Aizaya 57:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 57:15 ပူးပေါင်းရင်းမြစ်များ

Jẹnẹsis 21:33

Ebraham da kọn oghriki phihọ Bẹẹrsheba, o de se odẹ rẹ Ọrovwohwo vwẹ Etiyin, Ọghẹnẹ ri bẹvwẹdẹ na.

1 Ivie 8:27

Ẹkẹvuọvo kẹ Ọghẹnẹ sa tobọ dia otọ rẹ akpọ na? Nighere, odjuvwu kugbe odjuvwu ro me kpenu na sa gba wẹ-ẹ; komavọ uwevwi ọhahavwe nana re me bọnre na.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

ỌBE RẸ JOB 22:29

Kidie Ọghẹnẹ si ọvweheri kpotọ, o mi sivwi ohwo rọ pha dẹndẹn.

ỌBE RẸ JOB 6:10

Ọnana kọye dia uchebro mẹ, ke mia tobọ ghọghọ vwẹ evun rẹ ẹmiavwọ mẹ, kidie me ghwunu rẹ ota rẹ Ọfuanfon Ọvuọvo na-a.

Une rẹ Ejiro 111:9

O ji ẹtanhirhe rhe ihwo rọye; o ji urhi rẹ ọphọ rọye na bẹdẹ. Ọfuanfon vẹ oshọ ọye odẹ rọye!

Une rẹ Ejiro 115:3

Ọghẹnẹ rẹ avwanre ọ hẹ obo odjuvwu, o ruẹ obo ri jere.

Une rẹ Ejiro 123:1

We me kpare ẹro mẹ ni, E wọwẹ rọ vẹn phihọ ekete vwẹ obo odjuvwu!

Une rẹ Ejiro 138:6

Dede na obo rẹ Ọrovwohwo kpenu te na, o ji se ohwo ro kpotọ gbẹ ohwo; ẹkẹvuọvo ohwo vẹ ọnko ogboko o dẹ vughe.

Une rẹ Ejiro 138:7

Owenẹ me yan vwẹ uherevie rẹ ukpokpogho, wọwẹ re sẹro rẹ arhọ mẹ; wọwẹ rẹ riẹn obọ wẹn hẹrhẹ ivuemiovwo rẹ ivwighrẹ, obọrhe wẹn de sivwi vwe.

Une rẹ Ejiro 147:3

O sivwẹ ohwo rẹ udu rọye vwirhiri, ọ gba era rayen.

Une rẹ Ejiro 34:18

Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre

Une rẹ Ejiro 34:19

Ukpokpogho re ọvwata ọpha buebu, ẹkẹvuọvo Ọrovwohwo na sivwo nẹ ayen ejobi.

Une rẹ Ejiro 51:17

Izobo re Ọghẹnẹ reyọ vwonẹ ọye erhi rọ guọghọre; udu rọ guọghọre kugbe udu ọfuanfon, E Ọghẹnẹ, wo sian otu nana-a

Une rẹ Ejiro 51:19

Kẹsiẹye izobo re ọsoso ke vwẹrhe owẹ oma, izobo ẹtorhẹ kugbe ekru rẹ izobo ẹtorhẹ; Tavwe a ke vwẹ irhuẹn gọ wẹ vwẹ enu rẹ ẹshẹ wẹn.

Une rẹ Ejiro 83:18

Jẹn ayen riẹn nẹ wọwẹ ọvo kpoi, rẹ odẹ rọye Ọrovwohwo na, ri Me Kpenu vwẹ enu rẹ kpọ na ejobi.

Une rẹ Ejiro 90:2

Tavwe rẹ igbenu na ke rhe tan phia, eyẹ tavwe wọ ke rhe mama otọ na vẹ akpọ na, nẹ irhiri re duvwu irhiri wọwẹ ọye Ọghẹnẹ

Une rẹ Ejiro 93:2

ekete wẹn a tọnrọ phihọ ne awanre rhe, wọ herọ rhiri bẹdẹ.

Une rẹ Ejiro 97:9

kidie wọwẹ, E Ọrovwohwo, ri me kpenu vwẹ enu re akpọ na ejobi; wọwẹ a kpare kpenu nọ ẹdjọ na ejobi.

Une rẹ Ejiro 99:3

Jẹn ayen jiri odẹ wẹn rode ro muoshọ na! Ọfuanfon ọye ọ epha!

Ẹyano 15:11

Ono re họhọ owẹ, E Ọrovwohwo, vwẹ ohri rẹ eghẹnẹ na ejobi? Ono re họhọ owẹ, vwẹ ọrho vẹ ẹfuọn, ro muoshọ vwẹ iruo rẹ urinrin, ro ruẹ emu rẹ igbunu?

Ẹyano 15:13

Wẹ vwẹ ẹguọnọ ro jẹrhẹriẹ wẹn vwo sun ihwo na re wọ tan hirhe, wẹ vwẹ ogangan wẹn vwo sun ayen kpo ẹdia ọfuanfon wẹn na.

Ẹyano 15:18

Ọrovwohwo re uvie bẹdẹ bẹdẹ.

Ẹyano 40:34

Etiyin egho na de rhi rhurhu utughẹ ra da vwa oma na, urinrin rẹ Ọrovwohwo da vọn ọgarivi na.

Ẹyano 40:35

Mosis gbe sa ro utughẹ ra da vwa oma na-a, fikiridie egho na mudje enu rọye, urinrin rẹ Ọrovwohwo vọn ọgarivi na.

Isẹ 16:19

Oyovwiri ra vwẹ oma kpotọ vwẹ ohri rẹ ivwiogbere nọ ra da ghare ughwẹ rẹ eheri.

Isẹ 8:23

Ọke rẹ awanre rhe o vwo mu vwe vi, ẹsosuọ, tavwe ra ke mama akpọ na.

Aizaya 18:4

Kidie enẹ Ọrovwohwo ta kẹ vwe; Me cha jomaotọ dia adia mẹ de ni kerẹ oghẹruvo rọ nabọ fiotọ, kerẹ ukori rẹ evwru vwẹ ọke orho.

Aizaya 33:5

Ọrovwohwo na a kpare kpenu, kidie obenu ọ dia; kọ cha vọn Zayọn ve ọsoso kugbe ọvwata;

Aizaya 40:28

Wọ je riẹ-en? Wọ ji nyo-ọ? Ne Ọrovwohwo na ọye Ọghẹnẹ ri bẹdẹ na, ọye Ọmema rẹ oba rẹ akpọ na. Oma rhọ-ọ eyẹ oma ghwọrọ-ọ, ẹruọ rọye ọ bẹn evughe.

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Aizaya 6:1

Vwẹ ukpe rẹ Ovie Uzaya ghwuru na me da mrẹ Ọrovwohwo ro tidia phihọ enu re ekete, ro kpenu gogorogo, ejọjọ rẹ ewun rọye da vọn ọgua na.

Aizaya 6:3

Ọvo de se ọrivẹ ọ da tanẹ: Ẹfuọn, ẹfuọn, ẹfuọn ọye Ọrovwohwo rẹ otuofovwi na; akpọ na ejobi vọnre vẹ urinrin rọye.

Aizaya 63:15

Ki ni otọ nẹ obo odjuvwu rhe re wọ mrẹ, nẹ ẹdia ọfuanfon rẹ urinrin wẹn. Tivọ oruru wẹn vẹ ẹgba wẹn epha? Ẹrọerhe re udu wẹn kugbe ehrọre wẹn e si ayen nu kẹ vwẹ.

Jerimaya 10:10

Ẹkẹvuọvo Ọrovwohwo ọye uvi rẹ Ọghẹnẹ, ọye Ọghẹnẹ rẹ urhuarhọ kugbe Ovie ri bẹdẹ bẹdẹ. Akpọ na kpogho vwẹ ophu rọye ẹgborho na se chiri ivuemiovwo rọye-e.

Uvwerhe 3:41

E jẹn avwanre kpare udu vẹ abọ rẹ avwanre kpenu, bru Ọghẹnẹ vwẹ obo odjuvwu

Izikiẹl 16:63

Ọke ri mi de vwo ghovwo uwe emu ejobi ru wo ruru, kẹ wọ cha karo phihọ, oma kọ vo wẹ, wo rhe che rhiẹ unu wẹ ọfa fikirẹ omaẹvọ wẹ-ẹ, eriyin Ọrovwohwo Ọghẹnẹ tare.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Daniẹl 2:11

Emu rẹ ovie nọ ekpẹn rọye na pha bẹnbẹn, o vwo ohwo ọvuọvo ro se dje phia kẹ ovie-e jokpa nẹ edjọ rọ vẹ ihwo rẹ akpọ yeri kugbe-e.

Daniẹl 4:17

Ọnana orhiẹn rẹ erhẹrotọ na bruru, ọrhiẹn na ọye eta rẹ ihwo efuanfon na, rere oba rọye, ihwo rẹ akpọ vwọ riẹn nẹ ọ rọ me kpenu ejobi ri suẹn uvie rẹ ihwo, nẹ ohwo ro jere ọye ọ vwọ kẹ, ohwo ro me kpotọ kọye ọ vwọ ka obenu.

Daniẹl 4:34

Re oba rẹ ẹdẹ na rhi vwo tẹ, Mẹvwẹ, Nebukadneza da kpare epharo nẹ obo odjuvwu, etiyin iroro mẹ de rhivwi bru vwẹ rhe, etiyin mi de jiri ọ ro Me Kpenu ejobi, mi de jiro me da vwẹ ọghọ kẹ ohwo rọ herọ bẹdẹ; kidie isuesun rọye isuesun ri bẹdẹ, uvie rọye herọ nẹ uvwiẹ re te uvwiẹ.

Joẹl 2:13

rere wọ bẹrẹ udu wẹn ọ dia amwa wẹ-ẹn, Re wo rhivwi bru Ọrovwohwo, Ọghẹnẹ wẹn, kidie ọ vẹ ehrọre vẹ arodọvwẹ, ọ fobọ mu ophu-u, o vwo ẹguọnọ esiri gangan ọ kpare iroro vrẹn umwemwu.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Matiu 6:9

Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn.

Iyẹnrẹ Esiri ri Luk 1:49

Onotu rẹ ogangan ru emu rode kẹ vwẹ, ọfuanfon kọ dia kẹ odẹ rọye.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iruo rẹ Iyinkọn na 3:14

Ẹkẹvuọvo ovwan da siẹn Ọvwata Ọvuọvo na ro Fonro na, ovwan da nọ ekpẹn rẹ ozighẹ rere e siobọ no kẹ ovwan.

Ọbe ri Pọl si rhe Ihwo ri Rom 1:20

Nẹ ẹtuọhọ rẹ akpo na rhe ugboma rọye re jẹmrẹ na, kọye hẹ, ogangan rẹ ọrho rọye ri bẹdẹ na, a mrẹrẹ vughe vwẹ oma rẹ emu rọ mare. Vwẹ ọtiọye na ayen gbe mrẹ asa gun phihọ-ọ;

2 Kọrẹnt 1:4

ro bru avwanre uche vwẹ evun rẹ ukpokpogho ejobi, rere avwanre vwo se bru otu re hẹ ukpokpogho uche, vẹ uchebro rẹ Ọghẹne bru avwanre.

2 Kọrẹnt 2:7

Vwẹ ọtiọye na ovwan ki vwo ghovwo re bro uche, eyẹ ọ rha dia ọtiọye-e uvweri rọ rho vrẹ oma vwo je hwe.

2 Kọrẹnt 7:6

Ẹkẹvuọvo Ọghẹnẹ, ro brẹ otu re chiyi muotọ uche, ọ da vwẹ ẹcha ri Taitọs bru avwanre uche,

Urhi Rivẹ 33:27

Ọghẹnẹ ri bẹdẹ na ẹdia wẹn, abọ ri bẹdẹ na obotọ wẹn. Ọ da djẹ ọvweghrẹ nẹ obaro wẹn, ọ da ta, Ghwọrọ.

1 Timoti 1:17

Asakiephana vwọ kẹ ovie ri bẹdẹ, ro jeghwo, re jẹmrẹ, Ọghẹnẹ ọvuọvo kpoi, ọye a vwẹ ọghọ vẹ urinrin kẹ rhiri bẹdẹ. Isẹ.

1 Timoti 6:16

ọvuọvo ro je ghwo na rọ dja vwẹ evun rẹ orẹẹmrẹ re yivwẹ siẹ kẹrẹ-ẹ, rẹ akpọ je mrẹ dẹvo-o eye sa mrẹ-ẹ. Ọye a vwẹ ọghọ kugbe isuesun ri bẹdẹ kẹ. Isẹ.

Hibru 9:14

komavọ ọbara ri Kristi, rọ wan oma rẹ Erhi ri bẹdẹ na vwẹ oma rọye gọ iye ro jẹ ekan evwo kẹ Ọghẹnẹ, se ru udu rẹ ovwan fon nẹ iruo ighweghwu na ra gọ Ọghẹnẹ ri bẹdẹ na.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

Ẹvwọphia 3:7

Kẹ enẹ o si rhe amakashe rẹ ishọshi ri Filadẹlfia. Eta rẹ ọfuanfon ọvuọvo na, ohwo rẹ uyota na, ro vwo usiaphrẹ ri Devid, ohwo ro rhie nẹ ohwo ọfa se huho-o, ro de huho nu ohwo ọfa se rhie-e.

Ẹvwọphia 4:8

Ọvuọvo vwẹ eranvwe ekpokpọ ẹne na, de vwo ibekpe esan, e da vọn vẹ ibiẹro riariẹ ji kugbe obo evun, ayen vwo omaerovwo rẹ une ẹsuọ vwẹ ason kugbe uvo-o, tanẹ. Ẹfuọn, ẹfuọn, ẹfuọn, ọye hẹ Ọrovwohwo Ọghẹnẹ Ọrovwoẹgba, ohwo rọ herọ rhabae rọ je herọ vwẹ asakiephana rọ je cha dia bẹdẹ.

1 Samuẹl 2:2

O vwo ohwo ọvuọvo rọ fonro kerẹ Ọrovwohwo-o, ọfa herọ ba wẹ-ẹ; o vwo oragha ọfa kerẹ Ọghẹnẹ rẹ avwanre na-a.