Aizaya 51:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Aizaya 51:6 ပူးပေါင်းရင်းမြစ်များ

Une rẹ Ejiro 103:17

Ẹkẹvuọvo ẹguọnọ ro je rhẹriẹ rẹ Ọrovwohwo na herọ rhiri bẹdẹ bẹdẹ vwe enu re otu re dje oshọ rọye, ọvwata rọye ne emọ ra ro emọ,

Une rẹ Ejiro 111:3

Iruo rọye vọnre vẹ ọghọ kugbe ọrho, ọvwata rọye dia rhiri bẹdẹ.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 34:4

Usun re otu re obo odjuvwu ejobi che gbo kufia, obenu na ko che kpirhi kere eni. Otu rayen ejobi ki che she, kere obo re che kpara ne vain, kere che ri fig rọ kpara she ne urhe rọye

Aizaya 40:26

Kpare ẹro wẹn kpenu re wọ mrẹ, ono ma enana? Ọye ohwo rọ reyọ ayen rhe gbidiki, ro mu odẹ kẹ ayen ejobi, vwẹ orhuarho rẹ ẹgba rọye, kidie ọ ganre vẹ egba ọvuọvo rọye se ghwru-u

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 50:9

Nighere, Ọrovwohwo Ọghẹnẹ cha vwẹ uko; kono ri bru orhiẹn hwe vwe? Nighere, ayen ejobi cha phoriẹn kerẹ ewun, eghwọghwọ ke re ayen nu.

Aizaya 51:8

Kidie eghwọghwọ cha re ayen kerẹ ewun, ihori ke cha re ayen kerẹ ẹton rẹ ogegede; ẹkẹvuọvo esivwo Mẹ kọ dia bẹdẹ, arhọ Mẹ kọ dia kẹ uvwiẹ na ejobi.

Aizaya 54:10

Kidie igbenu na sa hẹriẹ igbenu rẹ itete na se ghwie, ẹkẹvuọvo ẹguọnọ rọ jẹrhẹriẹ mẹ na sa hẹriẹ nẹ uwe ọma-a ọphọ mẹ rẹ ufuoma na se ju we vwo-o eriyin Ọrovwohwo tare, ọ rọ re ehrọre wẹ.

Aizaya 54:9

Kidie Ọnana họhọ ọke ri Noa kẹ vwẹ: kirobo Mi duvwu iyori nẹ ame ri Noa gbi se phoro akpọ na ọfa-a na, kẹ eriyin Mi duvwu iyori nẹ Mi gbi mu ophu wẹ bẹdẹ-ẹ. Me gbe harhe owẹ-ẹ

Daniẹl 9:24

E bru ẹdidjana ujorha gbẹ ihwe rẹ ukpe vwọ kẹ ihwo wẹn vẹ orere ọfuanfon wẹn, re ogbeku na vwo re, re umwemwu ji vwo re, ra vwọ rhuẹrẹ arhuẹrẹ fiki rẹ orukuruku, bẹsiẹ ra vwọ reyọ ọvwata ri bẹdẹ vwọ rhe uwevwi bẹsiẹ re vwo rhurhu evwerhẹ vẹ aruẹmrẹ, bẹsiẹ ra vwọ vwẹ evwri te asan rọ ma fọn na,

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Iyẹnrẹ Esiri ri Jọn 5:24

Uyota, uyota, me ta kẹ owẹ, ohwo ro nyo eta mẹ rọ de se ọ ro ji vwe rhe gbuyota, ko vwo arhọ ri bẹdẹ; e gbi vwo guẹdjọ ọfa-a, ẹkẹvuọvo yo nẹ ughwn kpo arhọ nure.

Urhi Rivẹ 4:19

Jomaotọ wa da rhe kpare opharo rẹ ovwan ni enu, rhe mrẹ ọnre vẹ emeranvwe kugbe isio na, kugbe otu rẹ obenu na ejobi, i mi sun ovwan ghwru, we mi shekpotọ kẹ ayen, ga ayen, e rẹ Ọrovwohwo Ọghẹnẹ vwọ kẹ ihwo rẹ akpọ na ejobi.

2 Tẹsalonaika 2:16

Asakiephana gbe jẹ ekpuyovwi rẹ Ọrovwavwanre Jesu Kristi, kugbe Ọghẹnẹ Ọsẹ rẹ avwanre, rọ guọnọ avwanre rọ da kẹ avwanre ufuoma ri bẹdẹ kugbe omamọ rẹ iphiẹrohọ rẹ ẹserọphẹ,

Hibru 5:9

re vwo ruo gba nu kọ rhe dia esiri rẹ esivwo ri bẹdẹ na vwọ kẹ ayen ejobi ri mu ọghọ kẹ.

Hibru 9:12

ọ da ro Asan Ọfuanfon na ẹsiẹvo goi, ọ dianẹ kẹ ọbara rẹ ẹvwe vẹ erhuẹ-ẹn ẹkẹvuọvo ọbara robọ rọye, kenẹ ọ vwọ dẹ ẹtanhirhe ri bẹdẹ na.

Hibru 9:15

Fiki rẹ ọtiọye na kọye ọ vwọ dia obruche rẹ ọphọ ọkpokpọ na, rere ayen otu re seri se vwo vwo ivẹ rẹ uku ri bẹdẹ na, fikiridie ohwo ọvo ghwuru ra vwọ tan ayen nẹ ogbeku rọ hẹ otọ rẹ ọphọ rẹsosuọ.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.