Aizaya 52:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Kerhọn rẹ ọrherotọ wẹn re kpare urhuru rayen kpenu, ayen ejobi re koko so ine; kidie ayen ohwohwo cha mrẹ ohwo ọke re Ọrovwohwo de che rhivwi rhe Zayọn.

Aizaya 52:8 ပူးပေါင်းရင်းမြစ်များ

Une rẹ Ejiro 102:22

vwe ọke re ihwo da ghwe koko, re uvie da ra ga Ọrovwohwo na.

Solomon 3:3

Orhẹrotọ na da mrẹ vwẹ, rẹ ayen vwọ yan vwẹ evun rẹ orere. Wọ mrẹ ohwo rẹ ẹnwẹn mẹ guọnọre na?

Solomon 5:7

Erhẹrotọ na da mrẹ vwẹ, re ayen vwọ yan vwẹ evun rẹ orere, Ayen de hwe vwe, ayen da wan vwẹ oma, Ayen da ghwiẹ ewun mẹ reyọ, otu re rhẹrẹ igbẹhẹ yena.

Aizaya 24:14

Ayen kparẹ urhuru rayen kpenu, ayen so ine rẹ aghọghọ, fiki rẹ ọrhọ rẹ Ọrovwohwo ayen dori vwẹ obuko ọnre.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 27:2

Vwẹ ẹdẹ yena Ogba ri vain rẹ esiri na, kọ so ine rọye!

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 56:10

Erhẹrẹotọ rọye rhuẹro, ayen ejobi vwo erianriẹ-ẹn, ayen ejobi eranko ri diunu, ayen sa gbọ-ọ; ayen shevwerhẹ, re vwerhe evwerhẹ, ovwerhe ayen guọnọ. ovwerhe ayen guọnọ.

Aizaya 58:1

Bunu gangan, wo jovwo-o, van kperi kerẹ ekper-ẹ dje ogbeku re ihwo mẹ kẹ ayen, dje kẹ uwevwi ri Jekọp umwemwu rayen.

Aizaya 62:6

Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Jerimaya 32:39

Me cha kẹ ayen udu ọvo vẹ idjerhe ọvo, rere ayen vwọ djẹ oshọ mẹ bẹdẹ, fiki rẹ erhuvwu rayen, vẹ erhuvwu rẹ emọ rayen re cha vwẹ obuko.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Jerimaya 33:7

Me cha vwẹ oyovwe ri Juda vẹ oyovwe rẹ Izrẹl rhivwi rhe ayen, ke me rhoma bọn ayen kirobo rẹ ayen epha vwẹ ẹsosuọ.

Jerimaya 6:17

Me da vwẹ erhẹrotọ mu kẹ ovwan, ta nẹ, Kerhọn rẹ edo rẹ ọgban na! Ẹkẹvuọvo ayen tare nẹ, Ma cha kerhọ-ọn.

Izikiẹl 3:17

Ọmọ rẹ ohwo me vwẹ owẹ ru ọrhẹrotọ kẹ uwevwi rẹ Izrẹl; ọke kọke wo de nyo ota nẹ unu mẹ rhe, ku wo ghwoghwo ota mẹ na kẹ ayen.

Izikiẹl 33:7

Ọtiọye wẹ, ọmọ rẹ ohwo, mi vwo ru ọrhẹroto kẹ uwevwi rẹ Izrẹi, kọke kọke wo vwo nyo ota nẹ unu mẹ rhe, ku wọ kpa okpa mẹ phihọ ayen obọ.

Zẹfanaya 3:9

Uyota, vwẹ ọke yena ki mi che ku ephẹrẹ rẹ ihwo na rhẹriẹ vwo kpo omamọ rẹ ephẹrẹ, rere ayen ejobi vwo se se odẹ rẹ Ọrovwohwo re ayen ku evun gbe ọvo vwọ ga.

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Iruo rẹ Iyinkọn na 2:1

Rẹ ẹdẹ ri Pẹntikọst na vwo te, ayen ejobi de koko asan ọvo.

Iruo rẹ Iyinkọn na 4:32

Ọke nana ayen otu ri segbuyota na de vwo udu ọvo kugbe iroro ọvo, ohwo ọvuọvo rọ tanẹ obo rẹ ọye vwori na kẹ ọ rọye ọvo herọ-ọ, ẹkẹviọvo ayen de vwo kemu kemu kugbe.

1 Kọrẹnt 1:10

Me rẹ ovwan, imoni mẹ, vwẹ odẹ rẹ Ọrovwavwanre Jesu Kristi, nẹ ovwan ku evun gbe nẹ ohẹriẹ rha dia vwẹ ohri rẹ ovwa-an, ẹkẹvuọvo rere ovwan ku evun gbe ọvo rere we bru orhiẹ ọvo.

1 Kọrẹnt 13:12

Kidie asakiephana avwanre mrẹ orẹ phorophoro kerẹ ughegbe, ẹkẹvuọvo ọke yena ohwohwo kọ mrẹ ohwohwo. Asakiephana ubro me riẹnre, ọke yena ki mi che vwo ẹruọ gbagba, kirobo rẹ obo re me ta je ro ihwo na.

Hibru 13:17

Mu ọghọ kẹ isun rẹ ovwan vwẹ oma kpotọ kẹ ayen; kidie ayen re sẹro re ẹnwẹn rẹ ovwan, ayen je hẹ ihwo re cha nẹ iyẹnrẹ kpahe ovwan. We jẹn ayen ru ọna vẹ omavwerhovwẹ, ọ dia ọ rẹ opharo emuohọ-ọ, kidie ọyena fi erere kẹ wẹ-ẹ.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Ẹvwọphia 19:4

Ekpako uje gbẹ ẹne na kugbe eranvwe ekpokpọ ẹne na de she diguẹ ayen da gọ Ọghẹnẹ ro tidia vwẹ enu rẹ ekete na, tanẹ, Isẹ. Hi Iye.