Aizaya 56:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kugbe erhorha ri rhi kuoma gbe Ọrovwohwo na, ri gbe odibo kẹ, re guọnọ odẹ re Ọrovwohwo na, re dia idibo rọye, kohwo kohwo rọ yọnrọn ẹdidjala, ro gbere ẹgua-a, re yọnrọn ọphọ Mẹ gbae–

Aizaya 56:6 ပူးပေါင်းရင်းမြစ်များ

1 Ivie 8:41

Ọtiọye ji rhe ọke rẹ ọrhorha, rọ dia usun rẹ ihwo wẹn Izrẹli-i, de nẹ isiorho rhe fiki rẹ odẹ wẹn.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 44:5

Ọnana me tanẹ, Mẹvwẹ ọ rẹ Ọrovwohwo, ọfa me vwẹ odẹ ri Jekọp fa oma, ọfa mi si phihọ obọ rọye nẹ, Ọ rẹ Ọrovwohwo, o mi mu odẹ rivẹ kẹ oma rọye nẹ Izrẹl,

Aizaya 58:13

Ọ da dianẹ wo chuko wẹ ku ẹdidjala na, wo de gbobọnyẹ avwerhe wẹn vwẹ ẹdẹ ọfuanfon mẹ na, wo de se ẹdidjala na ẹdẹ avwerhe, ẹdẹ ọfuanfon rẹ Ọrovwohwo na ẹdẹ rẹ ọghọ; wo de mu ọghọ kẹ, wo rhe nene idjerhe rẹ obọ wẹ-ẹn eyẹ wọ rha guọnọ avwerhe rẹ obọ wẹ-ẹn, wo de gbe ikun ogbigbigbe-e,

Aizaya 60:10

Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Aizaya 61:5

Erhorha ki che mudia re ghẹrẹ uchuru wẹn, erhorha ki che voro ivoro wẹn re rhuẹrẹ vain wẹn,

Aizaya 61:6

ẹkẹvuọvo ke se we irherẹn rẹ Ọrovwohwo na, ihwo ke ta kpahe owẹ nẹ igbodibo rẹ Ọghẹnẹ rẹ avwanre, ku wọ re vwe efe re otọ na, vwẹ efe rayen wo de vwo ejiro.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Izikiẹl 20:13

Ẹkẹvuọvo uwevwi rẹ Izrẹl de mu kpahe ovwẹ vwẹ evun rẹ aghwa, ayen gbe yan phihọ evun rẹ iji mẹ-ẹ ẹkẹvuọvo ayen da sen irhi mẹ, rẹ ohwo rọ sẹro rayen ko rhọ, ẹdidjala mẹ ayen de gbe ẹgua tughu tughu. Etiyin mi de roro nẹ mi ku ophu mẹ ku ayen vwẹ evun rẹ aghwa na, rere mi ghwe furhie ayen re kakare.

Izikiẹl 47:22

Ku we bro ẹkuẹko rọ dia ẹkẹn uku kẹ oma rẹ ovwan kugbe erhorha re dia ohri rẹ ovwan ri ji vwiẹ emọ vwẹ ohri rẹ ovwan. Ayen ke dia kerẹ emotọ re vwiẹri vwẹ Izrẹl na; ayen vẹ ovwan keye a ghare uku na kẹ vwẹ ohri rẹ orua rẹ Izrẹl na.

Zekaraya 6:15

Otu re he ogboko jovwo na ke cha rhe rhi nene ayen bọn uwevwi rẹ Ọrovwohwo na; ku wọ cha riẹn nẹ Ọrovwohwo rẹ otuofovwi na ri ji vwe bru we rhe. Ọnana che ru, o da dianẹ wọ vwẹ oma kpotọ nyo urhuru rẹ Ọrovwohwo Ọghẹnẹ wẹn na .

Iruo rẹ Iyinkọn na 11:23

Ọke rọ vwọ rhe rhe mrẹ ẹserọphẹ rẹ Ọghẹnẹ na, oma da vwerhọn; o de bru ayen uche rere ayen nabọ mudia gan vwi iruo rẹ Ọrovwohwo na;

Iruo rẹ Iyinkọn na 2:41

Ọtiọye na a da vwẹ ame kẹ ihwo re reyọ ota rọye na, ayen otu re keri kugbe ukoko na vwẹ ẹdẹ yena na da dia ihwo uriori erha.

Ọbe ri Pọl si rhe Ihwo ri Rom 8:28

Avwanre riẹnre nẹ emu kemu ejobi rẹ ohwo rọ guọnọ Ọghẹnẹ ruru ọ phiọn kẹ, ihwo re seri kirobo rẹ ẹguọnọ rọye epha.

1 Kọrẹnt 16:22

Ọ da dianẹ ohwo ọvuọvo rhe vwo ẹguọnọ kẹ Ọrovwohwo-o, yẹ a harherọ ekan. Ọrovwavwanre, cha!

2 Kọrẹnt 8:5

Ọnana, dia obo rẹ avwanre phiẹrohọ jovwo-o, ẹkẹvuọvo ayen de ke siobọ nẹ oma rẹ ayen kẹ Ọrovwohwo vẹ avwanre vwẹ ọhọre rẹ Ọghẹnẹ.

Galesha 5:6

Kidie, vwẹ evun ri Kristi Jesu, oyanvwe kugbe ijẹyanvwọ fi emu ọvuọvo-o; ẹkẹvuọvo esegbuyota ro ru iruo vwẹ evun rẹ ẹguọnọ.

Ẹfesọs 6:24

Ẹserọphẹ dia kẹ ayen ejobi re guọnọ Ọrovwavwanre Jesu Kristi vẹ ẹguọnọ ro je ghwo.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Ẹvwọphia 1:10

Me da hẹ evun rẹ Erhi na vwẹ ẹdẹ rẹ Ọrovwohwo na, kọye mi de nyo urhuru ọvo rode vwẹ obuko mẹ kerẹ owanre,