru.

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 19:22

Ọrovwohwo kọ ghwiẹ Ijipt ọ ghwiẹ jẹn o sivwẹ, ayen ki rhivwi bru Ọrovwohwo rhe, ko nyo orẹ rayen o mi sivwi ayen.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 52:12

Kidie wo bru okpakpa ro otafe-e, ọ je dia ugbonẹ-ẹ, kidie Ọrovwohwo cha ka obaro kẹ wẹ, Ọghẹnẹ rẹ Izrẹl na ka obuko kẹ wẹ.

Aizaya 53:5

Ẹkẹvuọvo a wanrọ oma fiki rẹ ogbeku rẹ avwanre, e bobiro oma fiki rẹ orukuruku rẹ avwanre, ophiaphie ro ru avwanre fon na ọye a vwọ fa, ophiaphie na keye e vwo sivwi avwanre.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 58:11

Ọrovwohwo ko sun we kọke kọke, kọ vwẹ emu esiri vọn ẹguọuọ wẹu evun, kọ ru ibeku wẹn gan, ku wọ họhọ ogba re ku ame ku, kere ogbugbu rẹ ame, rẹ ame rọye jẹ ẹkpọ.

Jerimaya 13:17

Ẹkẹvuọvo wa gbe kerhọ-ọn, ẹnwẹn mẹ kọ bẹbẹ viẹ fiki rẹ eheri wẹn, ibiẹro mẹ ke gangan ame oviẹ mẹ ko hwẹ rhe patapata fikiridie emu igegede rẹ Ọrovwohwo imu.

Jerimaya 3:22

We rhivwi rhe emọ rẹ igberadja na, Mi sivwi ọfarhiẹ rẹ ovwan na. Nighe, avwanre bru we rhe; kidie wẹ Ọrovwohwo Ọghẹnẹ rẹ avwanre.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Jerimaya 31:3

Ọrovwohwo da vwẹ oma nẹ vwẹ ogboko. Ẹguọnọ ro jẹrhẹriẹ ri bẹdẹ bẹdẹ me vwọ guọnọ owẹ, ọtioye na uyota mẹ je herọ kẹ wẹ.

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Zekaraya 1:13

Ọrovwohwo da kpahe eta esiri vẹ uchebro kẹ amakashe ro nene uvwe ta ota na.

Iyẹnrẹ Esiri ri Luk 15:20

O de ghine vrẹn o de bru ọsẹ rọye ra. Ẹkẹvuọvo rọ vwọ cha vwe ogboko re; ọsẹ rọye da mrẹ ehrọre rọye da riọ, ọ da djẹ ra gbanọ ọ da fiọnfiọn unu.

Ọbe ri Pọl si rhe Ihwo ri Rom 5:20

Ukuko rọye urhi da rhe, rhi ru urhi ẹchọ na bu phihọ; ẹkẹvuọvo asan rẹ umwemwu de bu, etiyin ẹserọphẹ de me buẹ.

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.