Aizaya 57:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Aizaya 57:11 ပူးပေါင်းရင်းမြစ်များ

Une rẹ Ejiro 50:21

Emu nana we ruru mi de fotovwi, ki wo rori ne mẹvwẹ ohwo kerẹ ọtio wẹ na. Asakiephana mi che nene uwe ghwọre, Me cha vwẹ imu nana ejobi phia kẹ wẹ re

Une rẹ Ejiro 78:36

Ẹkẹvuọvo da yẹ ayen de vwẹ unu brugu phihọ oma, ayen da vwẹ ẹrenvwe rayen vwọrọn efian kẹ.

Isẹ 29:25

Oshọ rẹ ohwo djẹ kpahe ufi vwọ kẹ, ẹkẹvuọvo ohwo rọ vwẹ ẹro so Ọrovwohwo na cha rhọ.

Aghwoghwo 8:11

Fikiridie a fobo brorhiẹ rẹ emu omiomio-vwi-i, kidie udu rẹ emọ rẹ ihwo vọnre vẹ umwemwu eruo.

Aizaya 26:10

Ọ da dianẹ e ru emu esiri kẹ oruimwemwu, o se yono phihọ ohwo esiri-i; vwẹ evun re otọ re evwata na, o ji ruẹ igburuku, ọ sa mrẹ ogangan rẹ Ọrovwohwo vughe-e.

Aizaya 30:9

Kidie ena ihwo ri gbe ozighi, emọ re vwọrọn efian, emọ ri jẹ eme enyo ri nyo uyono rẹ Ọrovwohwo na-a,

Aizaya 42:14

Kidie krekri re mi vwo rhurhu unu mẹ, Mi hwe oma mẹ mu me kpahe ota-a. Asakiephana ki mi kperi phia kerẹ aye rọ chuẹ uvwiẹ, Mi se ẹnwẹn reyọ re mi dje ofu.

Aizaya 44:20

Ọ ria iwurhie; udu ra phienre sunro ghwru nure, o gbi se sivwi oma rọye-e tanẹ. O gbi rhe vwo efian vwẹ obọrhe mẹ na-a?

Aizaya 47:7

Wọ da ta, Me dia oni bẹdẹ, fiki re ọtiọye na wo gbi roro imu nana eyẹ wọ rha karophihọ oba raye-en.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Jerimaya 3:21

E nyo urhuru ọvo vwẹ enu rẹ ugbenu phrẹphrẹphrẹ oviẹ vẹ ẹdjeguo rẹ emọ rẹ Izrẹl, fikiridie ayen wene idjerhe rayen, Ọrovwohwo Ọghẹnẹ rayen chọrọ ayen ẹro.

Jerimaya 38:19

Ovie Zedikaya da vuẹ Jerimaya, Oshọ ri Ju re djẹ bru ihwo ri Kaldia na ra mu vwe, ayen da rha reyọ ovwẹ kẹ ayen vwọ jehwẹ.

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Jerimaya 42:20

nẹ wa da yan ghwru arhọ rẹ ovwan ko nene. Kidie we ju vwe bru Ọrovwohwo Ọghẹnẹ rẹ ovwan, nẹ, Nẹ ẹrhovwo kẹ Ọrovwohwo Ọghẹnẹ rẹ avwanre na kẹ avwanre, re wo ghwoghwo kẹ avwanre emu kemu rẹ Ọrovwohwo Ọghẹnẹ rẹ avwanre djeri avwanre ruo.

Izikiẹl 13:22

Fikiridie wọ nẹrhẹ udu bru evwata na ekueku, ye me vwẹ udu bro kẹ, wo de phi udu phihọ ohwo umwemwu awọ, rere o je rhivwi nẹ idjerhe umwemwu rọye ro sivwi arhọ rọye,

Hosia 11:12

Ifrem vwọron efia rhurhu uvwe uwevwi rẹ Izrẹl vẹ ọphiẹnvwẹ; ẹkẹvuọvo Ọghẹnẹ je riẹn Juda, ọ je hẹ ohwo rẹ uyota kẹ Ọfuanfon Ọvuọvo na.

Matiu 25:25

Oshọ ko mu vwe ke me ra tọn igho wẹn phihọ otọ; nighe igho wẹn na.

Iruo rẹ Iyinkọn na 5:3

Ẹkẹvuọvo Pita da ta Ananayas die nẹrhẹ idẹbono vọn udu wẹn wọ vwọ vwọron ofian kẹ Erhi Ọfuanfon rọ nẹrhẹ owẹ si ubro rẹ igho rẹ otọ na nu?

2 Tẹsalonaika 2:9

Ẹcha rẹ onogbozighi na vwẹ oma rẹ iruo rẹ Idẹbono na ọ cha rhe vẹ ogangan ejobi vẹ eka rẹ ọphiẹvwẹ kugbe igbunu.

1 Timoti 4:2

fiki rẹ omeru rẹ evwọrefian rọ vwara muẹ ndu rẹ ayen kerẹ umomo rẹ ogun,

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.