Aizaya 53:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ kọ cha mrẹ omamọ rẹ uvwiẹ ẹchuẹ rẹ erhi rọye evun kọ vọn, vwẹ erianriẹn rọye ọye ọvwata mẹ na, odibo mẹ, vwo ru ihwo buebu phihọ ọvwata; ko mu oghwa rẹ orukuruku rayen.

Aizaya 53:11 ပူးပေါင်းရင်းမြစ်များ

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 45:25

Vwẹ evun rẹ Ọrovwohwo ọye uvwiẹ re Izrẹl ejobi da kparobọ vwẹ urinrin.

Aizaya 49:3

Ọ da ta kẹ vwẹ, Wẹ odibo Mẹ, Izrẹl, oma we mi de vwo ejiro,

Aizaya 52:13

Nighe, odibo Mẹ ko che yovwi, ke muo kpenu phelephele, ko kpenu gangan.

Aizaya 53:12

Fiki rẹ ọtiọye na ke Me ghare ẹkẹn te vwẹ usun rẹ ihwo ride, ọ vẹ egba keye gba ghare ughwẹ; kidie o ku ọbara rọye phihọ otọ kẹ ughwu, e de kere kugbe otu ri gburhi ku; yẹ ọye re ghwa umwemwu rẹ ihwo buebu, ọ da re orẹ vwọ kẹ otu ri gburhi ku.

Aizaya 53:8

Vwẹ oshenyẹ vẹ obruhwe a vwo reyọ yanran; vwọ kẹ uvwiẹ rọye, kono ro roiro nẹ e bruro kufia nẹ otọ rẹ ihwo ekpokpọ, a ghwiẹrẹ fiki rẹ ogbeku rẹ ihwo Mẹ.

Daniẹl 12:3

Ihwo re ghwanre ki che lọ wrowro vwo obo irharhe, otu re rhẹriẹ ihwo buebu hirhe phihọ ọvwata, ke cha dia kerẹ isio bẹdẹ bẹdẹ.

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Matiu 20:28

Ọ dianẹ Ọmọ rẹ ohwo rhere re e vwo gbe odibo kẹ-ẹ, ẹkẹvuọvo re o vwo gbe odibo, rere ọ vwẹ arhọ rọye tan ihwo buebu.

Iyẹnrẹ Esiri ri Luk 22:44

Rọ vwọ hẹ evun rẹ uvwerhe na ọ da nẹ ẹrhovwo gangan; ọdja de rhi fio oma ku kporo kporo kerẹ ọbara ro suẹn te otọ prapra.

Iyẹnrẹ Esiri ri Jọn 12:24

Uyota, uyota, me ta kẹ ovwan, jokpa nẹ ubi rẹ ọka she phihọ otọ ro de ghwu-u, kọye ọvo kpoi re dia; ẹkẹvuọvo o de ghwu, kọ mọ emamọ buebu.

Iyẹnrẹ Esiri ri Jọn 16:21

Ọke rẹ aye da chuẹ uvwiẹ kọ mrẹ odjadja, fikiridie yẹ ọke rọye tere; ẹkẹvuọvo ọke ro de vwiẹ ọmọ na nu, ọ gbe karohọ odjadja na ọfa-a, fiki rẹ aghọghọ rẹ ọmọ ro vwiẹ phihọ akpọ na.

Iyẹnrẹ Esiri ri Jọn 17:3

Ọnana hẹ arhọ ro vwo oba-a na, rere ayen vwọ riẹn owẹ ọvo rẹ Ọghẹnẹ rẹ uyota na, kugbe Jesu Kristi ru wo ji rhe na.

Ọbe ri Pọl si rhe Ihwo ri Rom 4:24

ẹkẹvuọvo je vwi fiki rẹ avwanre rhe. E ji kere kẹ avwanre ri se ọ rọ kpare Jesu Ọrovwavwanre nẹ ughwu gbuyota,

Ọbe ri Pọl si rhe Ihwo ri Rom 5:9

Asakiephana, rẹ ọbara rọye vwo brorhiẹ kẹ avwanre nu na, ko ji ghwe sivwi avwanre nẹ ophu rẹ Ọghẹnẹ fiki rọye.

1 Kọrẹnt 6:11

Ọtiọye evo vwẹ usun rẹ ovwan na epha jovwo. Ẹkẹvuọvo a họ ovwan, e ru ovwan fon, ovwan rease vwẹ odẹ rẹ Ọrovwohwo Jesu Kristi kugbe Ẹrhi rẹ Ọghẹnẹ rẹ avwanre.

2 Kọrẹnt 4:6

Kidie Ọghẹnẹ re tare nẹ, E jẹn urhukpẹ lo nẹ evun rẹ ebri rhe, ro lo mu udu rẹ avwanre ro vwo dje urhukpẹ rẹ erianriẹn rẹ urinrin rẹ Ọghẹnẹ vwẹ opharo ri Kristi.

Galesha 4:19

Emọ mẹ, re me chuẹ uvwiẹ rayen, bẹsiẹ ri Kristi vwọ dia oma rẹ ovwan!

Hibru 12:2

avwanre gba tọn ẹro vi Jesu ọkobaro kugbe orugba rẹ esegbuyota rẹ avwanre, ohwo rọ vwi fiki rẹ aghọghọ rọ hẹ obaro kẹ chiri odjadja rẹ aghagha na, ọ davwerhọn rẹ omaẹvuọ na-a, o de rhi tidia obọrhe rẹ ekete rẹ Ọghẹnẹ.

Hibru 9:28

Vwẹ ọtiọye na ra vwọ vwi Kristi gọ iye ẹsiẹvo nure na rọ ghwa imwemwu rẹ ihwo buebu nu na, kọ je cha rhe vwẹ obọ rivẹ, ọ dianẹ kẹ umwemwu ọ cha ghwọrọ-ọ ẹkẹvuọvo ko che sivwi ayen otu re vwẹ erhiori hẹrhẹ.

1 Pita 2:24

Omaobọ rọye ọ vwọ ghwa oghwa rẹ imwemwu rẹ avwanre vwẹ enu rẹ agbagba, rere avwanre vwo ghwu kẹ umwemwu re a mrasan rhọ kẹ ọvwata. Oma ra wanrọ na ọye e vwo sivwi ovwan.

1 Pita 3:18

Kidie Kristi ghwu kẹ umwemwu obọvo kẹ ihwo ejobi nure, ọvwata ghwu kẹ iruimwemwu, rere ọ vwọ sa reyọ bru Ọghẹnẹ ra, e hwere ghwu vwẹ ugboma ẹkẹvuọvo ọ rhọre vwẹ evun rẹ erhi;

2 Pita 3:18

Ẹkẹvuọvo gba rho vwẹ evun rẹ ẹserọphẹ kugbe erianriẹn rẹ Ọrovwavwanre kugbe Osivwi rẹ avwanre Jesu Kristi. Ọye a vwẹ urinrin kẹ vwẹ asakiephana rhiri re te ẹdẹ ri bẹdẹ na. Isẹ.

1 Jọn 2:1

Emọ mẹ, mi si eta nana rhe ovwan rere ovwan vwo jẹ umwemwu eruo; ẹkẹvuọvo ohwo de ru umwemwu, avwanre vwo obruche ọvo vwẹ obọ rẹ Ọsẹ, Jesu Kristi rẹ ọvwata na;

2 Jon 1:1

Ọkpako na ri si ọbe na rhe ọmọtẹ ra sanọreyọ na vẹ emọ rọye, re me guọnọre vwẹ uyota, ọ dia omẹvwẹ ọvo-o ẹkẹvuọvo ji te ihwo ejobi re riẹn uyota na,

2 Jon 1:3

Ẹserọphẹ, arodọvwẹ, kugbe ufuoma ki nene avwanre dia, vwo nẹ obọ rẹ Ọghẹnẹ Ọsẹ na kugbe ọ ro nẹ obọ ri Jesu Kristi rhe Ọmọ rẹ Ọsẹ na, vwẹ evun rẹ uyota kugbe ẹguọnọ.