Aizaya 51:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vrẹn vrẹn, ku ogangan wẹn phihọ, E igbabọ rẹ Ọrovwohwo; vrẹn, kerẹ ọke rẹ awanre, kerẹ orua ro kri otọ re. Ọ dia owẹ re nyavwe Rahab ibribro, wẹ ri duvwu dragọn fi wan?

Aizaya 51:9 ပူးပေါင်းရင်းမြစ်များ

ỌBE RẸ JOB 26:12

Ogangan rọye urhie vwo fo tovwi; vwẹ oma rẹ evughe rọye o vwo hwe Rehab.

ỌBE RẸ JOB 9:13

Ọghẹnẹ che se ophu rọye reyọ-ọ; obotọ rọye ichuko re Rehab diguẹ phihọ.

Une rẹ Ejiro 21:13

Je mu we kpenu, E Ọrovwohwo, vwẹ evun re ogangan wẹn! Avwanre so ine re jiri ogangan wẹn.

Une rẹ Ejiro 44:1

Avwanre vwẹ erhọn rẹ avwanre nyo E Ọghẹnẹ, esẹ rẹ avwanre ta kẹ avwanre, iruo ru wo ruru vwẹ ọke rayen, vwẹ ọke re awanre.

Une rẹ Ejiro 44:2

Wọ da vwe obọ wẹn ọvo djẹ ẹgborho na kufia, ẹkẹvuọvo ayen kọye wọ kọn phihọ, wọ da vwẹ osọnọ vwọ re ihwo na, ẹkẹvuọvo ayen kọye wo siobọ nu,

Une rẹ Ejiro 44:23

Jẹjẹ oma wẹn! Die wọ vwọ vwerhẹ, E Ọrovwohwo? Vrẹn! Wo ku avwanre fia bẹdẹ-ẹ!

Une rẹ Ejiro 44:24

Die wo vwo si opharo wẹn nẹ? Diẹ osọnọ vẹ oshẹnyẹ rẹ avwanre vwọ chọrọ owẹ ẹro?

Une rẹ Ejiro 59:4

ọ dia fiki rẹ oruchọ mẹ-ẹ, ye ayen dje ra hwa hẹrhẹ ovwẹ Jẹjẹ oma wẹn, mọ rhe cha vwẹ uko, wọ mrẹ!

Une rẹ Ejiro 7:6

Vrẹn, E Ọrovwohwo, vwẹ evun rẹ ophu wẹn, kpare oma vwọ so ọrhorhorho rẹ ophu rẹ ivwighrẹ mẹ, rhọvwọ, E Ọghẹnẹ mẹ, wo bru ẹdẹ re ẹdjọeguo nure.

Une rẹ Ejiro 77:5

Mi de roro ẹdẹ rẹ awanre, me da karohọ ikpe ri krire.

Une rẹ Ejiro 78:65

Etiyin Ọrovwohwo da rhọvwọ rhe kerẹsiẹ ra vwerhẹ, kerẹ ọgba rọ kperẹ vwẹ ọke rẹ udi de muo.

Une rẹ Ejiro 87:4

Vwẹ ohri rẹ ihwo re riẹn vwe mi se odẹ ri Rihab vi Babilọn, Nighe, Filistia kugbe Taya, vẹ Itiopia– Ayen tare nẹ, Ọnana e vwiẹre vwẹ etiyin.

Une rẹ Ejiro 89:10

Wọwẹ re ghwọrọ Rihab kerẹ orivwi, wọwẹ re vwe obọ re egba wẹn hra ivwighrẹ wẹn

Une rẹ Ejiro 89:11

Idjuvwu na ewẹn, akpọ na rhe je vwẹ ọwẹn; akpọ na kugbe obo re he evun rọye na, wọwẹ re ma ayen ejobi.

Une rẹ Ejiro 93:1

Ọrovwohwo na ria uvie; ọ vwẹ ọrho rhuo oma riariẹ, Ọrovwohwo na rhuori, ọ vwe ogangan chobiẹ. E, akpọ na ọ tọnrọ phihọ, o gbi che ghwie ọfa-a,

Ẹyano 6:6

Fiki rẹ ọtiọye na gba ta kẹ ihwo rẹ Izrẹl, “Mẹvwẹ Ọrovwohwo na, mi che si we nẹ otọ rẹ oja rẹ ihwo rẹ Ijipti, ki mi che si we nẹ ọviẹn rayen, ke me tan wẹ nu obọ rẹ ayen.

Aizaya 27:1

Vwẹ ẹdẹ yena Ọrovwohwo na kọ cha vwẹ oda rọye rode na rọ gangan na nyavwe Liviatan ọrọdekọ rọ djẹ na, Liviatan ọrọdekọ rọ chahe oma na, ko che hwe dragọn rọ dia evun rẹ abadi na.

Aizaya 30:7

Kidie ọchuko rẹ Ijipt fi emuovo-o, odiodi gheghe, kọye mi vwo mu odẹ kẹ nẹ Rahab ro di tidia gbiẹi.

Aizaya 51:17

Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 52:1

Vrẹn, vrẹn, ku ogangan wẹn phihọ, E Zayọn, ku iwun iyoyovwi wẹn na phihọ, E Jerusalẹm, orere ọfuanfon na; kidie ayen gbe cha vwẹriẹ owẹ ọfa-a otu re upheruphe na kugbe ihwo igbegbe na .

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 53:1

Ono ri se iyenren rẹ avwanre gbuyota? ono a vwẹ igbabọ rẹ Ọrovwohwo phia kẹ?

Aizaya 62:8

Ọrovwohwo vwẹ obọrhe rọye duvwu iyori nure vẹ igbabọ rẹ Ọgba rọye na Me gbe sa vwẹ ọka wẹn ru emuọre kẹ ivwighrẹ wẹn ọfa-a, erhorha gbe sa da udi wẹn ru wọ wian phihọ na ọfa-a,

Izikiẹl 29:3

ta ota, re wọ ta, E nẹ Ọrovwohwo Ọghẹnẹ tare: Nighere, Me vwọ so wẹ, Fẹro ovie rẹ Ijipt, okpodjerivwi ro figberi uherevie rẹ urhie rọye, rọ tanẹ, Nile mẹ na ọ robọ mẹ; mẹvwẹ re marọ.

Maika 7:15

Kẹrẹ ọke rẹ ovwan vwo nẹ otọ rẹ Ijipt rhe na ke Me vwẹ emu rẹ igbunu buebu nẹ ayen.

Habakọk 2:19

Ekan kẹ ohwo ro ta kẹ urhe rọ kare, nẹ Rhọvwọ rọ ta kẹ oragha ro diunu nẹ, Vrẹn! ọnana se dje otọ rẹ emu phia? Nighe, a nabọ vwẹ oro vẹ idọnọ efuanfon vwọ pharọ o vwo ẹnwẹn vwẹ oma rọye kaka-a.

Habakọk 3:13

Fiki rẹ esivwo rẹ ihwo wẹn wọ vwọ yan phia, fiki rẹ esivwo rẹ ohwo ru wọ vwẹ evwri ghworo. Wọ guọghọ uyovwi rẹ ohwo umwemwu na, wọ da ghwiẹ emwa no nẹ ekpoghowọ ri te ohọre.

Zekaraya 10:11

Ayen cha wan urhie rẹ Ijipt vrẹn, ka teye ọgbogho rẹ urhie na, ru ikokodo rẹ Nile ejobi yamu. A vwẹ eheri rẹ Asiria totọ, ọkpọ rẹ uvie rẹ Ijipt gbe dia-a.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Iyẹnrẹ Esiri ri Luk 1:51

Ọ vwẹ ogangan rẹ obọ rọye phia, ọ hra eheri rẹ udu rẹ ihwo ofefe,

Iyẹnrẹ Esiri ri Jọn 12:38

ọye kọye ota rẹ omraro Aizaya tare na vwọ mrasan gba; Ọrovwohwo, ono ri se iyẹnrẹ rẹ avwanre gbuyota, ono a vwẹ igbabọ rẹ Ọrovwohwo phia kẹ?

Iruo rẹ Iyinkọn na 7:7

Ẹkẹvuọvo ke me cha vwẹ ẹgborho rẹ ayen gare na guẹdjo. Ọghẹnẹ da ta, ukuko rọye kẹ ayen cha rhe rhe ga vwẹ vwẹ etinẹ na.

Urhi Rivẹ 4:34

Eyẹ o vwo ọghẹnẹ ọvo rọ sa ra reyọ ẹgborho nẹ ohri rẹ ẹgborho ọfa kẹ omobọ rọye re, ọ da vwẹ edavwini, vẹ eka vẹ imuigbunu, kugbe ofovwi, eye vwẹ obọgangan, vẹ ugbobọ ra riẹn phihọ kugbe oshọ rode na, kerẹ ọtiobo rẹ Ọrovwohwo rẹ Ọghẹnẹ rẹ ovwan ru kẹ ovwan mrẹ vwẹ evun rẹ Ijipt na?

Ẹvwọphia 11:17

tanẹ, Avwanre vwẹ ẹkpẹvwẹ kẹ wẹ, Ọrovwohwo Ọghẹnẹ ọrovwoẹgba, rọ herọ rọ je herọ jovwo, wọ reyọ ogangan wẹ rode na re kẹ owẹ ri suẹn.

Ẹvwọphia 12:9

A da djẹ Okpodje rode na rhe otọ, ọrọdekọ rẹ awanre na, re se Idẹbono kugbe Ukọn na, ọphiẹn rẹ akpọ na ejobi–a da djẹ vẹ emakashe rọye ejobi wotọ.

Iguẹdjọ 6:13

Gidiọn da ta kẹ nẹ, Biko ọrovwovwe, ọ da dianẹ Ọrovwohwo vẹ avwanre herọ kidie nẹrhẹ emu nana ejobi vwo she kpahe avwanre? Tivọ iruo rẹ igbunu ejobi rẹ esẹ rẹ avwanre keri kẹ avwanre na epha, tanẹ, ọ dianẹ Ọrovwohwo na re reyọ avwanre nẹ Ijipt rhe? Ẹkẹvuọvo Asakiephana Ọrovwohwo djẹ avwanre kufia, o de phi avwanre phihọ obọ ri Midian.