Aizaya 54:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 54:17 ပူးပေါင်းရင်းမြစ်များ

ỌBE RẸ JOB 1:11

Ẹkẹvuọvo gba riẹn obọ wẹn vwẹ etinẹ na, vwo te obo ro vwori, kọ cha harhẹ o wẹ phia.

ỌBE RẸ JOB 2:5

Ẹkẹvuọvo gba riẹn obọ wẹn phia nana nana, vwo te ibeku vẹ uvwo rọye, kọ cha harhẹ owẹ phia.

ỌBE RẸ JOB 42:7

Ọke rẹ Ọrovwohwo vwọ ta eta nana kẹ Job nu, Ọrovwohwo da ta kẹ Elifaz rẹ ohwo rẹ Teman ophu wẹn mu vwe kugbe igbeyan wẹn ivẹ na; kidie wọ ta ota ro yovwiri kpahe ovwẹ, kirobo rẹ odibo mẹ Job epha-a.

Une rẹ Ejiro 32:6

Fiki rẹ ọtiọye na kohwo kohwo esiri kọ nẹ ẹrhovwo kẹ wẹ, vwẹ ọke rẹ ukpokpogho, vwẹ ọke rẹ oghwe da mwavwa cha, ayen gbe se si kere owẹ-ẹ.

Une rẹ Ejiro 61:5

Kidie wẹ, E Ọghẹnẹ, ri nyo ive mẹ, we re kẹ vwẹ ughwẹ rẹ ihwo re djẹ oshọ wẹn.

Une rẹ Ejiro 71:16

Vẹ uruemu rẹ ẹgba rẹ Ọrovwohwo Ọghẹnẹ me cha rhe, mi se jiri ọvwata wẹn, ọwẹn na ọvo kpoi.

Une rẹ Ejiro 71:19

Ogangan wẹn kugbe ọvwata wẹn, E Ọghẹnẹ, o te obo irharheghe rẹ odjuvwu. Wọwẹ ro ruẹ imu ride na, E Ọghẹnẹ, kono re họhọ owẹ?

Aizaya 17:12

E, agbranran rẹ otu buebu na, ayen van kerẹ ohọre rẹ obo abadi! E, ekuvwie rẹ irere na, ayen kuvwie kerẹ edo rẹ Abadi!

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 29:8

Kerẹsiẹ rẹ ohwo rẹ owẹvwe hwe a da rẹ emu vwẹ ẹvwerhẹ ọ rhọvwọ rhe kẹsiẹye owẹvwe ke gan, eyẹ kerẹsiẹ rẹ ohwo re urhuru rẹ ame siẹ da da ame vwẹ evwerhẹ ọ rhọvwọ rhe kẹsiẹye urhuru rẹ ame ke gan, eriyin ẹgborho nana ejobi ri nene Ugbenu ri Zayọn họnra na cha dia.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 41:11

Nighere, ihwo re vwọ so wẹ ejobi oma cha vo ayen rẹ ayen de beghe, ihwo ri nene uwe họnra ejobi gbi fi emuọvo-o, kẹ ayen ghwọrọ kufia.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 50:8

ohwo ro brorhiẹ Mẹ o bi kẹrẹ ovwẹ. Kono ri nene uvwe pharhe? Jẹn avwanre vrẹn mudia kugbe. Kono re dia ukọn Mẹ? E jọ yan bru vwe rhe.

Aizaya 50:9

Nighere, Ọrovwohwo Ọghẹnẹ cha vwẹ uko; kono ri bru orhiẹn hwe vwe? Nighere, ayen ejobi cha phoriẹn kerẹ ewun, eghwọghwọ ke re ayen nu.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 54:15

Ọ da dianẹ ohwo so okpetu, yọ dia obọ mẹ o nurhe-e; ohwo rọ so okpetu kẹ we ko she fiki wẹ.

Aizaya 54:16

Nighere, Mẹvwẹ re ma odjogu ro djuẹ erhanre rẹ esia, ro duvwu orọvwọ kẹ oma rọye. Mẹvwẹ re ma oghwọrọ nẹ ọ ghwọrọ,

Aizaya 58:14

ọke yena ku wo vwo avwerhe vwẹ evun rẹ Ọrovwohwo, ki Mi ru we vwọ gua vwẹ obenu rẹ akpọ na; ke Me vwẹ uku ri Jekọp ọsẹ wẹn vwọ ghẹrẹ owẹ, kidie unu rẹ Ọrovwohwo re tarọ.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Jerimaya 23:6

Juda kọ rhọ vwẹ ẹdẹ rọye na, Izrẹl kọ dia egbẹrhẹnẹdẹ. Ọnana ọye odẹ re vwo se Ọrovwohwo ọvwata rẹ avwanre.

Daniẹl 3:26

Etiyin Nebukadreza de bi kẹrẹ anurhoro rẹ ogidi erhanre na epha ọ da ta, Shadrak, Meshak, vẹ Abẹdnigo , idibo rẹ Ọghẹnẹ ro me kpenu ejobi, wa yan phia, re wa yanrhe etinẹ. Etiyin Shadrak, Meshak vẹ Abẹdnigo da yan nẹ evun rẹ erhanre na rhe.

Daniẹl 6:20

Ọke ro rhi vwo sikẹre ẹmwa na ri Daniẹl epha, ọ da vwẹ urhuru rẹ uvwerhe kperi se Daniẹl E Daniẹl, ọdibo rẹ Ọghẹnẹ ro je ghwo na, kẹ Ọghẹnẹ wẹn ru wọ ga kọke kọke na se sivwi uwe nẹ abo rẹ Ikpohrokpo na?

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Ọbe ri Pọl si rhe Ihwo ri Rom 10:4

Kidie, Kristi hẹ oba rẹ urhi na, rere ohwo kohwo ro vwo esegbuyota vwọ sa rease.

Ọbe ri Pọl si rhe Ihwo ri Rom 3:22

ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.

Ọbe ri Pọl si rhe Ihwo ri Rom 8:1

Asakiephana o rhe vwo obruhwe kẹ ayen otu re herọ vwẹ evun ri Jesu Kristi-i.

1 Kọrẹnt 1:30

Ọye hẹ esiri rẹ arhọ wẹn vwẹ evun ri Kristi Jesu, ọye Ọghẹnẹ ru phihọ aghwanre rẹ avwanre, ọvwata, orufuọn kugbe ẹtanhirhe rẹ avwanre;

2 Kọrẹnt 5:21

Fiki rẹ avwanre ọye e vwo ruo vwọ dia oruimwemwu ohwo ro vwo umwemwu vwẹ oma-a, rere avwanre sa rhe wan oma rọye rhe dia ovwata rẹ Ọghẹnẹ.

Filipae 3:9

ra mrẹ vwẹ vwẹ evun rọye, ọ dianẹ ki mi rhe vwo ọvwata rẹ obọ mẹ, ro nẹ oma rẹ urhi rhe-e, ẹkẹvuọvo ọ rọ wan esegbuyota vwẹ evun ri Kristi rhe, ọvwata ro nẹ obọ rẹ Ọghẹnẹ rhe fiki rẹ esegbuyota;

Joshua 24:10

ẹkẹvuọvo me gbe kerhọ ri Baalamu-u; fiki rẹ ọtiọye na kọ rhoma nẹ ẹrhovwo kẹ ovwan, kọye mi de sivwi ovwan nẹ obọ rọye.

2 Pita 1:1

Ọbe ri Saimọn Pita, odibo kugbe ọyinkọn ri Jesu Kristi, ro si rhe ayen otu ri vwo esegbuyota nure re vẹ avwanre gba hẹ abavo vwẹ evun rẹ ọvwata rẹ Ọghẹnẹ rẹ avwanre kugbe Osivwi rẹ avwanre Jesu Kristi.

Ẹvwọphia 12:10

Mi de nyo urhuru rode vwẹ obo odjuvwu, tanẹ, Asakiephana esivwo na kugbe egangan na kugbe uvie rẹ Ọghẹnẹ rẹ avwanre na kugbe ogangan ri Kristi rọye na rhire, kidie a djẹ ukọn rẹ imoni rẹ avwanre na wotọ re, ọ ro mu ayen vwo guẹdjọ kẹ Ọghẹnẹ te ason te uvo na.

1 Samuẹl 23:17

Ọ da ta kẹ, Wọ djẹ oshọ-ọ; kidie obọ ri Sọl ọsẹ mẹ che se te we e; wọ cha dia ovie vwẹ Izrẹl, ke me vwọ kpahe owẹ, Sọl rẹ ọsẹ mẹ je riẹn ọnana dede.