Aizaya 52:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Mavọ awọ rayen yovwi te vwẹ enu rẹ igbenu na ayen ihwo re ghwa ikun esiri na rhe, ri ghwoghwo ufuoma, rọ ghwa ikun esiri oyoyovwi, ri ghwoghwo esivwo, rọ ta kẹ Zayọn, Ọghẹnẹ wẹn herọ ria uvie.

Aizaya 52:7 ပူးပေါင်းရင်းမြစ်များ

Une rẹ Ejiro 59:13

Vwẹ ophu wẹn torhẹ ayen, ghwọrọ ayen bẹsiẹ rẹ ayen vwo nọ kakare, rere ihwo vwọ riẹn nẹ Ọghẹnẹ ria uvie vwi Jekọp rhiri re te oba rẹ akpọ na.

Une rẹ Ejiro 68:11

Ọrovwohwo ri ji urhi na, otu re ghwẹ iyẹnrẹ esiri na kẹ ibuebu,

Une rẹ Ejiro 93:1

Ọrovwohwo na ria uvie; ọ vwẹ ọrho rhuo oma riariẹ, Ọrovwohwo na rhuori, ọ vwe ogangan chobiẹ. E, akpọ na ọ tọnrọ phihọ, o gbi che ghwie ọfa-a,

Une rẹ Ejiro 96:10

Ta vwe ohri re ẹgborho na neẹ, Ọrovwohwo ria uvie! E, akpọ na a tonro phihọ, e gbi se ghwie bẹvwẹdẹ-ẹ, o che guẹdjọ re ihwo na abavo.

Une rẹ Ejiro 97:1

Ọrovwohwo na ria uvie, jẹn akpọ na ghọghọ, jẹn erhuru na ejobi ghọghọ!

Une rẹ Ejiro 98:2

Ọrovwohwo nẹrhẹ a riẹn obọẹkparọ rọye nure, ọ vwẹ orhiẹbro rọye phia vwẹ obaro rẹ ẹgborho na.

Une rẹ Ejiro 98:3

Ọ karohọ ẹguọnọ rọye ro jẹ rhẹriẹ vẹ esegbuyota rọye kẹ uwevwi rẹ Izrẹl. Oba rẹ akpọ na ejobi rhe mrẹ obọẹkparọ rẹ Ọghẹnẹ rẹ avwanre.

Une rẹ Ejiro 99:1

Ọrovwohwo na ria uvie, jẹn ihwo na phariẹ! O tidia phihọ ekete rọ hẹ enu ri cherubim, jẹn akpọ na kpogho!

Solomon 2:8

Urhuru rẹ ọnse mẹ! Nighe, ọ yan cha, o re pho kraekrae vwẹ obenu rẹ ugbenu, ọ ra rhan wan igbenu rẹ itete na.

Aizaya 24:23

Ọke yena emeranvwe kọ dia bisi bisi, ọnre na oma kọ cha vuọ, kidie Ọrovwohwo rẹ otuofovwi na cha re uvie vwe enu rẹ Ugbenu ri Zayọn vwi Jerusalẹm vwẹ obaro rẹ ekpako rọye ọ da vwe urinrm rọye phia

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 41:27

Mẹvwẹ re ka ta kẹ Zayọn, Me da vwẹ aghwoghwọ rẹ ikun esiri kẹ Jerusalẹm.

Aizaya 42:11

Jẹn aton na kugbe ẹgborho re herọ kpare urhuru rayen, ẹko ri Kedar diare, jẹn ihwo re dia Sela so ine rẹ aghọghọ, jẹn ayen kperi nẹ enu rẹ igbenu na rhe.

Maika 4:7

otu re ikpono na keye cha dia umuku ri chekọ; otu ra djẹ kufia jovwo, ke cha dia ẹgborho ọgangan; Ọrovwohwo kọ cha re vwẹ enu rẹ ayen vwẹ Ugbenu ri Zayọn nẹ ọke nana yanran rhiri bẹdẹ.

Nahum 1:15

Nighe, vwẹ obenu rẹ ugbenu na gbe ni awọ rẹ ihwo re ghwa ikun esiri na cha; ri ghwoghwo ufuoma! Re ore wẹn, E Juda, gbe ru ive wẹn gba, kidie ohwo umwemwu gbe cha vwo so wẹ bẹdẹ-ẹ a nyavwerọ kufia tototo.

Nahum 2:1

Otu re guọghọ na bru we rhire. Se ihwo rhe re hwa hẹrhẹ; rhere idjerhe na; chobiẹ amwa wẹn; Rhanre oma vi.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Iyẹnrẹ Esiri ri Mak 13:10

Iyẹnrẹ esiri na kọye e ke ghwoghwo kẹ akpọ na ejobi tavwe.

Iyẹnrẹ Esiri ri Mak 16:15

Ọ da ta kẹ ayen, Ovwan yanran ro akpọ na ejobi, re ghwoghwo iyẹnrẹ esiri na ke ema na ejobi.

Iyẹnrẹ Esiri ri Luk 2:10

Amakashe na da ta kẹ ayen, wa djẹ oshọ-ọ; kidie nighe, me ghwa ikun esiri rẹ aghọghọ rode rhe ovwan ro che bru ihwo ejobi rhe;

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Ẹfesọs 6:15

vwẹ iyẹnrẹ esiri rẹ ufuoma na ru isabato kuhọ awọ wẹn.

Ẹvwọphia 11:15

Amakashe ri ghwrẹ de hworo owanre rọye, edo rode de mu vwẹ odjuvwu, tanẹ, Uvie rẹ akpọ na rhi hirhe phihọ uvie rẹ Ọrovwavwanre kugbe Kristi rọye re, kọ cha re rhiri bẹdẹ bẹdẹ.

Ẹvwọphia 14:6

Etiyin me da mrẹ amakashe ọfa rọ rhan vwẹ uherevie rẹ odjuvwu, ọ vẹ iyẹnrẹ esiri ri bẹdẹ na ro ghwoghwo kẹ ayen otu re dia akpọ na, kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo;