Aizaya 55:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 55:3 ပူးပေါင်းရင်းမြစ်များ

Jẹnẹsis 17:7

Ọphọ na kọ dia uvwre mẹ vẹ owẹ kugbe uvwiẹ wẹn rọ cha vwẹ obuko wẹn; kọ dia ọphọ re rara, kọ dia Ọghẹnẹ kẹ wẹn kugbe uvwiẹ wẹn rọ cha obuko wẹ.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

2 Samuẹl 23:5

E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

2 Samuẹl 7:29

Asakiephana gbe jẹn oma vwerhe owẹ wo phi ẹrhovwo phihọ uwevwi rẹ odibo wẹn rọ dia bẹdẹ vwẹ obaro wẹn; kidie wẹ Ọrovwohwo Ọghẹnẹ re tarọ, jẹn uwevwi rẹ odibo wẹn vwo ẹrhovwo bẹdẹ.

2 Ikun rẹ Ivie 6:42

E Ọrovwohwo Ọghẹnẹ, wo chuko kuẹ opharo rẹ ohwo ru wọ vwẹ evwri ghworo nure-e! karophihọ ẹguọnọ wẹn ro jẹrhẹriẹ na kẹ Devid odibo wẹn.

Une rẹ Ejiro 119:112

Me vwẹ udu mẹ kpahe iji wẹn re mi ru ayen, rhiri bẹdẹ, re te oba.

Une rẹ Ejiro 119:175

Jẹn uvwe rhọ, rere mi vwo jiri uwe, jẹn ẹgba wẹn cha vwẹ uko.

Une rẹ Ejiro 78:1

Kerhọn, E ihwo mẹ, vwọ ke uyono mẹ; rhie erhọn phihọ kẹ eta rẹ unu mẹ!

Une rẹ Ejiro 89:28

Ẹguọnọ mẹ ro je rhẹriẹ na ke me sẹro rọye nu kẹ bẹdẹ, ọphọ mẹ ko mudia kokoroko kẹ.

Une rẹ Ejiro 89:29

Me vwẹ uvwiẹ rọye muotọ bẹdẹ ekete rọye kerẹ ẹdẹ rẹ obo odjuvwu na.

Ẹyano 15:26

tanẹ, Wọ da vwẹ oma kpotọ nyo ota rẹ Ọrovwohwo Ọghẹnẹ wẹn, wo de ru obo ri shephihọ vwẹ ẹro rọye, wọ da kerhọ rẹ iji rọye wọ da yọnrọn ayen, emiavwe ri mi vwo mu ihwo rẹ Ijipt na gbi che mu we-e, kidie Mẹvwẹ Ọrovwohwo, osivwi wẹn.

Isẹ 4:20

Ọmọ mẹ, kerhọn rẹ eta mẹ, nabọ rhiẹ erhọn phihọ kẹ obo re me ta kẹ wẹ na.

Isẹ 7:2

yọnrọn irhi mẹ rere wọ vwọ rhọ, sẹro rẹ eyono mẹ kere ọmọ-ero wẹn.

Aizaya 51:4

Kerhọn Mẹ, ihwo Mẹ, rhie erhọn wẹ kẹ vwẹ, egborho mẹ, kidie urhi che nẹ obọ Mẹ rhe ọsoso Mẹ kọ dia urhukpẹ kẹ ihwo na.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Jerimaya 30:9

Ẹkẹvuọvo ayen ke ga Ọrovwohwo Ọghẹnẹ rayen vẹ Devid ovie rayen, ohwo re me cha kpare ke ayen.

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Jerimaya 38:20

Jerimaya da ta, A cha reyọ owẹ vwọ kẹ aye-en. Mu ọghọ kẹ urhuru rẹ Ọrovwohwo vwẹ obo re me vuẹ wẹ na, kọ yovwi kẹ wẹ, ke ji sivwi urhuarho wẹn.

Jerimaya 50:5

Ayen cha nọ ekpẹn rẹ idjerhe ra wan kpo Zayọn, vẹ opharo re hirhe kuo tanẹ, Wa mọ re kuoma gbe Ọrovwohwo vwẹ ọphọ ẹriọ ri bẹdẹ ro je ẹro ẹchọrọ bẹdẹ.

Izikiẹl 16:60

ye me je karohọ ọphọ mẹ re me vẹ owẹ rere vwẹ ọke rẹ imitete wẹn, ke me vẹ owẹ rhoma re ọphọ re rara.

Izikiẹl 34:24

Mẹvwẹ, Ọrovwohwo na, kọ dia Ọghẹnẹ rayen, odibo mẹ Devid kọ dia ovie vwẹ ohri rẹ ayen, Mẹvwẹ, Ọrovwohwo na, tarọ nure.

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Livitikọs 18:5

Vwẹ ọtiọye na ovwan gba yọnre irhi mẹ vẹ iji mẹ, e re vwẹ arhọ kẹ ohwo rọ yọnrọn ayen ejobi. Mẹvwẹ Ọrovwohwo na.

Emọs 5:4

Kidie e nẹ Ọrovwohwo ta kẹ uwevwi rẹ Izrẹl guọnọ ovwẹ re wọ rhọ;

Emọs 5:6

Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl,

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Matiu 13:16

Ebruba kẹ ẹro rẹ ovwan, kidie ayen sa mrẹ; ebruba kẹ erhọn rẹ ovwan, kidie ayen se nyo.

Matiu 17:5

Rọ je vwọ ta ota na, egho de rhi rhurhn ayen; urhuru ọvo de nẹ evun rẹ egho na rhe ta nẹ, Ọnana hẹ ọmọ mẹ ro je vwe na, rẹ ivun rọye vwerha ovwẹ na; we nyo ota rọye.

Iyẹnrẹ Esiri ri Jọn 10:27

Igodẹ mẹ nyo urhuru mẹ, me riẹn ayen, ayen nene uvwe;

Iyẹnrẹ Esiri ri Jọn 6:37

E rẹ Ọsẹ mẹ vwọ kẹ vwẹ ejobi che bru uvwe rhe, ọ ro bru uvwe rhe nu me sa djẹ kufia-a.

Iyẹnrẹ Esiri ri Jọn 7:37

Vwẹ ẹdẹ rọ ka oba vwẹ orẹ na, ẹdẹ rode na, Jesu de mudia o de ghwoghwo, Ohwo rẹ urhuru rẹ ame hwe, e jo bru uvwe rhe rhe da.

Iyẹnrẹ Esiri ri Jọn 8:47

Ọ rọ dia ọ rẹ Ọghẹnẹ nyo eta rẹ Ọghẹnẹ; otọ rẹ obo rẹ ovwan gbi nyo aye-en na kọye sorọ rẹ ovwan vwo jẹ ọ rẹ Ọghẹnẹ ẹ dia.

Iruo rẹ Iyinkọn na 13:34

Vwẹ uyota nẹ o ghine kparo vrẹn nẹ ughwu, ọ gbe rha mrẹ egbo ọfa-a, kọye ọ vwọ ta wan idjerhe nana, ke me ke wẹ ebruba ọfuanfon ri Devid.

Ọbe ri Pọl si rhe Ihwo ri Rom 10:5

Mosis siro nẹ ohwo ro ru ọvwata rẹ urhi na guọnọre kọ rhọ fiki rọye.

Hibru 13:20

Asakiephana e gbe jẹ Ọghẹnẹ rẹ ufuoma rọ kpare Ọrovwavwanre Jesu nẹ ughwu rhe, osuigegede rode na, vwẹ ọbara rẹ ọphọ re rara na,