Aizaya 53:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

Aizaya 53:1 ပူးပေါင်းရင်းမြစ်များ

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

Iyẹnrẹ Esiri ri Luk 18:31

Rọ vwọ reyọ ihwivẹ na, ọ da ta kẹ ayen, Nighe, avwanre kpo Jerusalẹm re, kemu kemu ejobi rẹ emraro na si kpahe Ọmọ rẹ ohwo i che ru gba.

Iyẹnrẹ Esiri ri Jọn 1:12

Ẹkẹvuọvo vwọ kẹ ihwo re reyerọ ejobi, ri se odẹ rọye gbuyota, ọ kẹ ayen ogangan rere ayen rhe vwọ dia emọ rẹ Ọghẹnẹ.

Iyẹnrẹ Esiri ri Jọn 1:7

Ọ rhere kerẹ oseri, rere o vwo se oseri kẹ urhukpẹ na, rere ihwo ejobi vwọ wan oma rọye segbuyota.

Iyẹnrẹ Esiri ri Jọn 12:38

ọye kọye ota rẹ omraro Aizaya tare na vwọ mrasan gba; Ọrovwohwo, ono ri se iyẹnrẹ rẹ avwanre gbuyota, ono a vwẹ igbabọ rẹ Ọrovwohwo phia kẹ?

1 Kọrẹnt 1:18

Kidie ota rẹ agbagba na hẹ ugheghẹ kẹ otu re ghwọrọ kuẹfia, ẹkẹvuọvo kẹ ogangan rẹ Ọghẹnẹ kẹ avwanre re sivwẹ rhọ na.

1 Kọrẹnt 1:24

ẹkẹvuọvo kẹ otu re seri, ihwo ri Ju kugbe ihwo ri Grik, Kristi hẹ ogangan rẹ Ọghẹnẹ kugbe aghwanre rẹ Ọghẹnẹ.