Aizaya 51:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 51:3 ပူးပေါင်းရင်းမြစ်များ

Jẹnẹsis 13:10

Lọt da kpare opharo, ọ da mrẹ ushekpotọ ri Jọdan na rọ pha djidjiro wọnwọn kiri udju rẹ Ọrovwohwo, kiri otọ rẹ Ijipt vwẹ ọke re de kpo obi Zoar, kẹ enẹ ọ epha tavwe rẹ Ọrovwohwo ke rhe ghwọrọ Sodọm vi Gomora.

Une rẹ Ejiro 85:8

Ju vwe nyo obo re Ọghẹnẹ Ọrovwohwo na cha ta, kidie ọ cha ta ota re ufuoma kẹ ihwo rọye, kẹ ihwo efuanfon rọye, kugbe ayen otu re vwẹ udu rayen ejobi hirhe bro rhe.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 35:6

Etiyin ukpono ko pho kerẹ uzo, ẹrenvwe ro diunu kọ so ine rẹ aghọghọ. Kidie ame cha varhe vwẹ evun rẹ aghwa, ito ke cha djẹ nẹ aton rhe,

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Aizaya 49:19

Uyota asan ofefe wẹn ra kua jovwo kugbe otọ wẹn ra ghwọrọ re na– uyota ọ cha hwa nọ kẹ ihwo wẹn re dia, ihwo re rọ we kpo evun na ke cha dia shesheri.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Izikiẹl 28:13

Obo Idẹn wọ epha, udju rẹ Ọghẹnẹ na; oragha koragha ro yovwiri ejobi e vwo rhurhu we, kanelia, topaz, kugbe jasper, krisol, beril, kugbe onix, safaya, carbuncle, emerald; ra vwẹ oro ru ọye ẹghwẹphihọ o wẹn vẹ ona re bru phihọ owẹ. Vwẹ ẹdẹ ra ma wẹ na ọye a rhuẹrẹ ayen phihọ.

Izikiẹl 36:11

Mi che ru ihwo te eranvwe wẹn bun phiyọ, we bu rere ayen bu phiyọ; kẹ ayen bun phiyọ je mọ emamọ; ki mi ru rere ihwo rhoma dia wẹ kerẹ ọke rẹ ẹsosuọ, ki mi ru we yovwi nọ obo ri jovwo. Ko wọ cha riẹn nẹ omẹvwẹ ọyen Ọrovwohwo na.

Izikiẹl 36:35

Ayen ke ta, otọ nana ra kuanu jovwo na rhe rhoma hirhe phihọ ogba rẹ Idẹn; te otọ ofefe ra kuanu ro hirhe phihọ erhurhu vwẹ evun rẹ irere na ejobi a rhoma dia ayen re a je gba ogba phihọ ayen.

Joẹl 2:3

Erhanre ra tua vwẹ obaro rẹ ayen, erhanre vwẹ obuko rẹ ayen Otọ na da họhọ udju rẹ Idẹn vwẹ obaro rẹ ayen, ẹkẹvuọvo a da rha vrẹn ovwan nu aghwa ofefe kọye ete, emuọvo cha va ayen abọ-ọ.

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.