Aizaya 54:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ So ine, E ẹga, ro ji vwiẹ-ẹ, va so ine ru wo kperi phia, ovwan re je chuẹ uvwiẹ dẹvo-o! Kidie emọ re ẹga che bunọ emọ rẹ aye ro kpo orọvwe, eriyin Ọrovwohwo tare.

Aizaya 54:1 ပူးပေါင်းရင်းမြစ်များ

Jẹnẹsis 21:6

Etiyin Sera da ta, Ọghẹnẹ ma ehwẹ kẹ vwẹ; kohwo kohwo ro nyori ejobi kọ cha hwẹ vwẹ.

Une rẹ Ejiro 113:9

Ọ kẹ aye rẹ ẹga uwevwi, o mi ruo oniemọ rẹ aghọghọ. Jiri Ọrovwohwo na!

Solomon 8:8

Avwanre vwo Ọniọvo rẹ ọmọtẹ otete, ọ je kpọghọ ivie-e kidie avwanre che ru kẹ oniọvo re avwanre na, vwe ẹdẹ ra da cha ta ota kpahọ na?

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 24:14

Ayen kparẹ urhuru rayen kpenu, ayen so ine rẹ aghọghọ, fiki rẹ ọrhọ rẹ Ọrovwohwo ayen dori vwẹ obuko ọnre.

Aizaya 44:23

So ine, E idjuvwu, kidie Ọrovwohwo ruro nure; kperi, E ovwan ikokodo rẹ akpọ na, van so ine, E igbenu na, E egbo, kugbe urhe kurhe rọ herọ! Kidie Ọrovwohwo tan Jekọp nure, ka vwẹ urinrin kẹ vwẹ Izrẹl.

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 49:19

Uyota asan ofefe wẹn ra kua jovwo kugbe otọ wẹn ra ghwọrọ re na– uyota ọ cha hwa nọ kẹ ihwo wẹn re dia, ihwo re rọ we kpo evun na ke cha dia shesheri.

Aizaya 49:20

Emọ re vwiẹri vwẹ ọke rẹ ihwo wẹn vwo ghwu na ke cha ta phihọ erhọn wẹn, Asan na hwa nọ kẹ vwẹ, kẹ vwẹ asan re Me dia.

Aizaya 62:4

E gbi se we ọfa nẹ Ọ rasere-e, otọ wẹn e gbi se ọfa nẹ Ọ ra kuanu-u, ẹkẹvuọvo ke se we nẹ Ojevwe Me hẹ evun rọye, otọ wẹn kẹ Orọvwe, kidie ivun wẹn vwerhe Ọrovwohwo, otọ wẹn ka rọvwọ.

Aizaya 66:7

Tavwe rọ ke rhe chuẹ uvwiẹ Yo vwiẹ nure, tavwe rọ ke rhe mrẹ odjadja yo vwiẹ ọmọshare nure.

Zẹfanaya 3:14

Van sọ une, E ọmọte ri Zayọn; kperi, E Izrẹl! Ghọghọ re wọ vwẹ udu wẹn ejobi mu oma kpenu, E ọmọtẹ ri Jerusalẹm!

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Galesha 4:27

kidie, e siro, Ghọghọ, Ẹ ẹgan ro je vwiẹ; kperi re wọ van, wẹ rọ chuẹ uvwiẹ dẹvo-o; kidie aye ro vwo ọshare-e vwiẹ emọ nọ aye ro vwo ọshare.

1 Samuẹl 2:5

Otu rẹ evun vọnre vwẹ oma rayen mie emu ẹriọ ẹkẹvuọvo otu rẹ owẹvwe hwe jovwo, owẹvwe gbi hwe aye-en. Ẹga rhoma vwiẹ emọ ighwrẹ ẹkẹvuọvo ọ ro vwiẹri buebu jovwo a rhoma rhe siọn