Aizaya 53:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Aizaya 53:6 ပူးပေါင်းရင်းမြစ်များ

Jẹnẹsis 22:6

Ebraham da reyọ ekrirhe re vọ izobo rẹ ẹtorhẹ na, o de muo kpahọ ọmọ rọye Aizik, ọ da yọnrọn utuerhanre kugbe aphia vwẹ obọ. Kọye ayen ivẹ na de ku usun phihọ.

Une rẹ Ejiro 119:176

Mi ghwruru kerẹ ogegede ro ghwruru, guọnọ odibo wẹn, kidie irhi wẹn chọrọ ovwẹ ẹro-o.

Une rẹ Ejiro 69:4

Ayen otu ri di tuoma mẹ ekueku; ibunọ ẹto rẹ uyovwi mẹ ayen otu re guọnọ ovwẹ ghwọrọ ganre gangan; ayen otu re vwọrọn efian nyẹ vwe. Obo ri mi jecho kọye me rhan rhivwi?

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 53:10

Dede na yo je Ọrovwohwo nẹ ọ ghwiẹ, o da vwẹ oja riọ, vwẹ ọke rọ vwọ reyọ vwo ze izobo rẹ umwemwu nu, kọ cha mrẹ uvwiẹ rọye, ko ru ẹdẹ rọye yovwi, ọhọre rẹ Ọrovwohwo ko che yovwi vwẹ obọ rọye,

Aizaya 53:11

kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Aizaya 53:5

Ẹkẹvuọvo a wanrọ oma fiki rẹ ogbeku rẹ avwanre, e bobiro oma fiki rẹ orukuruku rẹ avwanre, ophiaphie ro ru avwanre fon na ọye a vwọ fa, ophiaphie na keye e vwo sivwi avwanre.

Aizaya 53:7

Eshenye, e gbe oja kẹ re, dede na o rhie unu rọye-e; kerẹ ọgegede ro diunu re re hwe, kerẹ ogegede ra ra bọrọ ẹton nu diunu na, eriyin o rhie unu rọye-e.

Aizaya 55:7

Jẹn oruimwemwu je imwemwu rọye vwo, re ohwo umwemwu jẹ iroro ọbrabra rọye vwo, jẹn o rhivwi bru Ọrovwohwo, rere o ni arodọvwẹ rọye, bru Ọrovwohwo, kidie evwoghovwo rhere buebu.

Aizaya 55:8

Kidie iroro Mẹ dia iroro wẹ-ẹn, yẹrẹ idjerhe wẹn dia idjerhe mẹ-ẹ, eriyin Ọrovwohwo tare.

Aizaya 56:11

Eranko na vwo urhuru sivwi gangan; evun vọn aye-en. isuigọde na rhe ji vwo erianriẹ-ẹn; dohwo didjerhe rọye hirhe aro ku, dohwo derere rọye guọnọ, ohwo ọvo, ayen ejobi re.

Aizaya 6:7

O de vwo te unu mẹ o da ta: Nighere, Ọnana te ẹbẹrunu wẹn re; abe wẹn a kpaherọ kufia, a vwẹ umwemwu wẹn ghovwo uwe

Aizaya 66:3

Ohwo ro hwe erhuẹn ọ je họhọ ọ ro hwe ohwo, ohwo rọ vwẹ egbo ze izobo, kerẹ ohwo ro vwirhi ohọre rẹ eranko, ohwo ro ze izobo rẹ ọka, kerẹ ohwo rọ vwẹ ọbara rẹ esi ze izobo, ohwo rọ vwẹ adjija torhẹ izobo rẹ ẹkarophihọ, kerẹ ohwo rọ nẹ ẹrhovwo kẹ oma. Enana je idjerhe robọ rayen, erhi rayen ke ghọghọ vwẹ ẹgua egbe rayen,

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Izikiẹl 3:18

Ọ da dianẹ me ta kẹ oruimwemwu, Wo ghini ghwu, wo gbi rhe ghwoghwo kẹ-ẹ, eyẹ wọ gbe rha ta kẹ oruimwemwu ro jẹ idjerhe umwemwu rọye vwo-o, rere o sivwi arhọ rọye, oruimwemwu yena ko ghwu phihọ orukuruku rọye, ẹkẹvuọvo ọbara rọye ke me nọ ekpẹn rọye vwẹ obọ wẹn.

Daniẹl 9:5

avwanre ru umwemwu kugbe obo re chọre, me ru obo re brare me ji mukpahe owẹ, avwanre yan jẹ irhi wẹn vwo vẹ obo ru wọ tanẹ avwanre ru.

Ọbe ri Pọl si rhe Ihwo ri Rom 4:25

re hwe ghwu fiki rẹ oruchọ rẹ avwanre ra kpare vrẹn fiki rẹ ase-ẹriọ rẹ avwanre.

Jems 5:20

e gbe jọ riẹn nẹ, ohwo ro yono oruimwemwu kurhẹriẹ nẹ idjerhe rọye o sivwẹ erhi ọvo nẹ ughwu, ọ ke rha vwẹ ukpo rhurhu imwemwu muotọ.

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

Iguẹdjọ 21:25

Vwẹ ọke yena Izrẹl vwo ovie-e; dohwo dobo ri jere vwẹ ẹro rọye kọye o ruẹ.