Aizaya 55:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 55:7 ပူးပေါင်းရင်းမြစ်များ

Jẹnẹsis 6:5

Ọrovwohwo da mrẹ nẹ evun umwemwu rẹ ohwo rhoro gangan vwẹ evun rẹ akpọ na, ọ da je mrẹ nẹ iroro rẹ udu rọye pha brabra vwẹ ọke ejobi.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

2 Ikun rẹ Ivie 15:4

Ẹkẹvuọvo vwẹ ọke rẹ ọdjarhe ayen de rhivwi bru Ọrovwohwo Ọghẹnẹ rẹ Izrẹl, rẹ ayen da guọnọ, ayen ke mrẹ.

2 Ikun rẹ Ivie 30:6

Etiyin aghwoghwo da ro Izrẹl kugbe Judea ejobi vẹ ẹbe rẹ ovie vẹ isun na siri, kirobo rẹ ovie na ji iji, tanẹ, E ihwo rẹ Izrẹl, wẹ rhivwi bru Ọrovwohwo, Ọghẹnẹ rẹ Ebraham, Aizik, kugbe Izrẹl, rere o rhivwi bru umuku rẹ ovwan re djẹ va ovie rẹ Asiria obọ.

2 Ikun rẹ Ivie 33:13

Ọ da nẹ ẹrhovwo kẹ, Ọghẹnẹ de nyo orẹ rọye kugbe oyare rọye ọ da rhoma reyọ vwo rhe uvie rọye vwi Jerusalẹm. Etiyin Manasse ke riẹn nẹ Ọrovwohwo ọye Ọghẹnẹ.

2 Ikun rẹ Ivie 7:14

Ọ da dianẹ ihwo mẹ ra vwẹ odẹ me se da vwẹ oma kpotọ, rẹ ayen da nẹ ẹrhovwo rẹ ayen da guọnọ opharo mẹ, rẹ ayen de kurheriẹ nẹ idjerhe ọbrabra rayen, eriyin ki mi nyo nẹ obo odjuvwu rhe, ke me vwẹ imwemwu rayen ghovwo ayen ki mi sivwi otọ rayen.

ỌBE RẸ JOB 22:23

Wo de rhivwi bru Ọrovwoẹgba ru wọ da vwẹ oma wẹn kpotọ, wo de si umwemwu shesheri nẹ utughẹ wẹn,

Une rẹ Ejiro 130:4

Ẹkẹvuọvo evwoghovwo rhe we, rere a vwọ djẹ oshọ wẹn.

Une rẹ Ejiro 130:7

E Izrẹl, phiẹro phihọ Ọrovwohwo na! Kidie obọ rẹ Ọrovwohwo ọye ẹguọnọ ro jẹ rhẹriẹ epha, kugbe ẹtanhirhe rọ vọn obọ rọye buebu.

Une rẹ Ejiro 51:1

Ni aruẹdọ mẹ, E Ọghẹnẹ, kerẹ ọtiobo rẹ ẹguọnọ ro jẹ rhẹriẹ wẹn bute, kerẹ ọtiobo re aruẹdọ wẹn bute, phoro ogbeku mẹ nu

Une rẹ Ejiro 66:18

Ọ da dianẹ me ghẹrẹ orukuruku vwẹ udu mẹ, Ọrovwohwo sa kerhọn mẹ-ẹ

Isẹ 28:13

Ohwo ro si ogbeku rọye nu che se yovwẹ-ẹ, ẹkẹvuọvo ohwo rọ rhọvwerọ ro de siobọ nẹ ayen cha mrẹ arodọvwẹ.

Aizaya 1:19

Wọ da rhọvwe wo de mu ọghọ, ku wọ re emu esiri rẹ otọ na,

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 21:12

Ọrhẹrotọ, na da ta, Irhiọke cha, ye ason na ji sheri Ọ da dianẹ wọ nọ, nọ wọ, rhoma rhe.

Aizaya 31:6

Rhivwi bru ohwo re ovwan gbe kpahe gangan na, E ihwo re Izrel.

Aizaya 32:7

Irhurhu re ohwo rhurhu imiomiovwi; iroro umwemwu ọye ọvo ọ roro rọ vwẹ efian ghwọrọ ọvwiọgbere, owene ẹdjọ re ovwuvwọhwo na phiọre.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 43:25

Mẹvwẹ, Mẹvwẹ Ọye ri vwi fiki mẹ phoro orukuruku wẹ nu, Me gbe karohọ imwemwu wẹ-ẹ.

Aizaya 44:22

Mi hwerhe orukuruku wẹn kerẹ ikoro, umwemwu wẹn kerẹ evwru, rhivwi rhe, kidie me tan wẹ nure.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 58:6

Ọ dia oghẹre rẹ ewẹvwe ọtiọna Me jẹreyọ ra vwọ rhan ifi rẹ umwemwu, re vwo vwrẹn ifi rẹ urhekpe, re siobọ nẹ ohwo re shenyẹ kpo ọphẹ, rere e vwirhi kurhekpe kurhekpe?

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Jerimaya 3:14

Kurhẹriẹ ovwan emọ rẹ igberadja na, eriyin Ọrovwohwo tare, kidie mẹvwẹ onini wẹn, me cha reyọ ovwan ọvuọvo nẹ orere, kugbe ivivẹ nẹ orua, ke me reyọ ovwan rhe Zayọn.

Jerimaya 3:3

Ọtiọye na a vwo da eghwẹghwẹ rẹ osio na ji yẹ osio rẹ owanre je rhọ-ọ, yu wo vwo oka rẹ ọfarhiẹ vwẹ arhare oma sa vo ovwa-an.

Jerimaya 4:14

E Jerusalẹm, họ oma wẹn nẹ orukuruku rọ hẹ udu wẹn, rere wọ vwọ rhọ. Mavọ iroro umwemwu wẹn dia evun wẹn krite?

Uvwerhe 3:40

E jẹn avwanre davwẹ idjerhe rẹ avwanre ni, rere e rhivwi bru Ọrovwohwo na

Izikiẹl 14:6

Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Jona 3:10

Ọke rẹ Ọghẹnẹ vwọ mrẹ obo rẹ ayen ruru, obo rẹ ayen siobọ nẹ idjerhe ọbrabra rayen, Ọghẹnẹ de siobọ nẹ iroro ọbrabra rọ jẹ kpahe ayen na, o rhe ruo-o.

Zekaraya 8:17

we roro iroro umwemwu vwẹ udu rẹ ovwan vwọ kpahe Ọrovwohwo-o, wo duvwu iyori rẹ efia-an, kidie emu nana ejobi tu vwe oma, Ọrovwohwo tarọ.

Matiu 9:13

Ẹkẹvuọvo gba ra guọnọ otọ rẹ ota nana, me guọnọ arodọvwẹ, ọ dia izobo-o; mi rhi se evwata-a, ẹkẹvuọvo iruimwemwu.

Iyẹnrẹ Esiri ri Mak 7:21

Kidie evun rẹ udu rẹ ohwo, ọye iroro imiomiovwi nẹ cha, ọfanrhie egbe, iji echo, izighe, igberadja,

Iyẹnrẹ Esiri ri Mak 7:23

Imu imiomiovwi nana ejobi evun rẹ udu i nẹ cha, eyena keye ri miovwo ohwo.

Iyẹnrẹ Esiri ri Luk 15:10

Ọtiọye ọ epha, me ta kẹ ovwan nẹ, aghọghọ herọ vwẹ obaro rẹ emakashe rẹ Ọghẹnẹ vwẹ enu rẹ oruimwemwu ọvo ro kurhẹriẹ.

Iyẹnrẹ Esiri ri Luk 15:24

Kidie ọmọ me nana ghwuru jovwo, ọ rhoma varhe; o ghwruru jovwo, a rhoma mrẹ. Kẹ ayen ghọghọ.

Iyẹnrẹ Esiri ri Luk 7:47

Fiki rẹ ọtiọye na Me ta kẹ wẹ, Umwemwu rẹ aye nana, rọ epha buebu jovwo na, a vwẹ ayen ghovwo; kidie ẹguọnọ rọye buru; ẹkẹvuọvo ohwo ra vwẹ emu otete kẹ, jẹ emu otete ọ guọnọre.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 3:19

Ovwan gbe kurhẹriẹ rere ephoro imwemwu rẹ ovwan nu, rere omamọ rẹ eyere rẹ arhọ na vwo nẹ obọ rẹ Ọrovwohwo na bru ovwan rhe.

Jems 1:15

Ọke rẹ ẹguọnọ rẹ ugboma da rhe mrevun re ko vwiẹ umwemwu; umwemwu de rhi bunọ re kọ ghwa ughwu cha.