Aizaya 52:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Fiki rẹ ọtiọye na ihwo mẹ ke riẹn odẹ Mẹ; vwẹ ẹdẹ yena kẹ ayen riẹn nẹ Mẹvwẹ re ta ota na, Mẹvwẹ na.

Aizaya 52:6 ပူးပေါင်းရင်းမြစ်များ

Une rẹ Ejiro 48:10

Kirobo re odẹ wẹn epha, E Ọghẹnẹ, ọtiọye ejiro wẹn ji tẹ oba rẹ akpọ na. Obọrhẹ wẹn ọ vọnre vẹ obọẹkparọ;

Ẹyano 3:13

Etiyin Mosis da ta kẹ Ọghẹnẹ nẹ, “Ọ da dianẹ mi bru ihwo rẹ Izrẹl na ra me da ta kẹ ayen, ‘Ọghẹnẹ rẹ esẹ rẹ ovwan ji vwe bru ovwan rhe,’ rẹ ayen da nọ vwẹ, ‘Die ọyen odẹ rọyen?’ Kidie me ta kẹ ayen?

Ẹyano 33:19

Ọ da ta, Mi ru rere erhuvwu mẹ ejobi ka obaro kẹ wẹ, ki mi ghwoghwo odẹ mẹ, Ọrovwohwo na, vwẹ obaro wẹ, ki mi nẹ aruẹdọ kẹ ihwo ri mi nẹ aruẹdọ rọye, ke me re ehrọre kẹ ihwo re me re ehrọre rọye.

Ẹyano 6:3

Me vwẹ oma phia kẹ Ebraham, vwọ kẹ Aizik, vwọ kẹ Jekọp, vwẹ odẹ rẹ Ọghẹnẹ ro vwo Ẹgba ejobi, ẹkẹvuọvo ọ dia odẹ mẹ Ọrovwohwo na me vwọ vwẹ oma mẹ phia kẹ ayeen.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 42:9

Nighere, imu rẹ awanre na e wanvrẹn nure, imu ekpokpọ keye me vwọ phia na, tavwe re ke re phia, ye me ta ayen kẹ ovwan nure.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Izikiẹl 20:44

Ku wọ riẹn nẹ mẹvwẹ Ọrovwohwo na, ri mi de nene uwe yeri fiki rẹ odẹ mẹ, ọ dianẹ fiki rẹ idjerhe omiomiovwi wẹ-ẹn, eyẹ kere uruemu ọbrabra wẹ-ẹn, E uwevwi rẹ Izrẹl, eriyin Ọrovwohwo Ọghẹnẹ tare.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?