Aizaya 54:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọ da dianẹ ohwo so okpetu, yọ dia obọ mẹ o nurhe-e; ohwo rọ so okpetu kẹ we ko she fiki wẹ.

Aizaya 54:15 ပူးပေါင်းရင်းမြစ်များ

Une rẹ Ejiro 56:6

Ayen ghwe oma rayen koko, ayen fiọnko, rẹ ayen vwọ hẹrhẹ arhọ mẹna,

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 43:14

Enẹ Ọrovwohwo tare, Ọtan wẹn, Ọfuanfon Ọvuọvo rẹ Izrẹl na. Fiki wẹn Mi vwo ji ikọn kpo Babilọn ve vwirhi egbẹ rẹ itehru rayen, unuebo rẹ ihwo ri Kaldia cha rhoma hirhe phiyọ ovie.

Aizaya 54:16

Nighere, Mẹvwẹ re ma odjogu ro djuẹ erhanre rẹ esia, ro duvwu orọvwọ kẹ oma rọye. Mẹvwẹ re ma oghwọrọ nẹ ọ ghwọrọ,

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Zekaraya 12:9

Je vwẹ edẹ yena ke Me guọnọ obo Me vwọ ghwọrọ ẹgborho ejobi ri mu kpahe Jerusalẹm.

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

Ẹvwọphia 16:14

kidie enana irhi rẹ idẹbono, ri ruẹ iruo rẹ eka, re hrabọ bru ivie rẹ akpọ na ejobi, ri se ayen koko ra hẹrhẹ ofovwi rẹ ẹdẹ rode rẹ Ọghẹnẹ Ọrovwoẹgba na.