Aizaya 52:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 52:1 ပူးပေါင်းရင်းမြစ်များ

1 Ikun rẹ Ivie 16:29

Wa vwọ kẹ Ọrovwohwo urinrin ro fori kẹ odẹ rọye vwẹ izobo bro rhe, ru wọ yan bro rhe! Ga Ọrovwohwo na vẹ osẹnvwe ọfuanfon,

Nehemaya 11:1

Asakiephana isun rẹ ihwo na ke Jerusalẹm edia, ihwo ri chekọ de mu itẹ re a reyọ ohwo ọvo vwẹ usun rẹ ihwe na rọ rhe dia Jerusalẹm orere ọfuanfon na, rere irhiri ri chekọ rha dia irho efa.

Une rẹ Ejiro 110:3

Ihwo wẹn che siobọ nẹ oma rẹ ayen ọphọphẹ vwẹ ẹdẹ wo de sun otuofovwi wẹn vwẹ igbenu efuanfon wẹn na. Kẹ evun rẹ irhiọke ride. kerẹ evwru rẹ irhiọke ọtiọye ọmọha wẹn cha dia.

Ẹyano 28:2

Wo mi ko iwun efuanfon kẹ Erọn rẹ oniọvo wẹn na, rọ dia urinrin vẹ erhuvwu.

Ẹyano 28:40

Wo mi rhe ko ewun vẹ umuehu vẹ erhu kẹ emọ rẹ Erọn; wo mi ru ayen ri mu urinrin ri ji vwo erhuvwu.

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 1:26

Ki mi rhoma vwẹ iguẹdjọ wẹn mu kerẹ ọke rẹ ẹsosuọ ediẹguare wẹn kirobo re epha notọrhe. Ukuko rọye ke che se we orere re ọvwata, orere re esiri na.

Aizaya 26:2

Rhie inurhoro na, rere orere rẹ ọvwata rọ yọnrọn urhi na vwọ ro uwevwi.

Aizaya 35:8

Idjerhe rode kọ cha dia etiyin, ke che se nẹ Idjerhe Ọfuanfon, emu ogbegbe cha sa wanvrẹ-ẹn, ẹkpa gbi che se ghwru vwọ-ọ.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 49:18

Ni oma riariẹ rere wọ mrẹ; ayen ra ghwẹ koko, ayen re bru we cha. Kirobo re Me herọ na, eriyin Ọrovwohwo tare, wo ku ayen phihọ oma kerẹ ekuakua rẹ osẹvwe, wo gba ayen mu oma kirobo re ọpha ruẹ.

Aizaya 51:17

Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

Aizaya 51:9

Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 60:1

Vrẹn lo, kidie urhukpẹ wẹn rhire, urinrin rẹ Ọrovwohwo bẹre mu we re.

Aizaya 60:21

Ihwo wẹn ejobi ke cha dia evwata; ayen ki che vwo otọ na bẹdẹ, eyoro cha rẹ ekankọn Mẹ, iruo re abọ Mẹ, rere a mrasan vwe urinrin kẹ vwẹ.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Jerimaya 31:23

Enẹ Ọrovwohwo rẹ otuofovwi na tare, Ọghẹnẹ rẹ Izrẹl: Ayen cha rhoma ta eta nana vwẹ otọ ri Juda vẹ irere rọye ọke re me da vwẹ oyovwe rayen rhe nu: Ọrovwohwo bruba kẹ wẹ, E ẹdia rẹ ọvwata, E ugbenu ọfuanfọn!

Izikiẹl 44:9

Vwẹ ọtiọye na e nẹ Ọrovwohwo Ọghẹnẹ tare. O vwo ọrhorha-a, ro jẹyavwọ vwẹ udu vẹ ugboma, vwẹ usun rẹ erhorha re hẹ ohri rẹ ihwo rẹ Izrẹl na, rọ gbe sa vwẹriẹ ẹshẹ mẹ na ọfa-a.

Daniẹl 10:9

Etiyin mi de nyo umri rẹ ota rọye, ri mi vwọ nyo umri rẹ ota rọye re, mi de she bọvwo opharo rhuotọ mi de sheruo ovwerhẹ kokodo.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Nahum 1:15

Nighe, vwẹ obenu rẹ ugbenu na gbe ni awọ rẹ ihwo re ghwa ikun esiri na cha; ri ghwoghwo ufuoma! Re ore wẹn, E Juda, gbe ru ive wẹn gba, kidie ohwo umwemwu gbe cha vwo so wẹ bẹdẹ-ẹ a nyavwerọ kufia tototo.

Hegae 2:4

Dede na vwẹ Asakiephana we gbe yivwaro, E Zerubabẹl, eriyin Ọrovwohwo tare, yivwaro, E Joshua, ọmọ ri Jehozadak, rẹ orherẹn rode na, yivwaro, ovwan ihwo rẹ otọ na ejobi eriyin Ọrovwohwo tare; ru iruo, kidie me vẹ owẹ herọ, eriyin Ọrovwohwo rẹ otuofovwi na tare.

Zekaraya 3:4

Amakashe na da ta kẹ otu ri mudia vwẹ obaro rọye, Wa ghwiẹ iwun igbegbe na no oma. Ọ da ta kẹ, nighe, mi si orukuruku wẹn nẹ uwe oma, Me cha vwẹ omamọ rẹ amwa rhuo we.

Matiu 4:5

Idẹbono de rhe muo kpo orere ọfuanfon na; o de muo kpo okpo rẹ uwevwi rẹ ẹga,

Iyẹnrẹ Esiri ri Luk 15:22

Ẹkẹvuọvo ọsẹ na da ta kẹ idibo rọye, Jọphẹre ra reyọ adagba rhe, re kuo phihọ, ru we ku isa phihọ obọ, ku isabato phihọ awọ;

Ọbe ri Pọl si rhe Ihwo ri Rom 13:14

Ẹkẹvuọvo gbe ku Ọrovwavwanre Jesu Kristi phihọ, wọ vwẹ asan kẹ ugboma-a rere ẹguọnọ rẹ ugboma vwo je ovwan esioghwro.

Ọbe ri Pọl si rhe Ihwo ri Rom 3:22

ọvwata rẹ Ọghẹnẹ vwẹ oma rẹ esegbuyota vwi Jesu Kristi ọ herọ kẹ ihwo ejobi ri segbuyota. Ọ vwo ofẹnẹ-ẹ.

Ẹfesọs 4:24

re we ku ohwo ọkpokpọ na phihọ oma, ra mare vwẹ uhoho rẹ Ọghẹnẹ vwẹ omamọ rẹ ọvwata kugbe ẹfuọn.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Ẹfesọs 6:10

Ọ rọ ka oba, wa gan oma vwẹ evun rẹ Ọrovwohwo kugbe ogangan rẹ ẹgba rọye.

Ẹvwọphia 11:2

ẹkẹvuọvo wọ vwavwe ọguan rọ hẹ obo otafe rẹ uwevwi rẹ ẹga na-a, yan jovwo, kidie e siobọ no kẹ ẹgborho na, ayen ki chiyi orere ọfuanfon na muotọ emeranvwe ujuvẹ gbẹ ivẹ.

Ẹvwọphia 19:14

Otuofovwi rẹ odjuvwu, re vwẹ esada iyoyovwi rhuo, fuanfon yoyovwi, re gua esi efuanfon de tue nene.

Ẹvwọphia 19:8

a da rhọvwe kẹ nẹ ọ vwẹ esada iyoyovwi rhuo, ri lo yoyovwi esada iyoyovwi na eye ọvwata rẹ irherẹn na.

Ẹvwọphia 21:2

Me da mrẹ orere ọfuanfon na, Jerusalẹm ọkpokpọ na, ro wotọ nẹ obọ rẹ Ọghẹnẹ cha vwẹ obo odjuvwu, rọ rhuẹrẹ oma kerẹ ọpha re che vwo kpo orọvwe;

Ẹvwọphia 21:27

Ẹkẹvuọvo obo ri jẹfuọn cha sa vwẹriẹ-ẹ, eyẹ ohwo kohwo ro gbe ẹgua eyẹ ofian, ẹkẹvuọvo jokpa rẹ ayen otu re si phihọ ọbe rẹ arhọ rẹ Omogodẹ na.