Aizaya 57:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ka cha ta vwọ kpahọ nẹ, Bọn phihọ, bọn phihọ, rhuẹrẹ idjerhe na, si uchukurhe umwemwu rẹ idjerhe rẹ ihwo Mẹ no

Aizaya 57:14 ပူးပေါင်းရင်းမြစ်များ

Une rẹ Ejiro 68:4

So ine kẹ Ọghẹnẹ, so ejiro kẹ odẹ rọye; kpare une kẹ ohwo rọ gua vwẹ enu rẹ egho; odẹ rọye ọye Ọrovwohwo, ghọghọ vwẹ obaro rọye!

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 40:3

Urhuru de kperi. Vwẹ evun rẹ aghwa, rhuẹrẹ idjerhe rẹ Ọrovwohwo, ru idjerhe rode phiọnphiọn phihọ evun rẹ aton kẹ Ọghẹnẹ rẹ avwanre.

Aizaya 49:11

Ki mi che ru igbenu Mẹ ejobi phihọ idjerhe, idjerhe ride Mẹ ejobi ka vọnrhọn ayen kpenu.

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Jerimaya 18:15

Ẹkẹvuọvo me chọrọ ihwo mẹ ẹro, ayen torhẹ insẹns kẹ eghẹnẹ rẹ efian, ayen yẹghrẹ vwẹ idjerhe rayen, vwẹ idjerhe rẹ awanre na, ri hirhe phihọ obẹnẹ rọ dia idjerhe rọde-e.

Ọbe ri Pọl si rhe Ihwo ri Rom 14:13

E gbi jẹn avwanre guẹ ohwohwo ẹdjọ-ọ, ẹkẹvuọvo e gbe jẹn avwanre roro ọna mrẹ nẹ ohwo ọvuọvo rha dia ukọn kẹ oniọvo rọye-e eyẹ vwọ so okpetu kẹ-ẹ.

1 Kọrẹnt 1:23

ẹkẹvuọvo avwanre ghwoghwo Kristi ra kanre mu agbagba na, uchukurhe umwemwu kẹ otu ri Ju ke rha vwẹ ughẹghẹ kẹ otu ri Keferi,

1 Kọrẹnt 8:13

Fiki rẹ ọtiọye na, ọ da dia emuọre kọye cha so eshe kẹ oniọvo mẹ, me gbe re emu na-a, ọ da rha so eshe kẹ oniọvo mẹ.

1 Kọrẹnt 8:9

Wa kẹnoma rere uphẹ rẹ ovwan na da rhe dia uchukurhe umwemwu kẹ otu re lọhọre.

2 Kọrẹnt 6:3

Avwanre phi ọghrọrọ phihọ idjerhe rẹ ohwo ọvuọvo-o, rere e vwo jẹ ogbeku ẹmrẹ vwẹ odiboegbe rẹ avwanre,

Hibru 12:13

rere wa gbẹn idjerhe ọphiọnphiọn kẹ awọ rẹ ovwan, rere awo ri ghwuru vwo je sida ẹkẹvuọvo rere i vwo je sivwi.