Aizaya 57:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọvwata de ghwọrọ, ye ohwo ọvuọvo roro-o, ihwo esiri a kua ayen yanran, ye ohwo ovuọvo riẹ-ẹn. Kidie e si ọvwata nẹ okpetu,

Aizaya 57:1 ပူးပေါင်းရင်းမြစ်များ

1 Ivie 14:13

Izrẹl ejobi ki che vwere, ki sho; kidie ọye ọvo e che shi vwẹ oma ri Jeroboam, fikiridie ọye ọvo vwẹ uwevwi ri Jeroboam na, ọye ri ru ọbo ri je Ọrovwohwo, Ọghẹnẹ rẹ Izrẹl.

Ivie rẹ Ivẹ 22:20

Fiki rẹ ọtiọye na, nighe, Me cha ghwe owẹ vwo rhe esẹ wẹn, ka cha ghwa wẹ kpo ushi wẹn vwe ufuoma, ẹro wẹn rha cha mrẹ umiovwo re me cha vwọ rhe etinẹ na-a. Ayen de rhivwi ra nẹ iyẹnrẹn rẹ ota na kẹ ovie na.

2 Ikun rẹ Ivie 32:33

Hẹzikaya da vwerhẹ kugbe esẹ rọye, ayen de sho phihọ asan ubiugbenu rẹ ishi rẹ emọ ri Devid; Juda ejobi kugbe ihwo re dia Jerusalẹm de bru ọghọ phihọ oma vwẹ ughwu rọye na. Manasse rẹ ọmọ rọye da re vwẹ ẹdia rọye.

2 Ikun rẹ Ivie 34:28

Nighe, me cha ghwẹ wẹ hẹnrẹhẹnrẹ vwo bru esẹ wẹn, ke mu we kpo ushi wẹn, vwẹ ufuoma, ẹro wẹn rha cha mrẹ okpetn re me cha vwọ rhe etinẹ na kugbe ihwo re dia na-a. Ayen da vwẹ iyẹnrẹn rhe ovie na.

2 Ikun rẹ Ivie 35:24

Etiyin idibo rọye de muo nẹ ekpẹrẹ rẹ ofovwi rọye ayen de muo phihọ ọrivẹ ayen da gua kpo Jerusalẹm. O de ghwu, e de sho phihọ ishi rẹ esẹ rọye. Juda ejobi kugbe Jerusalẹm de vwere Josaya.

Une rẹ Ejiro 12:1

Chuko, Ọrovwohwo; kidie o rhe vwo ohwo esiri ọfa-a; kidie ihwo rẹ uyota ejobi ravwiẹ re nẹ uherevie rẹ emọ rẹ ihwo.

Une rẹ Ejiro 37:37

Ka oka phihọ ohwo ro je abe ẹriọ na, re wo ni ohwo rọ dia ọsoso, kidie oba rẹ ohwo yena ufuoma.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Aizaya 47:7

Wọ da ta, Me dia oni bẹdẹ, fiki re ọtiọye na wo gbi roro imu nana eyẹ wọ rha karophihọ oba raye-en.

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Jerimaya 18:11

Ọtiọye na gba ta kẹ ihwo ri Juda vwẹ asakiephana re wọ je ta kẹ ihwo re dia Jerusalẹm, Enẹ Ọrovwohwo tare, Nighe, me herọ choma re umiovwo kpahe owẹ, me je jẹ iroro kpahe owẹ. Dohwo didjerhe umwemwu rọye kurhẹriẹ nu wa rhuẹrẹ idjerhe vẹ eyere rẹ ovwan phihọ.

Jerimaya 22:10

Wọ viẹ ọ ro ghwuru na-a, wo ji vwerhe-e, ẹkẹvuọvo viẹ kẹ ọ rọ yanran na gangan kidie o gbi rhivwi rhe ọfa-a rhe mrẹ orere rọye-e.

Izikiẹl 21:3

re wọ ta kẹ otọ rẹ Izrẹl, Enẹ Ọrovwohwo tare: Nighe, mi mu kpahe owẹ, ki mi yoro ọlọkọ mẹ nẹ ako rọye rhe, ke me nyavwe ovwan kufia te ọvwata te oruimwemwu.

Maika 7:2

Ohwo esiri na ghwu nẹ otọ na re, o rhe vwo ọvwata ọvuọvo vwẹ ohri rẹ ihwo-o; ayen ejobi fiọnko hẹrhẹ ọbara dohwo doniọvo rọye tan ariri hẹrhẹ.

Malakae 2:2

Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Ukeri 23:10

Ono ri se kere ibiekpẹn rẹ otọ ri Jekọp, eyẹ se keri ẹkẹn ẹne rẹ Izrẹl? Jẹn uvwe ghwu ughwu rẹ ọvwata, rere oba mẹ họhọ Ọtiọye!