Aizaya 56:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 56:7 ပူးပေါင်းရင်းမြစ်များ

1 Ivie 8:41

Ọtiọye ji rhe ọke rẹ ọrhorha, rọ dia usun rẹ ihwo wẹn Izrẹli-i, de nẹ isiorho rhe fiki rẹ odẹ wẹn.

Une rẹ Ejiro 2:6

Me vwẹ ovie mẹ mu vwi Zayọn ugbenu ọfuanfon mẹ nure

Ẹyano 28:38

Ọ me dia arhare rẹ Erọn, Erọn kọ ghwa abe ro nẹ evun rẹ izobo ọfuanfon rẹ ihwo rẹ Izrẹl na ru fon na kọ dia okẹ ọfuanfon; kọ dia arhare rọye kọke kọke, rere Ọrovwohwo vwọ sa reyọ ayen.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 19:19

Vwẹ ẹdẹ yena ka cha so agbada kẹ Ọrovwohwo vwẹ uherevie re otọ rẹ Ijipt na, ka cha ma osusu kẹ Ọrovwohwo vwẹ ughwru rọye.

Aizaya 19:21

Ọrovwohwo kọ vwẹ oma rọye kẹ ihwo re Ijipt riẹn, ihwo rẹ Ijipt ke riẹn Ọrovwohwo vwẹ ẹdẹ yena kẹ ayen ga vẹ izobo kugbe izobo ẹtorhẹ, ayen ki ve ive kẹ Ọrovwohwo kẹ ayen hwaosa rẹ ive na.

Aizaya 25:6

Vwẹ ugbenu nana Ọrovwohwo rẹ otuofovwi na kọ vwẹ emu kẹ ihwo na ejobi re emu rẹ ivwri, wain ro vwo ọgbodo, emu rẹ ivwri rọ vọnre vẹ otu rẹ esuanson, wain egangan ra nabọ rhẹ

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 57:13

Ọke wo de bunu, gbe jẹn ekru rẹ oma wẹn sivwi uwe, Odju che dju ayen yanran, ẹnwẹn cha kpare ayen kufia. Ẹkẹvuọvo ohwo ro sioma rọye nu vwẹ oma Mẹ che vwo otọ na, kọ cha vwẹ ugbenu ọfuanfọn Me reuku.

Aizaya 60:11

Ke rhie anurhoro weẹ phihọ kẹse kẹse, te ason te uvo e gbi huhu aye-en; rere ihwo vwọ ghwẹ efe rẹ ẹgborho na rhe we, vẹ ivie rayen re tẹrẹ usun.

Aizaya 60:7

Uchuru ri Keda ejobi ke ghwẹ koko bru we rhe, egho ri Nebaiọth che gbe odibo kẹ wẹ, ayen cha rhe vẹ ẹreyọ vwẹ enu rẹ ẹshẹ Mẹ, ke Me vwẹ ejiro kẹ uwevwi rẹ urinrin mẹ na.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 65:11

Ẹkẹvuọvo vwọ kẹ wẹ rọ sen Ọrovwohwo na, rẹ ugbenu ọfuanfon Mẹ chọẹro, ro mu imẹjẹ phihọ otọ kẹ ephaẹbọ re gua iko rẹ idi vwọ kẹ Urhiẹvwe;

Aizaya 65:25

Okpohrokpo vẹ ogodẹ ke cha re emu kugbe, ekpẹn kọ cha re ọdi kerẹ erhuẹn, ekpẹn kọ dia emu rẹ ọrọdekọ, ayen gbe woma-a eye ghwọrọ-ọ vwẹ enu rẹ ugbenu ọfuanfon Mẹ ọfa-a, eriyin Ọrovwohwo tare.

Jerimaya 7:11

Kẹ uwevwi nana re vwo se odẹ mẹ na rhoma hirhe phihọ unu rẹ igbunegbu vwẹ ẹro rẹ ovwan? Nighe, ekpuyovwi mẹ mrerẹ nure, eriyin Ọrovwohwo na tare.

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Izikiẹl 47:22

Ku we bro ẹkuẹko rọ dia ẹkẹn uku kẹ oma rẹ ovwan kugbe erhorha re dia ohri rẹ ovwan ri ji vwiẹ emọ vwẹ ohri rẹ ovwan. Ayen ke dia kerẹ emotọ re vwiẹri vwẹ Izrẹl na; ayen vẹ ovwan keye a ghare uku na kẹ vwẹ ohri rẹ orua rẹ Izrẹl na.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Matiu 21:13

Ọ da ta kẹ ayen nẹ, e siro nẹ, Uwevwi mẹ e se nẹ uwevwi rẹ ẹrhovwo; ẹkẹvuọvo we vwi ro ru unu rẹ iji.

Iyẹnrẹ Esiri ri Mak 11:17

O de yono, ọ da ta kẹ ayen, E siro jovwo, uwevwi mẹ e se nẹ uwevwi rẹ ẹrhovwo kẹ ẹgborho na ejobi? ẹkẹvuọvo ovwan vwi ro ru uwevwi rẹ iji.

Iyẹnrẹ Esiri ri Luk 19:46

tanẹ, E siro, Uwevwi mẹ hẹ uwevwi rẹ ẹrhovwo; ẹkẹvuọvo we vwiro ru unu rẹ iji.

Ọbe ri Pọl si rhe Ihwo ri Rom 12:1

Imoni mẹ, me rẹ ovwan, rere vwẹ arodọvwẹ rẹ Ọghẹnẹ, ovwan sa vwẹ oma rẹ ovwan ze izobo ọkpokpọ, rọ fọnro ro fo ẹreyọ kẹ Ọghẹnẹ, kọye hẹ ẹga rẹ erhi rẹ ovwan ga.

1 Timoti 2:8

Me guọnọre nẹ kohwo kohwo vwi kasan kasan ejobi kpare abọ efuanfon rẹ ayen kpenu rere ayen nẹ ẹrhovwo, ọ dia ọ rẹ ẹghwọ vẹ ophu-u;

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Hibru 13:15

E gbe jẹn avwanre wan oma rọye gọ iye rẹ ejiro kẹ Ọghẹnẹ kọke kọke, kọye hẹ, ẹbẹrunu rẹ avwanre re vwo jiri odẹ rọye.

1 Pita 2:5

Ekpuyovwi rẹ ovwan ke họhọ eragha ri jeghwo ra vwọ họn uwevwi rẹ erhi, uvwie rẹ irherẹn fuanfon, re gọ iye rẹ erhi rẹ Ọghẹnẹ miere vwẹ oma ri Jesu Kristi.