Aizaya 57:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Aizaya 57:16 ပူးပေါင်းရင်းမြစ်များ

Jẹnẹsis 6:3

Etiyin Ọrovwohwo da ta, Erhi Me sa dia evun rẹ ohwo bẹdẹ-ẹ, fikiridie uvwo oruẹ, ẹkẹvuọvo ẹdẹ rẹ akpọ rọye kẹ ikpe ujosa kọye ọ dia.

2 Samuẹl 24:16

Ọke rẹ amakashe na cha vwọ riẹn obọ kpo Jerusalẹm rọ vwọ guọghọ, Ọrovwohwo da rhẹriẹ nẹ emu ọbrabra rọ guọnọ ru, ọ da ta kẹ amakashe rẹ o ru iruo rẹ ẹghwọrọ vwẹ ohri rẹ ihwo na, o teri; Asakiephana gba da obọ ji. Yẹ amakashe rẹ Ọrovwohwo na hẹ oma rẹ uwevwi rẹ Aruanah rẹ ohwo ri Jebu.

ỌBE RẸ JOB 12:10

Obọ rọye arhọ ri kemu kemu epha kugbe ẹnwẹn rẹ ihwo na ejobi.

Une rẹ Ejiro 85:5

Ku wo mu ophu rẹ avwanre bẹdẹ? ku wo mu ophu wẹn na rhiri re te uvwiẹ rọ cha?

Aghwoghwo 12:7

Rẹ iwurhie vwo rhivwi kpo ekpẹn kirobo rọ epha jovwo, erhi na de rhivwi bru Ọghẹnẹ ro vworo.

Aizaya 27:8

Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 64:8

Yẹ ẹkẹvuọvo, E Ọrovwohwo, wẹ hẹ Ọsẹ rẹ avwanre; avwanre ophiẹn, wẹ kẹ ọmema re avwanre; avwanre ejobi ke iruo rẹ obọ wẹn.

Jerimaya 10:24

Kpọvwẹ vi, E Ọrovwohwo, vwẹ ọvwata wẹn; ọ dia ophu wẹ-ẹn, wo de ru uvwe phihọ odiodi.

Jerimaya 3:5

Ku wo mu ophu bẹdẹ, ivun ki miovwo uwe re te oba? Nighe, wọ ta nure, ẹkẹvuọvo umwemwu ru wo se ru wo ruro nure.

Jerimaya 38:16

Ọye Ovie Zedikaya da bẹbẹ ve kẹ Jerimaya, kirobo rẹ Ọrovwohwo herọ na, rọ ma ẹnwẹn ejobi, mi che hwe we-e, me je reyọ o wẹn kẹ ihwo nana re guọnọ arhọ wẹn na-a.

Izikiẹl 18:4

Nighe, erhi ejobi eme, erhi ro ru umwemwu ko ghwu.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Zekaraya 12:1

Ota rẹ Ọrovwohwo kpahe Izrẹl: Enẹ Ọrovwohwo tare, ohwo rọ ma enu rọ mama akpọ na ro phi erhi phihọ ohwo oma.

Ukeri 16:22

Ayen de she bọvwọn epharo rayen rhu otọ, ayen da ta, E Ọghẹnẹ, Ọghẹnẹ rẹ irhi rẹ ihwo rẹ akpọ na ejobi, kẹ ohwo ọvo de ru umwemwu kọye wo vwo mu ophu kpahe ihwo rẹ ukoko na ejobi?

Hibru 12:9

Ọfa, ọsẹ rẹ aruakpọ na ghwọ kuẹ avwanre avwanre mi mu ọghọ kẹ ayen. Kẹ avwanre rhe se mu ọghọ kẹ Ọsẹ ro vwo irhi ejobi re wa rhọ-ọ?