Aizaya 54:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ E ọ re kpokpo, rẹ ọkẹre muẹ, re bruche-e na, nighere, Mi che ru ibieragha wẹn fon bule bule, Me tọn uchivwo wẹn phihọ enu ri Safaya.

Aizaya 54:11 ပူးပေါင်းရင်းမြစ်များ

1 Ivie 5:17

Ọke rẹ ovie da ta, kẹ ayen she eragha ride, re ghare re a vwọ ma ichivwo rẹ uwevwi na.

1 Ivie 6:30

Utuwevwi rẹ uwevwi na ọ da vwẹ oro vwọ phare evun rẹ uvun rọ hẹ obo ẹtan kugbe e re hẹ obo uphephẹ.

1 Ikun rẹ Ivie 29:2

Ke me kokọn rẹ uwevwi rẹ Ọghẹnẹ mẹ phihọ otọ, kirobo rẹ udu mẹ gbare, oro vwọ kẹ emu rẹ oro, idọnọ vwọ kẹ emu rẹ idọnọ, ẹrovwo vwọ kẹ emu rẹ ẹrovwo, utehru vwọ kẹ emu rẹ utehru, irhe vwọ kẹ emu rẹ urhe, kugbe emu efa buebu kerẹ ọniks vẹ eragha re vwo muẹ uwevwi viẹ, eragha ri lo, eragha re ghare kugbe mabol.

2 Ikun rẹ Ivie 3:6

Ọ da vwẹ omamọ rẹ urhiẹ rẹ eragha vwọ panọ uwevwi na. Oro na ke rha oro ri Parvaim.

ỌBE RẸ JOB 28:16

A sa vwẹ unu rẹ oro rẹ Ọfa vwo dje-e, vwẹ ibieragha ọghaghare vẹ i ri lo ghrẹnghrẹn.

Une rẹ Ejiro 34:19

Ukpokpogho re ọvwata ọpha buebu, ẹkẹvuọvo Ọrovwohwo na sivwo nẹ ayen ejobi.

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Ẹyano 24:10

ayen da mrẹ Ọghẹnẹ rẹ Izrẹl; vwẹ obotọ rẹ awọ rọye umukpe ra teyere ro lo kerẹ oragha, rọ họhọ ekpuyovwi rẹ odjuvwu na fikiridie ofiotọ gangan.

Ẹyano 3:2

amakashe rẹ Ọrovwohwo da vwẹ oma phia kẹ vwẹ evun rẹ erhanre vwẹ evun rẹ aghwa; o de ni, nighe, erhanre na la, jẹ aghwa na tuaa.

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Solomon 5:14

Ọ gba igbabọ re oro phihọ, kugbe evwarha ra gba phihọ Ugboma rọye kerẹ ekoeni, Ọ da gba ivie phihọ.

Aizaya 14:32

Kidie ohwo ọvo kpahe kẹ iyinkọn rẹ irere na? Ọrovwohwo re vwe obọ rọye fan Zayọn ihwo rọye re mu kpahe kẹ evun rọye e da djẹrhọ.

Aizaya 28:16

vwẹ ọtiọye na enẹ Ọrovwohwo Ọghẹnẹ tare, Nighere, me ra reyọ uchivwo vwo mu vwi Zayọn ubiọragha, ubiọragha ra nabọ davwini, uchivwo rẹ ubienye rọ ghanre, uchivwo kokoroko Ohwo ro sere gbuyota gbi se broma-a.

Aizaya 44:28

rọ ta kpahe Sairọs, Ọye osuigegede mẹ, ko che ru iroro mẹ ejobi gba; kọ ta kpahe Jerusalẹm, nẹ, Ka cha bọn wẹ, vwọ kpahe uwevwi na nẹ, Ka cha tọn uchivwo wẹn phihọ otọ.

Aizaya 49:14

Ẹkẹvuọvo Zayọn da ta, Ọrovwohwo sen vwẹ, Ọrovwovwe gbe karohọ ovwẹ-ẹ.

Aizaya 51:21

Fiki rẹ ọtiọye na, gbe nyo ọnana, ovwan re he ukpokpogho rẹ udi muẹ, ẹkẹvuọvo ye wa da udi-i:

Aizaya 51:23

Ki Mi phio phihọ obọ rẹ ihwo ri gbe oja kẹ wẹ, re ta kẹ wẹ nẹ, Rhuẹn kpotọ, rere Me shariẹ owẹ vrẹn, Yi wo ru ugbuko wẹn kerẹ otọ kere urhuvwu kẹ ayen otu re wan vrẹn

Aizaya 54:12

Ke Me vwẹ oragha re she nẹ Agate vwọ ma osunsun phihọ ọkpọ wẹn, anurhoro wẹn kẹ ichivwo rẹ ẹrovwo, ibiekpẹn eghaghare e vwo fi igbẹhẹ wẹn,

Aizaya 54:6

Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

Aizaya 60:15

Kirobo ra sen wẹ re tuoma wẹ jovwo na, re ohwo ọvuọvo wan wẹ vrẹn jovwo-o na, ki Mi ru we rhuarho bẹdẹ, aghọghọ nẹ oge re te oge.

Jerimaya 30:17

Kidie me cha vwẹ omakpokpọ rhivwi rhe ovwan, mi ji sivwi era rẹ ovwan, eriyin Ọrovwohwo tare, fikiridie ayen se ovwan erasere, ọye Zayọn rẹ ohwo ọvuọvo vwẹ ẹro te-e!

Uvwerhe 1:21

Gbe nyo obo re me guan, o vwo ohwo ọvuọvo ro bru uvwe uche-e. Ivwighrẹ mẹ ejobi nyo ukpokpogho mẹ, ayen da ghọghọ nẹ wọwẹ ri ruro. Gba vwẹ ẹdẹ ru wo ghwoghwori na rhe rere e dia kere obo re me pha na.

Izikiẹl 1:26

Vwẹ obenu rẹ Irharheghe na vwẹ obenu rẹ iyovwi rayen emu ọvo da herọ rọ họhọ ekete, ra mrẹ kere ubioragha ro lo, ro tidia vwẹ obenu rẹ emu rọ họhọ ekete na ovọ da herọ rọ họhọ ekroma rẹ ohwo.

Izikiẹl 10:1

Etiyin mi de ni, nighere, vwẹ o bi irharheghe rọ hẹ obenu rẹ uyovwi ri shẹrobim na emu ọvo de yoro phia vwọ kere oragha ro lo, rọ họhọ ekete.

Maika 7:11

Ẹdẹ ọvo cha ra cha vwọ ma igbẹhẹ wẹn! Vwẹ ẹdẹ yena ke bi ughwru na shesheri

Matiu 8:24

Nighe ayen da ro evun rẹ okọ, aphopho rode na de rhi dju vwa ayen vwẹ evun rẹ abadi, ame de bru ro okọ na, yẹ ekpuyovwi rọye vwerhẹ.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Iruo rẹ Iyinkọn na 14:22

Ayen da ta ejọghwa phihọ udu rẹ idibo na, o de bru ayen uche rere ayen mudia gan vwẹ esegbuyota na, tanẹ, ukpokpogho buebu a cha wanvrẹn nu tavwe rẹ avwanre ke sa ro uvie rẹ Ọghẹnẹ na.

Ẹfesọs 2:20

ra bọn phihọ enu rẹ uchivwo rẹ iyinkọn na kugbe emraro na, Kristi Jesu vẹ ekpuyovwi kọye hẹ ubioragha rode re vwo vi ubienyẹ.

Urhi Rivẹ 31:17

Ophu mẹ kọ la kpahe ayen vwẹ ẹdẹ yena, ke Me sen ki mi si opharo mẹ nu kẹ ayen, ka ghwọrọ ayen; emiovwo vẹ ukpokpogho buebu ki bru ayen ra, eriyin na ayen ke ta vwẹ ẹdẹ yena, Ọ dianẹ emiovwo nana bru avwanre rhe fikirobo rẹ Ọrovwohwo gbe hẹ uherevie rẹ avwanre-e.