Aizaya 55:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Aizaya 55:6 ပူးပေါင်းရင်းမြစ်များ

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

2 Ikun rẹ Ivie 19:3

Ẹkẹvuọvo a mrẹ ememu esiri vwẹ oma wẹ, kidie wẹ re guọghọ oghriki nẹ otọ na, wọ da rha vwẹ udu wẹn vwọ guọnọ Ọghẹnẹ.

Ezra 10:2

Etiyin Shekanaya ọmọ rẹ Jehiẹl rẹ emọ rẹ Elam da kpahe ta kẹ Ẹzra nẹ, Avwanre gbẹ urhi rẹ Ọghẹnẹ rẹ avwanre ku kidie avwanre rọvwọ eya erhorha rẹ ihwo rẹ otọ na, ẹkẹvuọvo mrẹmrẹ vwẹ asakiephana iphiẹrohọ je herọ kẹ Izrẹl vwẹ evun rẹ ọnana.

ỌBE RẸ JOB 8:5

O da dianẹ wọ guọnọ Ọghẹnẹ ru wọ da rhara abọ kẹ Ọrovwoegba na,

Une rẹ Ejiro 14:2

Ọrovwohwo dia obo odjuvwu de nẹ emọ re ihwo rẹ akpọ, sa sa mrẹ ọvo rọ vwo ẹghwanre, ro nenesi rẹ Ọghẹnẹ.

Une rẹ Ejiro 145:18

Ọrovwohwo si kẹre otu ri sere ejobi, ayen ejobi ri sere vwẹ uyota,

Une rẹ Ejiro 148:14

Ọ kpare ighoro ọvo kpenu kẹ ihwo rọye, ejiri kẹ ihwo efuanfon rọye ejobi, vwọ kẹ ihwo rẹ Izrẹl re kẹre oma. Jiri Ọrovwohwo na.

Une rẹ Ejiro 27:8

We re tare, Guọnọ opharo mẹ Udu mẹ da ta kẹ wẹ, Opharo wẹn Ọrovwohwo, ọye me guọnọ.

Une rẹ Ejiro 32:6

Fiki rẹ ọtiọye na kohwo kohwo esiri kọ nẹ ẹrhovwo kẹ wẹ, vwẹ ọke rẹ ukpokpogho, vwẹ ọke rẹ oghwe da mwavwa cha, ayen gbe se si kere owẹ-ẹ.

Une rẹ Ejiro 34:19

Ukpokpogho re ọvwata ọpha buebu, ẹkẹvuọvo Ọrovwohwo na sivwo nẹ ayen ejobi.

Une rẹ Ejiro 75:1

Avwanre vwẹ ẹkpẹvwẹ kẹ wẹ, E Ọghẹnẹ, avwanre kpẹvwẹre; avwanre se odẹ wẹn me de kere uruemu re igbunu wẹn.

Une rẹ Ejiro 95:7

kidie ọye Ọghẹnẹ re avwanre, avwanre ke rha ihwo re egbri rọye kugbe igegede re obọ rọye. E manẹ nonẹ na ke nyo urhuru rọye vwonẹ!

Isẹ 8:17

Me guọnọ ihwo re guọnọ ovwẹ, ihwo re vwẹ oma kpotọ guọnọ ovwẹ ke mrẹ vwẹ.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 26:9

Urhuru wẹn re si ẹnwẹn mẹ vwẹ ason, ẹnwẹn mẹ nabọ vwẹ oma kpotọ guọnọ owẹ Kidie ọke rẹ ọrhiebro da hẹ evun rẹ akpọ na re, ihwo rẹ akpọ na ki yono ọvwata.

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 58:9

Ọke yena ku wo se, Ọrovwohwo ko nyo, ku wo kperi, kọ ta kẹ wẹ nẹ, Mẹvwẹ na. Ọ da dianẹ we si urhekpe na nẹ uherevie rẹ ovwan urhiabọ ra riẹn, kugbe ota umwemwu ra ta,

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Jerimaya 25:5

tanẹ, rhẹriẹ asakiephana ovwan na ejobi, nẹ idjerhe umwemwu vẹ iruo ebrabra rọye na, re wa dia otọ rẹ Ọrovwohwo vwọ kẹ ovwan vẹ esẹ rẹ ovwan nẹ awanre rhe rhiri bẹdẹ;

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Izikiẹl 14:6

Fiki rẹ ọtiọye na gba ta kẹ uwevwi rẹ Izrẹl na, Enẹ Ọrovwohwo Ọghẹnẹ tare Kurhẹriẹ ru wo chuko ku ema wẹn na, rere wo si opharo wẹn nẹ emu rẹ ẹgua wẹn ejobi.

Izikiẹl 33:11

Ta kẹ ayen, kirobo re me herọ na, eriyin Ọrovwohwo Ọghẹnẹ tare, mi vwo omavwerhovwẹ vwẹ ughwu rẹ ohwumwemwu-u, ẹkẹvuọvo rẹ ohwu-mwemwu rhẹriẹ oma nẹ idjerhe rọye re ọ rhọ, rhẹriẹ oma, rhẹriẹ oma nẹ idjerhe ọbrabra wẹn, kidie wo di vwo ghwu, E uwevwi rẹ Izrẹl?

Izikiẹl 8:6

Ọ da ta kẹ vwẹ, Ọmọ rẹ ohwo, wọ mrẹ obo rẹ ayen ruẹ na? Ẹgua rode rẹ uwevwi rẹ Izrẹl gbe vwe etinẹ, rẹ ayen vwọ djẹ vwẹ sheri nẹ ẹshẹ na? Ẹkẹvuọvo wọ cha mrẹ ẹgua rọ cha rho nọ ọtiọna.

Daniẹl 4:27

Fiki rẹ ọtiọye, E Ovie, gbe nyo uchehro mẹ, siobọ nẹ umwemwu rere wo ru emu esiri, vẹ orukuruku wẹn, re wo ni arodọvwẹ kẹ ihwo rẹ eshenyẹ, siẹvo ufuoma wẹn ke ruo gro phihọ.

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Emọs 5:6

Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl,

Jona 3:8

ẹkẹvuọvo e jẹn ohwo eyẹ eranvwe vwẹ esiso rhuo re jẹn ayen viẹ hwe Ọghẹnẹ gangan; e, e jẹn ohwo kohwo siobọ nẹ uvun umwemwu rọye re o ji siobọ nẹ ozighi egbe ejobi.

Matiu 5:25

Wọ vẹ ọvweghre wẹn fobo rhuẹrẹ kugbe siẹ wọ da ghwọ nu; ọ dia ọtiọye-e, ọvweghrẹ wẹn na ko siọbe se we, enọkpa ki mu we rhe oguẹdjọ, oguẹdjọ ko mu we kpo uwodi;

Iyẹnrẹ Esiri ri Luk 13:25

Ọke rẹ onini na de vrẹn siẹvuọvo rọ da kanre ẹchẹ, ku we mudia vwẹ obo otafe de hworo ẹchẹ, tanẹ, Ọrovwohwo, rhie ẹchẹ kẹ avwanre. Kọ kpahe kẹ wẹ, Me riẹn asan wo nurhe-e.

Iyẹnrẹ Esiri ri Jọn 8:21

Ọ da rhoma ta kẹ ayen, Me yanran, kẹ ovwan cha guọnọ ovwẹ ku we ghwu vwẹ umwemwu rẹ ovwan; asan re me ra, ovwan che se te-e.

Ẹfesọs 3:13

Fiki rẹ ọtiọye na we gbi jẹ oma rhọ ovwan fiki rẹ oja re me ria kẹ ovwa-an, ọye hẹ ejiro rẹ ovwan.

Urhi Rivẹ 4:29

Ẹkẹvuọvo ovwan da dia oboyi guọnọ Ọrovwohwo Ọghẹnẹ rẹ ovwan, ko wa cha mrẹ, ro wọ da vwẹ udu rẹ ovwan kugbe ẹnwẹn ejobi guọnọ.

Urhi Rivẹ 4:7

Ki didi ẹgborho rode ọfa herọ ri vwo ọghẹnẹ ro bi gba ayen, kirobo rẹ Ọrovwohwo Ọghẹnẹ rẹ avwanre epha na ro de nyo ọke ejobi rẹ avwanre vwo se?

Hibru 2:3

komavọ avwanre sa djẹ vabọ rẹ avwanre da siẹn esivwo rode ọtiọna? Ọrovwohwo ri ke djẹ ẹsosuọ, avwanre otu ri nyoro kẹ iseri rọye.

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.