Aizaya 54:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 54:14 ပူးပေါင်းရင်းမြစ်များ

Isẹ 3:24

Wo de tidia, ọshọ rhe mu we-e, wo de rhe shevwerhẹ ku wọ vwerhẹ omamọ rẹ ovwerhẹ.

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 1:27

Uyota kọye a vwọ tan Zayọn hirhe, ihwo re herọ ri kurhertiẹ, Ọvwata kọye avwọ ta ayen.

Aizaya 14:4

ke wa so une rẹ ehwẹjẹ nana kpahe ovie ri Babilọn. Mavọ ọ ro shenyẹ ihwo na vwọ fọ, ọharhe eka na vwo fotovwi!

Aizaya 16:4

jẹn erẹ a djẹ kufia vwi Moab kua bru ovwan rhe dia asan odjahọ kẹ ayen nẹ obọ rẹ oghwọrọ na. Ọke rẹ oshenyẹ ihwo na gbe herọ-ọ, re oghwọrọ na da da obọ ji, rẹ ọ ro chiyi ihwo muotọ na da ravwiẹn nẹ otọ na.

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 33:18

Udu wẹn ko ghọghọ vwẹ oshọ na Tivọ ohwo rọ kere na ẹpha, tivọ ọ rọ vwanvwan igho na epha? Tivọ ọ rọ kere ọherhe na epha?

Aizaya 45:24

Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 51:13

rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 54:4

Wọ djẹ oshọ-ọ, kidie oma cha vo we-e; wo jẹ iroro wẹn tighẹ-ẹ, kidie wọ sa mrẹ omaẹvuọ-ọ, kidie omaẹvuọ rẹ ọke-emọ wẹn cha chọrọ owẹ ẹro ehwẹjẹ rẹ ayeuku wẹn wọ gbe sa karo phihọ-ọ.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Jerimaya 30:10

Wọ gbe djẹ oshọ-ọ, E Jekọp odibo mẹ, eriyin Ọrovwohwo tare, wo bru udu-u, E Izrẹl, kidie gbe no, mi che sivwi we nẹ ogboko rhe, emọ wẹn nẹ otọ rẹ ighuvwu rhe. Jekọp che rhivwi rhe o mi vwo ofuvwegbe, ohwo ro djẹ osho muo gbe dia-a.

Jerimaya 30:20

Emọ rayen na ke cha dia obo re ayen epha vwẹ awanre, ukoko rayen ko mudia vwẹ obaro mẹ, otu re nyẹ ayen muotọ ejobi mi che ru ayen ghwaghwa.

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Zekaraya 9:8

Etiyin re ki mi muerhọn riarẹ-ẹ uwevwi mẹ kerẹ ọrhẹrotọ, rere ohwo ọvuọvo vwo jẹ yan cha yan kpo vwọ; ohwo gbi shenyẹ ayen ọfa-a, kidie Me vwẹ ibiẹro mẹ mrẹ re.

2 Pita 3:13

Ẹkẹvuọvo kirobo rẹ ive rọye epha avwanre hẹrhẹ idjuvwu ekpokpọ kugbe akpọ rẹ ọvwata cha dia.