Aizaya 56:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 56:5 ပူးပေါင်းရင်းမြစ်များ

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 48:19

uvwiẹ wẹn ka dia kerẹ ibiekpẹn rẹ otọ orua wẹn kọ họhọ ibieka rọye, a gbe sa nyavwe odẹ rayen kufia-a eyẹ vwọ ghwọrọ ayen nẹ obaro mẹ-ẹ.

Aizaya 55:13

Asan rẹ inwe epha jovwo ọwangha kọ dia etiyin, asan re ebẹ epha jovwo ke odi ghevweghe; kọ dia ke Ọrovwohwo ẹkarohọ ri bẹdẹ, kọ dia oka ri bẹdẹ ro je phoro.

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 62:12

Ke se ayen ihwo efuanfon na, re Ọrovwohwo tan hirhe, ke se we nẹ Aguọnọ phia, orere re jẹ siọ.

Aizaya 62:2

Ẹgborho na ke cha mrẹ ase wẹn, ivie na ejobi kẹ urinrin wẹn, ka vwẹ odẹ ọkpokpọ se we rẹ unu rẹ Ọrovwohwo ọvo che se.

Aizaya 66:20

Ayen ke cha reyọ imoni wẹn nẹ ẹgborho na ejobi rhe kerẹ ẹkpẹvwẹ kẹ Ọrovwohwo, vwe enu re iyesi, kugbe ekpẹrẹ rẹ ofovwi, vwẹ enu re eranvwe, kugbe enu ri lama, iyesi rẹ eshare, vwo kpo ugbenu ọfuanfon Mẹ Jerusalẹm, eriyin Ọrovwohwo tare, kirobo rẹ ihwo rẹ Izrẹl reyọ ẹkpẹvwẹ rẹ ọka phihọ orọvwọ phẹphẹ vwọ cha uwevwi rẹ Ọrovwohwo na.

Aizaya 66:22

Kirobo rẹ odjuvwu ọkpokpọ kugbe akpọ ọkpokpọ ri mi che ru cha dia vwẹ obaro Mẹ, eriyin Ọrovwohwo tare; eriyin uvwiẹ wẹn kugbe odẹ wẹn cha dia.

Zẹfanaya 3:20

Vwẹ ọke yena ki mi se we kpo uwevwi, vwẹ ọke yena ri mi de che se ovwan koko; e, ki mi ru we vwo kperi usi re de jiri uwe vwẹ ohri rẹ ihwo rẹ akpọ na, re me da vwẹ ughwẹ rẹ ovwan rhivwi rhe vwẹ irharo rẹ ovwan na, eriyin Ọrovwohwo na tare.

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Ẹfesọs 2:22

Evun rọye kọye a je bọn ovwan phihọ ẹdia rẹ Ọghẹnẹ vwẹ evun rẹ Erhi na.

1 Timoti 3:15

o da dianẹ emu da vwẹ ji, re wọ vwọ sa riẹn obo wo ru vwẹ evwruwevwi rẹ Ọghẹnẹ, kọye hẹ ishọshi rẹ Ọghẹnẹ ri bẹdẹ na, osunsun kugbe egbe rẹ uyota na.

Hibru 3:6

ẹkẹvuọvo Kristi kẹ ohwo rẹ uyota rọ hẹ rẹ uwevwi rẹ Ọghẹnẹ kerẹ ọmọ. Avwanre hẹ uwevwi rọye ọ da dianẹ avwanre yọnre ẹro ẹvwọsuọ kugbe eyan rẹ iphiẹrohọ rẹ avwanre gan.

1 Jọn 3:1

Nighe didi ẹguọnọ Ọsẹ na vwo kẹ avwanre, rere e vwo se avwanre emọ rẹ Ọghẹnẹ; kẹ ọtiọye avwanre epha. Fiki rẹ ọtiọye na akpọ na rha riẹn avwanre-e, fikiridie ọ je riẹ-ẹn.

Ẹvwọphia 2:17

Ohwo ro vwo erhọn, e jo nyo obo rẹ Erhi na ta kẹ ishọshi na. Ohwo ro phi kparobọ kẹ me vwẹ mana re sinu rhabae na kẹ, ke mẹ vwẹ ubioragha ọfuanfon kẹ, re si odẹ ọkpokpọ phihọ rẹ ohwo ọfa sa riẹ-ẹn jokpa rẹ ohwo ra vwerọ kẹ ọvo.

Ẹvwọphia 3:12

Ohwo ro phi kparobọ, ki mi che vwo ru uchivwo vwẹ evun rẹ uwevwi rẹ Ọghẹnẹ mẹ; e rhe se ghwie no bẹdẹ-ẹ, ki mi si odẹ rẹ Ọghẹnẹ mẹ vwọ tamuo, kugbe odẹ rẹ orere rẹ Ọghẹnẹ mẹ na, Jerusalẹm Ọkpokpọ na ro nẹ obọ rẹ Ọghẹnẹ rọ hẹ obo odjuvwu rhe otọ na, kugbe odẹ mẹ ọkpokpọ na.

Ẹvwọphia 3:5

Ohwo ro phi kparobọ ko ku iwun tiọna phihọ, mi gbi phoro odẹ rọye nẹ ọbe rẹ arhọ na-a; ke me rhọvwe odẹ rọye vwẹ obaro rẹ Ọsẹ mẹ kugbe emakashe rọye.

1 Samuẹl 1:8

Elkanah, rẹ ọshare rọye, da ta kẹ, Hanah, die wọ vwọ viẹ? Die wo vwo jẹ emu ẹriọ? Die nẹrhẹ udu wẹn muoma phihọ? Me rho nọ emọ ihwe kẹ wẹ-ẹ?