Aizaya 56:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

Aizaya 56:11 ပူးပေါင်းရင်းမြစ်များ

Ẹyano 23:3

wọ ghwẹ oma abọvo rere wo guẹdjọ rhurhu ovwiogbere-e.

Aghwoghwo 5:10

Ohwo rọ guọnọ igho, igho sa daro-o; eyẹ ohwo rọ guọnọ efe, erere je daro rhe-e; ọnana je hẹ odiodi rhe.

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 28:7

Enana ejobi na re kpogho vẹ idi, idi egangan re mu ayen gele; te orherẹn vẹ ọmraro re gele vẹ idi gangan, ayen ghwruru vwi jẹn obaro enote, ayen beghe vwẹ orhiebro

Aizaya 57:17

Fiki rẹ orukuruku rẹ ubiupho rẹ imu rẹ ihwo efa ọye ivun vwo miovwo uvwe, Me da ghwiẹ, Mi si opharo nu kẹ ivun de miovwo uvwe, ẹkẹvuọvo o jiji siẹ hẹ obuko vwẹ idjerhe re udu rọye.

Jerimaya 22:17

Ẹkẹvuọvo wọ vwẹ ibiẹro vẹ udu vwọ kẹ erere ọchọchọ ọvo, vwo sun ọbara rẹ evwata te otọ, ji vwo ru oshenyẹ vẹ ozighi.

Jerimaya 6:13

Kidie nẹ omotete re te ọkpako rayẹn, vwo urhuru rẹ igho re eku; nẹ ọmraro re te orherẹn ruẹ emu rẹ egbẹnẹkẹ.

Jerimaya 8:10

Vwẹ ọtiọye na ke me vwẹ eya rayen kẹ ihwo efa, ke me vwẹ udju rayẹn kẹ otu ri phi ayen kua, fikiridie nẹ omotete rayen re te omirẹgua vwo urhuru rẹ igho rẹ eku; nẹ orherẹn re te ọmraro ejobi vwọrọn ofian.

Izikiẹl 13:19

Wo gbe vwe ẹgua vwẹ ohri rẹ ihwo mẹ fiki rẹ ẹkuobọ rẹ ọka kugbe ubro rẹ ikara, we mi hwe ihwo ri fo ughwu-u, ihwo ri fo ughwu we mi je ayen vwo, vwẹ oma rẹ efian re wa vwọrọ kẹ ihwo mẹ, re kerhọn rẹ efian.

Hosia 4:8

Vwẹ enu rẹ imwemwu rẹ ihwo mẹ koye ayen da ghẹrẹ oma rẹ ayen; Ayen hirhe phihọ ọvwurhuru fiki rẹ orukuruku rẹ ayen.

Maika 3:11

Igbuyovwi rọye da udi tavwe ri ki brorhiẹ, irherẹn rọye yono fiki rẹ osa, emraro na hẹrhẹ igho re ke mraro, ye ayen vwẹ oma kpahe Ọrovwohwo ayen me ta, Ọrovwohwo na he uherevie rẹ avwanre-e? Emu umwemwu ọvuọvo che te avwanre oma-a.

Malakae 1:10

E mani kẹ a sa mrẹ ohwo ọvo vwẹ ohri rẹ ovwan na rọ kanre echẹ na, rere we vwo jẹ erhanre rẹ ogbarogba ekoko phihọ agbada mẹ na. Ivun re ovwan gbe vwerhovwẹ-ẹ, eriyin Ọrovwohwo rẹ otuofovwi na tare, me cha reyọ ẹkpẹvwẹ rẹ ovwan na-a.

Ukeri 22:7

Etiyin ekpako ri Moab vi Midian de vrẹn vẹ igho ra vwọ bọ epha vwẹ obọ rẹ ayen, ayen de te asan ri Balaam, ayen ke vuẹ ovuẹ ri Balak.

Iyẹnrẹ Esiri ri Jọn 8:43

Kidie obo mẹ tare vwo jẹ ovwan ẹruọ? Fikiridie ovwan guọnọ ota mẹ nyo-o.

Iruo rẹ Iyinkọn na 20:29

Me riẹnre nẹ ọke mi de kpo nu ikpohrokpo re djoma cha rhe ohri rẹ ovwan, i che jẹ igodẹ na vwo ẹghwọrọ-ọ.

Iruo rẹ Iyinkọn na 20:33

Urhuru rẹ idọnọ ọfuanfon eyẹ oro eyẹ amwa rẹ ohwo ọfa si vwe-e.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

Filipae 3:19

Oba rayen kẹ ẹghwọrọ, ẹdjọ rẹ ayen gọ kẹ evun, omaẹvuọ rayen kọye ayen vwọ yan eyan, vẹ iroro rẹ ayen vwọ kpahe emu rẹ akpọ na.

Filipae 3:2

Wa kẹnoma kẹ eranko na, wa kẹnoma kẹ ivwuvumwemwu na, wa kẹnoma kẹ otu re tua ibrebru rẹ Ọghẹnẹ phihọ oma na.

1 Timoti 3:3

ọ dia ọgba-udi-i, ọ dia ohwo gudu gudu-u ẹkẹvuọvo ohwo dẹndẹn, ọ dia ohwo rẹ ẹghwọ-ọ, o nenesi rẹ igho-o.

1 Timoti 3:8

Otu ri dikin me je dia ihwo rẹ use na nabo we, ọ ta ota ivẹ-ẹ, o siọgba rẹ ndi-i, o vwo urhuru rẹ efe rẹ okpakpa-a;

Taitọs 1:11

o fori rere ihwo yena rhurhu unu rẹ ayen, ihwo re kparẹ ọsoso rẹ uwevwi ghwọrọ, ri vwi fiki rẹ erere yono obo rẹ ayen eyono-o.

Taitọs 1:7

Kidie Ibishọpu, kerẹ odibo rẹ Ọghẹnẹ, o vwo abe-e, o mu oma kpenu-u eyẹ ọ fobọ mu ophu-u eyẹ ọ dia ogbaudi-i eyẹ o gbe ozighi-i eyẹ o vwo urhuru rẹ erere-e,

1 Pita 5:2

Ghẹrẹ uchuru rẹ Ọghẹnẹ ra vwọ kẹ wẹ yọnre na, ọ dia ọ rẹ ẹgbahọ-ọ ẹkẹvuọvo ọ ro nẹ udu rhe, ọ dianẹ ra vwọ mrẹ erere rẹ omaẹvuọ-ọ ẹkẹvuọvo re ruo vẹ evun phephẹn,

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

Ọbe ri Jud 1:11

Ekan kẹ ayen! Kidie idjerhe ri Ken ayen nene na, ubiupho rẹ erere re nẹrhẹ ayen nene oruchọ ri Bẹlam, ọ da nẹrhẹ ayen ghwu phihọ omẹriọ ri Kora.

Ọbe ri Jud 1:16

Enana hẹ ihwo ri guẹ huhuhu, rẹ evun rẹ umwemwu jẹvọn, ri nene urhuru sivwe rẹ ugboma, ri rhie enu phihọ yan eyan, ri brugun hẹ ihwo oma fiki rẹ erere.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.

Iguẹdjọ 18:20

Ivun da vwerhe orherẹn na; o de ku ibuluku na, kugbe terafim na, kugbe oma na, ọ da ro uherevie nene ayen yanran.

1 Samuẹl 2:29

Die sorọ wọ vwẹ ẹro rẹ urhuru vwo nẹ izobo mẹ kugbe ẹkpẹvwẹ mẹ ri mi ji urhi phihọ, ru wo de mu ọghọ kẹ emọ wẹn nọ vwẹ ru wọ reyọ asan rọ ma vwerhe vwẹ izobo rẹ ihwo mẹ Izrẹl vwọ ghẹrẹ oma tubie tubie?