Aizaya 53:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Eshenye, e gbe oja kẹ re, dede na o rhie unu rọye-e; kerẹ ọgegede ro diunu re re hwe, kerẹ ogegede ra ra bọrọ ẹton nu diunu na, eriyin o rhie unu rọye-e.

Aizaya 53:7 ပူးပေါင်းရင်းမြစ်များ

Une rẹ Ejiro 38:14

E, me họhọ ohwo ro jẹ ẹme enyo, re ekan ọvuọvo he unu rọye-e.

Une rẹ Ejiro 38:15

Ẹkẹvuọvo wẹ, E Ọrovwohwo, me hẹrhẹ; We, E Ọrovwohwo Ọghẹnẹ me, ọye ri nyo vwe.

Une rẹ Ejiro 44:22

Ẹjo, fiki wẹ e vwo hwe avwanre ghwẹ vwẹ ẹdẹ na ejobi, e de kere avwanre kerẹ igodẹ re che re hwe.

Aizaya 50:6

Me vwe uko mẹ kẹ ọ rọ ghwiẹ vwẹ, ohwa Me vwọ kẹ otu re savwe ẹtuegha mẹ; Mi si opharo Mẹ nu-u vwọ kẹ omaẹvuọ vẹ enya edje kuo.

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Jerimaya 11:19

Ẹkẹvuọvo ke me epha dẹndẹn kerẹ ọmọ rẹ ogegede re suẹn kpo ehwe. Me rha riẹn ta nẹ mẹvwẹ ayen jẹ iroro kpaha-a, tanẹ e ja ghwọrọ urhe na vẹ ibi rọye, rere ma nyavwọ nẹ otọ rẹ ihwo ekpokpọ, rere e jẹn odẹ rọye ekarophihọ.

Ukeri 7:27

upene rẹ erhuẹn ọvo rẹ ọshare, egbo ọvo, omogodẹ ọvo upene rẹ ẹgbukpe, re vwo ze izobo rẹ ẹtorhẹ;

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

Iyẹnrẹ Esiri ri Mak 14:61

Ẹkẹvuọvo ọ da fotovwi, ọ kpahe emuọvo-o. Orherẹn rode na da rhoma nọ, Wọwẹ hẹ Kristi na, Ọmọ rẹ o ro vwo Ebruphihọ na?

Iyẹnrẹ Esiri ri Mak 15:5

Ẹkẹvuọvo Jesu je kpahe emuọvo-o, vwẹ ọtiọye na o de gbe Pailet unu.

Iyẹnrẹ Esiri ri Luk 23:9

Ọtiọye na ọ da nọ enanọ krekri; ẹkẹvuọvo ọ kpahere.

Iyẹnrẹ Esiri ri Jọn 1:29

Vwẹ ẹdẹ rivẹ ọ da mrẹ Jesu rọ yan bro cha, ọ da ta, Nighe, Omogegede rẹ Ọghẹnẹ, rọ ghwa imwemwu rẹ akpọ na nu!

Iyẹnrẹ Esiri ri Jọn 19:9

ọ da rhoma ro ọguan na ọ da ta kẹ Jesu, Tivọ wo nurhe? Ẹkẹvuọvo Jesu kpahere-e.

1 Pita 2:23

Ọke ra vwọ harhọ, ọ rhoma harhe ohwo-o; ẹkẹvuọvo ọ vwẹ ẹro so ohwo ro brorhiẹ ọsosọ.

Ẹvwọphia 5:6

Vwẹ uvwre rẹ ekete na kugbe eranvwe ekpokpọ ẹne na kugbe ohri rẹ ekpako na, me da mrẹ Omogodẹ ro mudia, kerẹ ọ re hweri na, vẹ ighoro ighwrẹ kugbe ẹro ighwrẹ, kọye hẹ erhi ighwrẹ rẹ Ọghẹnẹ ro ji ro akpọ na ejobi;