Aizaya 52:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 52:10 ပူးပေါင်းရင်းမြစ်များ

ỌBE RẸ JOB 40:9

Wo vwo eghwabọ kerẹ Ọghẹnẹ, urhuru wẹn sa van aghrara kerẹ ọrọye?

Une rẹ Ejiro 22:27

Oba rẹ akpọ na ejobi cha karohọ ri de rhivwi bru Ọrovwohwo; uvwiẹ rẹ ẹgborho na cha ga vwẹ obaro rọye.

Une rẹ Ejiro 67:2

rere a vwọ riẹn idjerhe wẹn vwẹ akpọ na, ogangan rẹ esivwo wẹn vwẹ ohri rẹ ẹgborho na ejobi.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 33:13

Nyo, ovwan re he ogboko, obo ri mi ruru, ovwan re kere, wa rhọvwe egba Me

Aizaya 40:5

Urinrin rẹ Ọrovwohwo ka cha vwọ phia, Ihwo ejobi ke cha mrẹ kugbe, kidie unu rẹ Ọrovwohwo tarọ nure.

Aizaya 45:22

Rhoma bru vwe rhe re wọ rho, oba rẹ akpọ na ejobi na: Kidie Mẹvwẹ Ọghẹnẹ, o gbi vwo ọfa-a

Aizaya 48:20

Yanran nẹ Babilọn, dje nẹ Kaldia, dje ọna phia vẹ aghọghọ, ghwoghwo, jọ yanran kpo oba re akpọ na; tanẹ, Ọrovwohwo na tan odibo rọye Jekọp nure!

Aizaya 49:6

ọ da ta, Emu ọphapharhe rere wọ vwọ dia odibo mẹ ra vwọ kpare uvwiẹ ri Jekọp vrẹn kugbe rere a vwọ sẹro rẹ uchekotọ rẹ Izrẹl; Me vwẹ owẹ ru urhukpẹ kẹ ẹgborho na, rere esivwo Mẹ rhi vwo te oba rẹ akpọ na.

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 53:1

Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 62:1

Fiki ri Zayọn Mi se rhurhu unu-u, fiki ri Jerusalẹm Mi se rovwoma-a, bẹsiẹ rẹ ase rọye che vwo lo phia wrowro, esivwo rọye kerẹ urhukpẹ ro la.

Aizaya 63:5

Mi niri, ẹkẹvuọvo ọchuko herọ-ọ, ofu dje vwe, ẹkẹvuọvo o vwo ohwo rọ rhe yọnre ovwẹ-ẹ, Etiyin igbabọ mẹ ọvo keye kẹ vwẹ ọbọẹkparọ, ophu Mẹ kọye re yọnrọn ovwẹ.

Maika 5:4

Ko vrẹn mudia ghẹrẹ igegede rọye vwẹ ogangan rẹ Ọrovwohwo na, vwẹ ọrhọ rẹ odẹ rẹ Ọrovwohwo Ọghẹnẹ rọye. kọ cha dia vwẹ egbemọphẹ, vwẹ ọke yena kọ cha rho re duvwu ẹtan rẹ akpọ na.

Iyẹnrẹ Esiri ri Luk 2:30

kidie ẹro mẹ ghine mrẹ esivwo wẹn re

Iyẹnrẹ Esiri ri Luk 3:6

ihwo ejobi ke cha mrẹ esivwo rẹ Ọghẹnẹ.

Iruo rẹ Iyinkọn na 13:47

Kidie ọtiọye Ọrovwohwo ta kẹ avwanre nẹ, Me vwẹ ovwan rhu kerẹ urhukpẹ kẹ ihwo ri Keferi na, rere ovwan vwọ ghwa esivwo kpo oba rẹ akpọ na.

Joshua 4:24

rere ihwo rẹ akpọ na ejobi vwọ riẹn nẹ obọ rẹ Ọrovwohwo re gan re; rere wọ vwọ sa djẹ oshọ rẹ Ọrovwohwo Ọghẹnẹ rẹ ovwan bẹdẹ.

Ẹvwọphia 14:6

Etiyin me da mrẹ amakashe ọfa rọ rhan vwẹ uherevie rẹ odjuvwu, ọ vẹ iyẹnrẹ esiri ri bẹdẹ na ro ghwoghwo kẹ ayen otu re dia akpọ na, kẹgborho kẹgborho kugbe orua korua kugbe ephẹrẹ kephẹrẹ kugbe ohwo kohwo;

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.