Aizaya 51:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Emọ wẹn shero, ayen riẹn phihọ unuada rẹ urhuvwu kerẹ uguzuma ro mu ariri, ayen vọnre vẹ ophu rẹ Ọrovwohwo, ekan eharhọ rẹ Ọghẹnẹ wẹn

Aizaya 51:20 ပူးပေါင်းရင်းမြစ်များ

Aizaya 29:9

Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

Aizaya 40:30

Imighene dede oma sa rhọ ayen, oma sa ghwọrọ ayen,

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 5:25

Kọye ophu rẹ Ọrovwohwo vwọ tua kpahe ihwo rọye, ọ da riẹn obọ kpahe ayen ọ da ghwiẹ ayen, igbenu na de kpogho irivwi rayen kerẹ ikueku vwẹ uherevie rẹ urhuvwu Vwẹ enana ejobi na ophu rọye ji fue-e, yẹn obọ rọye je riẹn phia rhe.

Aizaya 51:17

Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

Aizaya 51:21

Fiki rẹ ọtiọye na, gbe nyo ọnana, ovwan re he ukpokpogho rẹ udi muẹ, ẹkẹvuọvo ye wa da udi-i:

Aizaya 66:15

Kidie nighere, Ọrovwohwo cha rhe vwẹ evun rẹ erhanre, ekpẹrẹ rẹ ofovwi rọye kerẹ odju rẹ ogiribo, rọ cha hwa osa rẹ ivuemiovwo rọye vwẹ ophu, ekan eharhọ rọye kerẹ ẹkuerlianre.

Aizaya 8:21

Ayen cha wan otọ na vrẹn, vẹ oma ẹghwọrọ rode kugbe owẹvwe; ọke rẹ owẹvwe de hwe ayen re, ophu ko mu ayen duvwu iyori kẹ ovie rayen kugbe Ọghẹnẹ rayen, ke ayen hirhe opharo ku enu;

Jerimaya 14:16

Ihwo rẹ ayen mraro kẹ na a cha djẹ ayen nẹ irhuvwu ri Jerusalẹm re dia ihwo rẹ owẹvwe vẹ ọlọkọ che hwe, ohwo ro shi ayen gbe dia-a, eya rayen, emeshare rayen, kugbe emetẹ rayen. Kidie mi che kuẹ umwemwu rayen phihọ enu rayen.

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Uvwerhe 1:15

Ọrovwohwo da phọphọ egba re hẹ uherevie mẹ. O de se otu vwọ so ovwẹ rọ guọghọ imighene mẹ; Ọrovwohwo chihi emetobẹ ri Juda kerẹsiẹ re de chihi vain.

Uvwerhe 1:19

Mi se esen mẹ ẹkẹvuọvo ayen phiẹn vwẹ, irherẹn mẹ kugbe ekpako mẹ ghwọrọ phihọ evun rẹ orere na, re ayen vwọ guọnọ emuọre re ayen vwo vwo ẹgba.

Uvwerhe 2:19

Evrẹn, kperi vwẹ ason, vwẹ ẹtuọhọ rẹ orhẹrẹ na! Kpare udu wẹn ku kerẹ amẹ vwẹ obaro rẹ Ọrovwohwo! Kpare abọ rẹ ovwan kpenu kẹ fiki rẹ arhọ rẹ emọ wẹn ri sherua fiki rẹ owẹvwe vwẹ obo oba rẹ urhuvwu kurhuvwu.

Uvwerhe 4:11

Ọrovwohwo da kpa ophu rọye rhe, o de ku ọtotorhẹ rẹ ophu rọye kuo, o de koko erhanre phihọ Zayọn, rọ torhẹ ichivwo rọye.

Uvwerhe 4:2

Emọ eghaghanre ri Zayọn, re ghanre te omamọ rẹ ovwavwọn rẹ oro, mavọ a vwọ vwẹ ayen roro ichẹ rẹ ekpẹn iruo re ọmema vwẹ obọ ru!

Uvwerhe 5:13

A gba imighene na nẹ i gbe wuye vwẹ enu rẹ uwuye, emeshare na vẹ oghwa rẹ irhe ke gba yẹghrẹn.

Izikiẹl 12:13

Ki mi che phi obriki mẹ rhurho, ufi mẹ ko muo, ke me reyọ rhe Babilọn vwẹ otọ rẹ ihwo ri Kaldia, yẹ ọ cha mrẹ-ẹ, ko ghwu vwẹ oboyi.

Izikiẹl 17:20

Ki mi phi obriki mẹ rhurho, ufi mẹ ko muo, ke me reyọ rhe Babilọn rhi vwo guẹdjọ fikiridie ọ shẹ vwẹ.

Izikiẹl 39:19

Ku wọ re ivwri bẹsiẹ rẹ evun vwọ vọn wẹ, wọ me da ọbara bẹsiẹ ro vwo mu we, vwẹ asan orẹ rẹ izobo ri mi che ze kẹ wẹ na.

Urhi Rivẹ 14:5

uzo, vẹ orhua, kugbe uguzuma, evweaghwa, ọviẹn, vẹ odẹ, vẹ ọrhẹre,

Urhi Rivẹ 28:20

Ọrovwohwo kọ vwẹ ekan, te ozighi kugbe oma ẹlaghọ rhe enu rẹ emu kemu rẹ ovwan ruẹ ejobi, bẹsiẹ rẹ ovwan vwọ ghwọrọ phrẹphrẹphrẹ, vwi fiki rẹ uruemu omiomiovwi rẹ ovwan, fikiridie ovwan sen vwẹ.

Ẹvwọphia 14:10

kọ je da udi rẹ ophu rẹ Ọghẹnẹ, ra guare-e re ku phihọ uko rẹ ivuemiovwo rọye, kọ mrẹ odjadja rẹ erhanre kugbe ibiosio rẹ erhanre vwẹ irharo rẹ emakashe efuanfon na kugbe irharo rẹ Omogodẹ na.