Aizaya 57:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Aizaya 57:13 ပူးပေါင်းရင်းမြစ်များ

Ivie rẹ Ivẹ 3:13

Ilaesha da ta kẹ ovie rẹ Izrẹl, Die me vẹ owẹ gbi ru? Yan bru emraro rẹ ọsẹ wẹn vẹ emrarọ rẹ oni wẹn. Ẹkẹvuọvo ovie rẹ Izrẹl da ta kẹ, Ẹjo; Ọrovwohwo ọye se ivie erha nana rhe kọn ro Moab abọ.

ỌBE RẸ JOB 21:18

Re ayen da họhọ ẹbe eyaya vwẹ obaro rẹ odju, re họhọ iphọphọ rẹ ogiribo djuẹ yanran?

Une rẹ Ejiro 1:4

Oruimwemwu sa dia ọtiọye-e, ẹkẹvuọvo kọ dia kere iphopho rẹ odju muẹ yanran.

Une rẹ Ejiro 118:8

Ọ yoma re vwo sioma nu vwẹ evun rẹ Ọrovwohwo nọ ra de vwẹ ẹro so ihwo.

Une rẹ Ejiro 125:1

Otu re vwẹ ẹro so Ọrovwohwo na ke họhọ Ugbenu ri Zayọn, ro je se ghwie, ẹkẹvuọvo kọ dia rhiri bẹdẹ.

Une rẹ Ejiro 37:11

Ẹkẹvuọvo ihwo dẹndẹn ri che vwo otọ na, vwẹ evun rẹ oyovwe rode kọye ayen da gọlọ.

Une rẹ Ejiro 37:22

kidie ihwo rẹ Ọrovwohwo bruphihọ kẹ cha re erere rẹ otọ na, ẹkẹvuọvo ihwo ro harhere na ka nyavwe ayen kufia

Une rẹ Ejiro 37:29

Ọvwata cha re ughwẹ rẹ otọ na, kọ dia enu rọye bẹdẹ.

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

Une rẹ Ejiro 37:9

Kidiea cha nyavwe oruimwemwu kufia; ẹkẹvuọvo ayen otu re hẹrhẹ Ọrovwohwo na ke cha vwẹ otọ na reuku.

Une rẹ Ejiro 58:9

Ro phẹre nẹ ẹrhorho rẹ itaso eriyin ẹrhorhọ re inwe na epha vwẹ oma wẹn, ọ diare wọnwọn eyẹ ọ muẹ la, jo hwerhe ayen yanran!

Une rẹ Ejiro 84:12

E Ọrovwohwo rẹ otuofovwi; ebruphihọ kẹ ohwo rọ vwẹ ẹro so wẹ

Isẹ 28:25

Ọvwurhuru sua ohọnre, ẹkẹvuọvo ohwo rọ vwẹ ẹro so Ọrovwohwo che fe buebu.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 14:32

Kidie ohwo ọvo kpahe kẹ iyinkọn rẹ irere na? Ọrovwohwo re vwe obọ rọye fan Zayọn ihwo rọye re mu kpahe kẹ evun rọye e da djẹrhọ.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 40:24

Ugbegangan a vwọ kọn ayen, ugbegangan e vwo voro, ugbegangan ugbẹn rayen vwọ dje ruotọ, ọke rẹ odju de dju ayen re ki phiorọ, aphopho ko djuẹ ayen yanran kerẹ iphopho.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 45:20

Ghwẹ oma wẹn koko re wọ rhe, we siọma koko, ovwan ihwo ri ghwu chekọ vwẹ ẹgborho na, Ayen vwo erianriẹ-ẹn ri mu ẹdjọ re ibrirhe ghoro na, re ra nẹ ẹrhovwo kẹ edjọ ro se sivwẹ-ẹ.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 65:11

Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Aizaya 65:9

Me cha reyọ uvwiẹ ri Jekọp rhe, i ri nẹ Juda rhe ke reuku rẹ igbenu Mẹ; e re Me jẹreyọ ke vwọ re uku, idibo Mẹ ke cha dia etiyin.

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Jerimaya 2:28

Ẹkẹvuọvo kẹ ẹdjọ rẹ ovwan na rhọ ru wa ma kẹ oma rẹ ovwan na? Gbe jẹn ayen vrẹn se ayen se sivwi ovwan vwẹ ọke rẹ ukpokpogho rẹ ovwan kidie ọtiobo rẹ irere rẹ ovwan bu te na, eriyin edjọ rẹ ovwan ji bu te, E Juda.

Jerimaya 22:20

Yan kpo Lebanọn, wo kperi, je kpare urhuru wẹn vwi Beshan, viẹ nẹ Abarim rhe kidie esen wẹn ejobi a ghwọrọ ayen.

Jerimaya 22:22

Odju che sun isuigode wẹn, e che mu esen wẹn kpo ighuvwu kẹsiẹye oma ke vo wẹ ku wo kpogho fiki rẹ umwemwu wẹn ejobi.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Zekaraya 7:13

Ri mi vwo se, ayen nyori-i na, ọtiọye na re ayen rhe ji vwo se mi rhe ji nyo-o, Ọrovwohwo rẹ otuofovwi rẹ tarọ,

Iguẹdjọ 10:14

Ovwan yanran re kperi kẹ edjọ rẹ ovwan jẹ reyọ na; gbe jẹn ayen sivwi ovwan vwẹ ọke rẹ ukpokpogho rẹ ovwan na.