Aizaya 54:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 54:10 ပူးပေါင်းရင်းမြစ်များ

2 Samuẹl 23:5

E ọ dia ọtiọye uwevwi mẹ vẹ Ọghẹnẹ gbe mudia? Kidie ọ vẹ ovwẹ re ọphọ ri bẹdẹ, ra nabọ ru ro rhuẹrẹ mu kokoroko. Fikiridie o se ru idjerhe mẹ yovwi-i Ọchuko mẹ ejobi kugbe ẹguọnọ mẹ.

Une rẹ Ejiro 102:26

Ayen cha ghwọrọ, ẹkẹvuọvo wọ dia bẹdẹ; ayen cha nẹ kerẹ ewun. Wo che wene ayen kerẹ amwa, ke ayen cha wanvrẹn;

Une rẹ Ejiro 46:2

Fiki rẹ ọtiọye na avwanre gbe dje oshọ-ọ ọda tobọ dianẹ akpọ na kurhẹriẹ dede, ọ da tobọ dianẹ igbenu na gbe kpogho vwe uherevie re abadi,

Une rẹ Ejiro 46:3

ọ da tobọ dianẹ ame rọye do ro de gbe iphughẹ, rọ da tobọ dianẹ edo rọye muẹ igbenu kpogho dede.

Aizaya 49:10

owẹvwe eye urhuru rẹ ame che hwe aye-en, eye uvo gbaegbae vẹ odju che mu aye-en, kidie ohwo rọ re ehrọre kẹ ayen ko sun ayen, vwẹ oma rẹ ova rẹ ame kẹ etiyin e de sun ayen.

Aizaya 49:15

Ke ọmọ ro vievie sa chọrọ aye ẹro, ro vwo jẹ ehrọre ẹriọ kẹ ọmọ rẹ ọrhen rọye? Ọ da tobọ dianẹ enana chọrọ ẹro, yu wọ sa chọrọ ovwẹ ẹro-o

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Aizaya 55:3

Rhie erhọn wẹn, ri wo bru vwe rhe; nyo, re erhi wẹn vwọ rhọ; ke Me vẹ owẹ re ọphọ re rara, omamọ rẹ uvi rẹ ẹguọnọ ro jẹrhẹriẹ ri mi vwo kẹ Devid.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Aizaya 63:7

Me Vwẹ obo te otọ kerẹ ẹguọnọ ro jerhẹriẹ rẹ Ọrovwohwo, ejiro rẹ Ọrovwohwo na, kirobo rẹ Ọrovwohwo rhọvwe kẹ avwanre ejobi, kugbe erhuvwu rode rọ vwọ kẹ uwevwi rẹ Izrel rọ vwọ kẹ ayen kirobo rẹ ehrọre rọye epha, kirobo rẹ ẹguọnọ esiri rọye teri.

Aizaya 9:6

Kidie avwanre e vwiẹ ọmọ na kẹ, avwanre a vwẹ ọmọ na kẹ, isuesun na kẹ igabọ rọye ọ cha dia, ke se odẹ rọye Ọgba-Aghwanre, Ọghẹnẹ ro vwo Ogangan, Ọsẹ ri Bẹdẹ, Ọmọ rẹ ovie rẹ Ufuoma.

Jerimaya 31:36

Emama nana de se re otọ, eriyin Ọrovwohwo na tare, kẹsiẹye uvwie re Izrẹl ki se fue rọ de jẹ ẹgborho ẹdia vwẹ obaro mẹ bẹdẹ.

Jerimaya 33:20

Enẹ Ọrovwohwo tare, Ọ da dianẹ wo se miovwi ọphọ re me vẹ uvo gba re kugbe ọphọ re mẹ vẹ ason gba re, rẹ uvo vẹ ason gbe phia vwẹ ọke re bruphihọ kẹ aye-en,

Izikiẹl 16:42

Ọtiọye na ke me cha kpara ophu mẹ nu we, me gbe rioma kpahe owẹ-ẹ, ke me fọ gbiẹi, ivun gbi miovwo uwe ọfa-a.

Izikiẹl 34:25

Me vẹ ayen ke re ọphọ rẹ ufuoma, ke me djẹ eranvwe re djoma nẹ otọ na, re ayen sa dia dẹndẹn vwẹ evun rẹ aton na ayen rhe shevwerhẹ vwẹ evun rẹ egbọ na.

Malakae 2:5

Ọphọ re me vẹ ọye gba re na ọphọ rẹ arhọ vẹ ufuoma, me da vwẹ ayen kẹ, rere oshọ vwo muo; ọ da ghine djẹ oshọ mẹ, udidi mẹ de muo.

Ukeri 25:12

Fiki rẹ ọtiọye na gba ta, Nighere, me vwẹ ọphọ mẹ rẹ ufuoma vwọ kẹ;

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Matiu 5:18

Uyota me ta kẹ ovwan, bẹsiẹ rẹ odjuvwu vẹ akpọ vwọ wan, umuku rẹ ota mẹ ọvuọvo se she fia-a, rhiri bẹsiẹ rẹ imu na ejobi vwọ gba,

Ọbe ri Pọl si rhe Ihwo ri Rom 11:29

Kidie okẹ kugbe use rẹ Ọghẹnẹ a sa rhan rhivwi-i.

Taitọs 3:5

o de sivwi avwanre, ọ diane ki fiki rẹ iruo rẹ ọvwata rẹ avwanre ruru-u, ẹkẹvuọvo fiki rẹ ehrọre rọye, rọ vwọ hworhẹ, rhuẹrẹ avwanre vwiẹ ru avwanre ọkpokpọ vwẹ evun rẹ Erhi Ọfuanfon na.

Hibru 12:27

Ephẹrẹ nana, Kẹ ẹsiẹvo ri chekọ na, dje phia nẹ e che si obo ri kpogho no, kọye hẹ obo ra mare, rere obo ri je kpogho vwọ daji.

Ẹvwọphia 6:14

obenu na da ranvwiẹ kerẹ ọbe re kpirhi koko, kugbenu kugbenu kugbe kubrotọ kubrotọ de ghwie nẹ ẹdia rọye.