Aizaya 54:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 54:13 ပူးပေါင်းရင်းမြစ်များ

Une rẹ Ejiro 119:165

Ufuoma rode ọye ihwo re guọnọ urhi wẹn mrẹ; emu ọvuọvo se gere ayen she-e.

Une rẹ Ejiro 119:33

Yono uvwe, E Ọrovwohwo, idjerhe rẹ iji wẹn; ke me yọnrọn re duvwu oba.

Une rẹ Ejiro 147:14

O phi ufuoma phihọ ughwru wẹn, ọ da vwẹ omamọ rẹ ọka vọn wẹn evun.

Une rẹ Ejiro 71:17

E Ọghẹnẹ, nẹ emọ rhe wẹ ri yono uvwe, ki mi ghwoghwo uruemu rẹ igbunu wẹn.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 28:9

Kono o yono aghwanre, kono ọ faotọ re ovuẹ na kẹ? Ke emọ re bru evie nure gbine e re mu je evie vwo?

Aizaya 29:24

Otu ri ghwruru vwẹ erhi ki che vwo eruọ, otu ri guẹ huhuhu ke cha rhọvwe uyono.

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 54:12

Ke Me vwẹ oragha re she nẹ Agate vwọ ma osunsun phihọ ọkpọ wẹn, anurhoro wẹn kẹ ichivwo rẹ ẹrovwo, ibiekpẹn eghaghare e vwo fi igbẹhẹ wẹn,

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Jerimaya 33:6

Nighe, me cha vwẹ omakpokpọ vẹ esivwo rhe ki mi sivwi ayen ke me vwẹ oyovwe buebu vẹ ofuvwegbe mẹ phia kẹ ayen.

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Izikiẹl 34:28

Ayen gbe cha dia eranvwe rẹ hwe kẹ ẹgborho na ọfa-a, eyẹ eranvwe rẹ otọ na gbe cha re ayen ọfa-a, ayen ke dia vwẹ ofuvwegbe, ohwo ọvuọvo gbe djẹ oshọ mu ayen ọfa-a.

Izikiẹl 37:26

Me vẹ ayen ke re ọphọ rẹ ufuoma; kọ dia ọphọ re rara me vẹ ayen cha re; ki mi bruphihọ kẹ ayen ki bun phihọ, ke me vwẹ ẹshẹ mẹ vwo vi vwẹ uherevie rẹ ayen rhiri bẹdẹ.

Hosia 2:18

Ke me vẹ owẹ cha re ọphọ vwẹ ẹdẹ yena kugbe eranvwe rẹ aghwa, ephran rẹ irharheghe, vẹ ọbo ri kpono vwẹ otọ, ke me guọghọ umurhabọ, ọlọkọ kugbe ofovwi nẹ otọ na; ke me vwẹ owẹ sherhẹ otọ gbiei.

Maika 4:2

ẹgborho buebu ke cha rhe, ayen ke ta: Yanrhe, e je kpo obo ugbenu rẹ Ọrovwohwo na, kpo uwevwi rẹ Ọghẹnẹ ri Jekọp; rere o yono avwanre idjerhe rọye rere avwanre yan nene ada rọye. Kidie evun ri Zayọn ọye urhi che nurhe, ota rẹ Ọrovwohwo mi rhe nẹ Jerusalẹm rhe.

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

Iyẹnrẹ Esiri ri Luk 24:45

Etiyin o de rhie udu rayen vwo vwo ẹruọ rẹ ẹbe efuanfon na,

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

Iruo rẹ Iyinkọn na 2:39

Kidie ive na ọ rẹ ovwan kugbe emọ rẹ ovwan kugbe ayen ejobi re hẹ isi, kugbe ayen uche otu ọvuọvo rẹ Ọrovwohwo Ọghẹnẹ rẹ avwanre che se vwọ kẹ.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

Ọbe ri Pọl si rhe Ihwo ri Rom 15:13

Gbe jẹn Ọghẹnẹ rẹ iphiẹrohọ vọn udu rẹ ovwan vẹ aghọghọ kugbe ufuoma rẹ esegbuyota, rere vwẹ ogangan rẹ Erhi Ọfuanfon na ovwan vwo se bu phihọ vwẹ iphiẹrohọ.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

1 Kọrẹnt 2:10

Ọghẹnẹ vwe rọ phia kẹ avwanre vwẹ oma rẹ Erhi na. Kidie Erhi na guọnọ kemu kemu ejobi phia, mrẹmrẹ emu okokodo rẹ Ọghẹnẹ.

Galesha 5:22

Ẹkẹvuọvo omamọ re Erhi na hẹ ẹguọnọ, aghọghọ, ufuoma, ako echiro, ufuefu, uyoyovwi, esegbuyota,

Ẹfesọs 4:21

A reyerọ phihọ nẹ ovwan nyo kpahọ re de yono ovwan vwọ hẹ evun rọye, uyota na kirobo rọ epha vwẹ evun ri Kristi.

Filipae 4:7

Ufuoma rẹ Ọghẹnẹ ro nẹ ẹruọ ejobi, kọ yọnrọn udu vẹ iroro rẹ ovwan vwi Kristi Jesu.

1 Tẹsalonaika 4:9

Ẹkẹvuọvo vwọ kpahe ẹguọnọ rẹ imoni na o rhe fo rere ohwo ọvo vwo si rhe ovwa-an, kidie Ọghẹnẹ yono ekpuyovwi rẹ ovwan nẹ ohwohwo guọnọ ohwohwo.

Hibru 8:10

Ọnana hẹ ọphọ re me vẹ uwevwi rẹ Izrẹl cha re vwẹ ọke rẹ ẹdẹ yena da wan nu, eriyin Ọrovwohwo tare; ki mi che phi urhi mẹ phihọ udu rayen, ke si ayen phihọ ubiudu rayen, ke me dia Ọghẹnẹ rayen, ayen ke dia ihwo mẹ.

Hibru 8:11

Ayen ohwohwo gbi che yono ohwo-o eyẹ oniọvo yono oniọvo-o, tanẹ, Riẹn Ọrovwohwo na, kidie ayen ejobi cha riẹn vwẹ, nẹ omotete rhi duvwu ọkpako.

1 Jọn 2:20

Ẹkẹvuọvo Ọfuanfon Ọvuọvo na vwẹ evwri ghworo ovwan nure, yẹ ovwan ejobi riẹnrẹ.

1 Jọn 2:27

ẹkẹvuọvo evwoghworo na rẹ ovwan reyọ mie na ọ vẹ ovwan herọ, o rhe fo rere ohwo rhe yono ovwa-an; kirobo rẹ evwoghworo rọye yono ovwan emu kemu na, ọye na hẹ uyota, ọ dia efia-an, ọtiobo ro yono ovwan na, ovwan dia evun rọye ọtiọye.