Aizaya 54:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.

Aizaya 54:7 ပူးပေါင်းရင်းမြစ်များ

Une rẹ Ejiro 106:47

Sivwi avwanre, E Ọrovwohwo Ọghẹnẹ rẹ avwanre, re wọ ghwẹ avwanre koko nẹ ohri rẹ ẹgborho na rhe, re ma vwe ẹkpẹvwẹ ke ode ọfuanfon wẹn re vwo urinrin vwẹ ejiro wẹn.

Une rẹ Ejiro 107:3

ra ghwẹ koko nẹ etọ na rhe, nẹ obaro ọnre vẹ obuko ọnre, nẹ obọrhe ọnre vẹ obọhwere ọnre.

Une rẹ Ejiro 30:5

Kidie ophu rọye dia ọmọke kren, aroesiri rọye o ri rhiri. Oviẹ sa dia kẹ ọke rhie, ẹkẹvuọvo aghọghọ cha vwẹ urhiọke.

Une rẹ Ejiro 30:6

Vwọ kẹ vwẹ, me da ta vwe ọyouvwe mẹ, ne e che se ghwie vwe-e.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Aizaya 26:20

Mọ, ihwo mẹ, ro ivun wẹn, re wo bi ẹchẹ gbe oma, Si oma wẹn nu emerha bẹsiẹ rẹ ophu rọye vwo fue.

Aizaya 27:12

Vwẹ ẹdẹ yena nẹ urhie ri Yufretis re te Oku rẹ Ijipt Ọrovwohwo ọvo kọye ri che woro ọka na, ka cha ghwẹ ovwan koko ọvuọvo, E ihwo rẹ Izrẹl.

Aizaya 27:8

Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.

Aizaya 40:11

Ọ ghẹrẹ uchuru rọye kerẹ osuigodẹ, o mu emọ rẹ igodẹ na phihọ igbabọ rọye, ọ mu ayen phihọ agada rọye, ko sun e re ghẹrẹ emọ dẹndẹn.

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 49:18

Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

Aizaya 49:21

Ọke yena ko wọ ta vwẹ udu wẹn Konọ vwiẹ enana kẹ vwẹ? Ihwo Mẹ ghwuru Me ke rha dia ẹga, e mu ayen ighuvwu a dje ayen kufia, ẹkẹvuọvo kono rha rhoma vwiẹ enana? Nighe, Mẹvwẹ obo ri chekọ, ki tivo enana rhe nurhe?

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Aizaya 60:10

Erhorha keye che fi igbẹhẹ wẹn kẹ wẹ, ivie rayen ki che gbe odibo kẹ wẹ, kidie vwẹ ophu Mẹ Me da ghwiẹ wẹ, ẹkẹvuọvo vwẹ evun esiri Me da re ehrọre wẹ.

Aizaya 60:4

Kpare ẹro wẹn ri wo ni riariẹ, re wọ mrẹ; ayen ejobi ghwẹ oma koko, ayen bru we cha, emọ wẹn che nẹ ogboko rhe, emetẹ wẹn ke che mu ayen kpahe igbabọ.

Aizaya 62:4

E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Aizaya 66:18

Kidie Me riẹn iruo rayen kugbe iroro rayen, ye Me cha cha ghwẹ ẹgborho kugbe ẹrenvwe na kugbe, ayen ke cha rhe re mrẹ urinrin mẹ,

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Uvwerhe 3:31

Kidie Ọrovwohwo sa djẹ kufia bẹdẹ-ẹ,

Uvwerhe 3:32

ẹkẹvuọvo, owene ọ vwẹ oja riọ dede o ji ni arodọvwẹ kirobo rẹ ẹguọnọ rọye ro jẹrhẹriẹ na bute.

Izikiẹl 36:24

Kidie me cha reyọ owẹ nẹ ẹgborho na rhe, mi mi si we koko nẹ irho na rhe, ke me vwẹ owẹ rhe oto rẹ obọ wẹn.

Maika 4:6

Vwẹ ẹdẹ yena, eriyin Ọrovwohwo na tare, ke Me ghwẹ ikpono na koko e ra djẹ kufia jovwo ke gbejẹ ayen koko, kugbe ayen ihwo re Me vwẹ oja re;

Matiu 23:37

E Jerusalẹm, Jerusalẹm, ro hwe otu rẹ emraro na, rọ vwẹ elalọ phiẹ ihwo re ji bru ovwan rhe na! mavọ mi se ovwan koko te kerẹsiẹ rẹ ọhọ a da vwẹ ibekpe rhurhu emọ rọye, yẹ ovwan je rhọvwe-e.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Ẹfesọs 1:10

Iroro kpahe ẹgba rẹ ọke na, ro che vwo kue emu na ejobi gbe vwẹ oma rọye, emu rẹ odjuvwu kugbe emu rẹ akpọ na.

Urhi Rivẹ 30:3

kẹsiẹye Ọrovwohwo rẹ Ọghẹnẹ rẹ ovwan kọ vwẹ erhuvwu rẹ ovwan rhivwi rhe o mi ni arodọvwẹ rẹ ovwan, ohri rẹ ihwo rọ hra ovwan ra jovwo na o mi rhe koko ovwan nẹ oboyi rhe.

Jems 4:6

Ẹkẹvuọvo o siobọ nẹ ẹserọphẹ rọye na buebu, kọye ọbe ọfuanfon na vwo tanẹ, Ọgbẹnẹ hirhe opharo ku ohwo ro mu oma kpenu, ọ me rha vwẹ ẹroesiri ni otu re vwẹ oma kpotọ.

2 Pita 3:8

Ẹkẹvuọvo ovwan sian uyota nana ọvuọvo-o, imoni, nẹ ẹdẹ ọvo vwẹ obọ rẹ Ọrovwohwo ọ họhọ ikpe uriori, ikpe uriori ọ họhọ ẹdẹ ọvo.