Aizaya 51:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 51:5 ပူးပေါင်းရင်းမြစ်များ

Une rẹ Ejiro 110:6

O che brorhiẹ vwẹ ohri rẹ ẹgborho na. irivwi cha vọn evun rẹ ayen ejobi, ọ cha hra ehọnvwọre na nene enu rẹ otọ na ejobi.

Une rẹ Ejiro 67:4

Jẹn oma vwerhe ẹgborho na ri so ine rẹ aghọghọ, kidie wo guẹdjọ rẹ ihwo abavo wo suẹn ẹgborho re akpọ na

Une rẹ Ejiro 85:9

Uyota esivwo rọye ọkẹkẹre kẹ ihwo re djẹ oshọ rọye, rere urinrin vwọ dia otọ rẹ avwanre.

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Aizaya 24:15

Fiki rẹ ọtiọye na vwẹ urinrin kẹ Ọrovwohwo vwẹ obaro ọnre, vwẹ orhoma re abadi na ejobi, vwẹ urinrin kẹ odẹ re Ọrovwohwo, Ọghẹnẹ re Izrẹl.

Aizaya 26:4

Vwẹ ẹro so Ọrovwohwo bẹdẹ, kidie Ọrovwohwo Ọghẹnẹ, ọye oragha ri bẹdẹ na.

Aizaya 33:2

E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Aizaya 42:4

Ọ cha bẹ-ẹn eyẹ ke ofu dje-e bẹsiẹ rọ vwẹ ọsoso vwo chivwi akpọ na, erhuru na ejobi ke cha hẹrhẹ urhi rọye.

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 49:1

Kerhọn mẹ, E erhuru na, wa kerhọn, ovwan ihwo ri nẹ ogboko rhe na. Ọrovwohwo ri se vwe nẹ evun rhe, nẹ obo evun rẹ oni Mẹ o de mu odẹ kẹ vwẹ.

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Aizaya 56:1

E nẹ Ọrovwohwo tare Yọnrọn ọsoso, re wọ ru ọvwata, kidie nanana esivwo Mẹ cha rhe, ka cha vwẹ esivwo mẹ phia.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 60:9

Kidie erhuru na cha hẹrhẹ ovwẹ, ekpo ri Tarshish re dia ẹsosuọ, re cha reyọ emọ wẹn nẹ ogboko rhe, cha reyọ idọnọ vẹ iro boma rhe, fiki rẹ odẹ rẹ Ọrovwohwo Ọghẹnẹ wẹn, kugbe Ọfuanfon Ọvuọvo rẹ Izrẹl na, kidie ọ vwẹ urinrin kẹ wẹ.

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Aizaya 63:5

Mi niri, ẹkẹvuọvo ọchuko herọ-ọ, ofu dje vwe, ẹkẹvuọvo o vwo ohwo rọ rhe yọnre ovwẹ-ẹ, Etiyin igbabọ mẹ ọvo keye kẹ vwẹ ọbọẹkparọ, ophu Mẹ kọye re yọnrọn ovwẹ.

Joẹl 3:12

Gbe jẹn ẹgborho na jẹjẹ oma rayen, rere ayen rhe iyara ri Jẹhoshafat, kidie etiyin mi de che tidia de gu ẹdjọ rẹ ẹgborho re riariẹ ovwan phihọ na.

Zẹfanaya 2:11

Ọrovwohwo na cha vwẹ oshọ mu ayen, eriyin ọ cha vwẹ owẹvwe hwe edjọ rẹ otọ na, kọye ayen che shiguẹ kẹ, dohwo dasan rọye, etọ rẹ ẹgbọrho na ejobi.

Matiu 28:18

Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ.

Matiu 3:2

Kurhẹriẹ, kidie uvie rẹ odjuvwu si kẹre re.

Iyẹnrẹ Esiri ri Mak 16:15

Ọ da ta kẹ ayen, Ovwan yanran ro akpọ na ejobi, re ghwoghwo iyẹnrẹ esiri na ke ema na ejobi.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Iruo rẹ Iyinkọn na 17:31

fikiridie o bru ẹdẹ ọvo ro che vwo guẹdjọ rẹ akpo na vwẹ evun rẹ ọvwata vwẹ obọ rẹ ohwo ro vwo mu, rere ọnana vwo mu ihwo ejobi ẹro kọye ọ vwọ kparọ vrẹn nẹ ughwu rhe.

Ọbe ri Pọl si rhe Ihwo ri Rom 2:16

Vwẹ ẹdẹ yena, kirobo rẹ iyẹnrẹ esiri mẹ epha, Ọghẹnẹ ko guẹdjọ rẹ odjahọ rẹ ihwo vwẹ oma ri Kristi Jesu.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Urhi Rivẹ 30:14

Ẹkẹvuọvo ota na kẹre ovwan gangan; ọ hẹ evun rẹ unu rẹ ovwan ọ je evun rẹ udu rẹ ovwan, rere ovwan vwo ruo.

1 Samuẹl 2:10

Ivwighrẹn rẹ Ọrovwohwo ejobi ka ghwọrọ ayen vworo vworo; enu kọ cha van ku ayen. Ọrovwohwo che guẹdjọ rẹ oba rẹ akpọ na; ọ cha vwẹ ogangan kẹ ivie rọye, ọ me rha kpare ogangan rẹ ọ rọ jẹreyọ na kpenu.