Aizaya 55:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Nighere, wo che se ẹgborho ru wọ je riẹ-ẹn, ẹgborho ru wọ riẹnre-e ke djẹ bru uwe rhe, fiki re Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl, kidie ọ vwẹ urinrin kẹ we nure.

Aizaya 55:5 ပူးပေါင်းရင်းမြစ်များ

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

2 Samuẹl 22:44

Kidie wẹ ri sivwe nẹ oseghe rẹ ihwo na; ihwo re me jẹ riẹ-ẹn ke ga vwẹ.

Une rẹ Ejiro 18:43

We ri sivwi vwe nẹ oseghe re ihwo, wẹ vwe ovwẹ ru olori re ẹgborho na; ihwo re me riẹn dẹvo-o ke ga vwẹ.

Aizaya 45:14

Enẹ Ọrovwohwo rẹ otuofovwi na tare. Efe rẹ Ijipt kugbe oghwa rẹ ineki rẹ Etiopia, kugbe ihwo ri Seba, eshare puma, ki bru we rhe ke dia ewẹn ki nenẹ uwe. ke rhe vẹ igoni vwẹ obọ rhi shiguẹ kẹ wẹ. Ayen ke rẹ wẹ tanẹ; Ọghẹnẹ vẹ owẹ ọvo re gba herọ, ọfa gbe herọ-ọ, Ọghẹnẹ ọfa rọ barọ gbe herọ-ọ.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 45:23

Vwẹ oma mẹ ọvo mi vwo duvwu iyori, Unu Me ọye ọvwata na nurhe ota ro che se rhivwi-i: Mẹvwẹ igbo na ejobi che wurhu kẹ, ẹrenvwe ejobi che vwo duvwu iyori.

Aizaya 49:12

No, enana cha no ogboko rhe, nighere, enana cha nẹ obọhwẹre vẹ obuko ọnre rhe, enana ki che nẹ obọ ri Syene rhe.

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 52:15

eriyin ko gbe buebu unu; ivie ki rhurhu unu fiki rọye, kidie obo ra je ta kẹ aye-en kọye ayen cha mrẹ, obo rẹ ayen ji nyo jovwo-o, kẹ ayen cha mrẹ vughe.

Aizaya 55:4

Nighere, Mi vwi ro se oseri kẹ ihwo na, Osun kugbe onotu vwọ kẹ ihwo ejobi.

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Aizaya 60:5

Etiyin ayen ke cha mrẹ ke ayen sa edada rẹ elo, udu wẹn kọ vọn vẹ omavwerhe vẹ aghọghọ; fikiridie oburhubu rẹ abadi na ejobi ki rhivwi bru uwe, efe rẹ ẹgborho na ki che bru we rhe.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Jerimaya 30:19

Evun rayen ine rẹ ẹkpẹvwẹ nurhe, vẹ urhuru rẹ otu re ghọghọ. Mi che ru ayen buẹ phihọ, ayen gbe cha havwe-e, ki mi ru ayen vwo ọghọ, ayen cha dia ihwo itete-e.

Izikiẹl 39:7

Odẹ ọfuanfon mẹ na ka cha riẹn vwẹ uherevie rẹ ihwo mẹ Izrẹl; me gbe cha rhọvwe nẹ a phọphọ odẹ ọfuanfon mẹ na ọfa-a; ẹgborho na ke cha riẹn nẹ mẹvwẹ Ọrovwohwọ na, Ọfuanfon Ọvuọvo rẹ Izrẹl na.

Hosia 1:10

Ihwo rẹ Izrẹl cha dia kerẹ ehavwo rẹ urhie ra sa vwavwe-e eyẹ e se keri-i, vwẹ asan rẹ a da ta kẹ ayen nẹ, Ovwan dia ihwo mẹ-ẹ, ka je ta kẹ ayen nẹ, Ovwan emọ rẹ Ọghẹnẹ ri bẹdẹ na.

Zekaraya 2:11

Ẹgborho buebu che kuoma rayen gbe Ọrovwohwo vwẹ ẹdẹ yena, ke cha dia ihwo Mẹ; ke Me dia uherevie wẹn ko wọ riẹn nẹ Ọrovwohwo rẹ otuofovwi na re cha vwe ji uvwe bru uwe rhe.

Iyẹnrẹ Esiri ri Luk 24:26

O rhe fo rere Kristi re oja rẹ imu nana tavwe ro ki kpo urinrin rọye-e?

Iyẹnrẹ Esiri ri Jọn 17:1

Ọke ri Jesu vwọ ta eta nana nu, ọ da kpare opharo ni enu ọ da ta, Ọsẹ, ọke na tere; vwẹ urinrin kẹ Ọmọ wẹn rere Ọmọ na vwẹ urinrin kẹ owẹ.

Iruo rẹ Iyinkọn na 3:13

Ọghẹnẹ rẹ Ebraham kugbe ọrẹ Aizik kugbe ọrẹ Jekọp, Ọghẹnẹ rẹ esẹ rẹ avwanre na, vwẹ urinrin kẹ odibo rọye Jesu, ọ rẹ ovwan senre re mu kpo obaro ri Pailet, vwẹ ọke rọ vwọ ta nẹ ọye siobọ no.

Iruo rẹ Iyinkọn na 5:31

Ọghẹnẹ da kparo kpenu phihọ obọrhe rọye rere ọ dia Osun kugbe Osivwi, vwọ kẹ Izrẹl fiki rẹ ekuorhẹriẹ kugbe evwoghovwo rẹ imwemwu.

Ọbe ri Pọl si rhe Ihwo ri Rom 15:20

Kọye ẹnwan re me rua na nẹ mi ghwoghwo iyẹnrẹ esiri na, yọ dianẹ asan re de se odẹ ri Kristi nure-e, me da rha bọn phihọ enu rẹ uchivwo rẹ ohwo ọfa.

Ẹfesọs 2:11

Vwẹ ọtiọye na wa gba karohọ nẹ rhabae ovwan Keferi vwẹ ugboma na, ke se ovwan ijẹyanvwọ fiki rẹ obo re se oyanvwe, ra vwẹ obọ ru.

Ẹfesọs 3:5

Emu ra vwọ kẹ emọ rẹ ihwo riẹn vwẹ uvwiẹ ọfa-a kirobo rẹ erhi na vwe rọ phia vwẹ asakiephana kẹ iyinkọn efuanfon rọye kugbe emraro na.

Hibru 5:5

Ọtiọye rhe Kristi ọvo vwẹ oma mu orherẹn rode-e, ẹkẹvuọvo ohwo rọ ta kẹ nẹ, Wẹ hẹ Ọmọ mẹ, nonẹ na mi vwiẹ wẹ

1 Pita 1:11

ayen nọre kpahe ohwo eyẹ ọke rẹ Erhi ri Kristi rọ hẹ evun rẹ ayen djeri, rẹ ayen vwọ mraro kpahe oja ri Kristi cha re kugbe urinrin ro che nene.