Aizaya 53:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Vwẹ oshenyẹ vẹ obruhwe a vwo reyọ yanran; vwọ kẹ uvwiẹ rọye, kono ro roiro nẹ e bruro kufia nẹ otọ rẹ ihwo ekpokpọ, a ghwiẹrẹ fiki rẹ ogbeku rẹ ihwo Mẹ.

Aizaya 53:8 ပူးပေါင်းရင်းမြစ်များ

Une rẹ Ejiro 69:12

Mẹvwẹ kọye otidia ohwarha vwo gbe ikun, e rẹ idi muẹ ke omẹvwẹ ayen vwọ so ine.

Une rẹ Ejiro 88:5

kerẹ ohwo ra senre vwẹ ohri rẹ irivwi, kere ihwo re hweri ra riẹn phihọ ushi, kere ihwo re wọ gbe karohọ ọfa-a, kidie a nyavwe ayen kufia nẹ obọ wẹn.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Aizaya 53:5

Ẹkẹvuọvo a wanrọ oma fiki rẹ ogbeku rẹ avwanre, e bobiro oma fiki rẹ orukuruku rẹ avwanre, ophiaphie ro ru avwanre fon na ọye a vwọ fa, ophiaphie na keye e vwo sivwi avwanre.

Jerimaya 11:19

Ẹkẹvuọvo ke me epha dẹndẹn kerẹ ọmọ rẹ ogegede re suẹn kpo ehwe. Me rha riẹn ta nẹ mẹvwẹ ayen jẹ iroro kpaha-a, tanẹ e ja ghwọrọ urhe na vẹ ibi rọye, rere ma nyavwọ nẹ otọ rẹ ihwo ekpokpọ, rere e jẹn odẹ rọye ekarophihọ.

Uvwerhe 3:54

ame revwe phihọ me da ta nẹ, Mi ghwruru.

Daniẹl 9:26

Edidjana ujorha gbe ivẹ na da wanu, ọ ra vwẹ ori te na ka cha nyavwọ kufia, ọ gbi che vwo emuọvo-o, ihwo rẹ osun na re cha cha, kẹ eye cha guọghọ orere na vẹ ẹshẹ na. Oba rọye oghwe rode ko che kuẹ, obo ba rọye ofovwi kọ cha dia; ẹkuafiotọ ọye e ji urhi rọye na.

Matiu 1:1

Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

Iyẹnrẹ Esiri ri Jọn 19:7

Ihwo ri Ju na da kpahe kẹ, Avwanre vwo urhi, fiki rẹ urhi yena o ghwu họ, fikiridie ọ vwẹ oma rọye ru Ọmọ rẹ Ọghẹnẹ.

Iruo rẹ Iyinkọn na 8:33

Vwẹ oma evwokpotọ rọye e gbi brorhiẹ ọsosọ kẹ-ẹ. Kono se dje orua rọye? kidie e hwere nẹ akpọ na

Ọbe ri Pọl si rhe Ihwo ri Rom 1:4

re dje phia nẹ Ọmọ rẹ Ọghẹnẹ vwẹ ogangan kirobo rẹ Erhi ọfuanfon na vwe rọ phia vwẹ oma rẹ evrẹnushi rọye nẹ ughwu, ọye hẹ Jesu Kristi Ọrovwavwanre,

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;