Aizaya 51:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ki Ebraham rẹ ọsẹ wẹn kugbe Sera ro vwiẹ wẹ, kidie ọke re ọye ọvo sogono vwọ herọ Mi de se, Me da nẹ ẹrhovwo kẹ mi de ruo bu.

Aizaya 51:2 ပူးပေါင်းရင်းမြစ်များ

Jẹnẹsis 22:17

Ki mi bruphihọ kẹ wẹ, ki mi ru uvwiẹ wẹn buphihọ kiri isio rẹ obo odjuvwu kiri ibiekpẹn re orhoma rẹ urhie. Uvwiẹ wẹn ke cha vwẹ anurhoro rẹ ivwighrẹ rayen riuku,

Jẹnẹsis 24:1

Asakiephana Ebraham ghworo, ọ tọnre gangan; Ọrovwohwo de bruphihọ kẹ Ebraham vwẹ emu buebu

Jẹnẹsis 24:35

Ọrovwohwo nabọ bruphihọ kẹ onini mẹ gangan, kẹ okpohwo rode, ọ vwẹ uchuru kẹ vẹ ekru rẹ eranvwe, idọnọ efuanfon vẹ iro, idibo rẹ eshare kugbe erẹ eya, iyesi kugbe ekẹtẹkẹtẹ.

Aizaya 29:22

Vwẹ ọtiọye na enẹ Ọrovwohwo tare, ọ rọ tan Ebraham rhivwi, kpahe uwevwi ri Jekọp: Oma gbe vọ Jekọp bẹdẹ-ẹ, opharo rọye gbe fon mune mune ọfa-a

Aizaya 41:8

Ẹkẹvuọvo we, Izrẹl. odibo mẹ, Jekọp, re me jẹreyọ na, uvwiẹ rẹ Ebraham, ugbeyan mẹ.

Aizaya 43:27

Ọsẹ wẹn rẹ ẹsosuọ ru imwemwu, ivwrohọnre wẹn gbe vwe ku.

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 60:22

Unuwevwi ọvo ko hirhe phihọ ẹgborho, ọ rọ ma havwe ejobi kẹ ẹgborho rode, Mẹvwẹ he Ọrovwohwo na; vwẹ ọke rọye ki Mi ruo kpata kpata.

Aizaya 63:16

Kidie we he Ọsẹ rẹ avwanre, dede na nẹ Ebraham riẹn avwanre-e , Izrẹl je mrẹ avwanre vughe-e, we, E Ọrovwohwo, ọye Ọsẹ rẹ avwanre, Ọtan rẹ avwanre nẹ ọke rẹ awanre rhe ọye odẹ wẹn.

Izikiẹl 33:24

Ọmọ rẹ ohwo, ihwo re dia etọ nana ra kua jovwo vwẹ Izrẹl na ra tanẹ, Ebraham ohwo ọvuọvo ruẹ, yẹ ọye a vwẹ otọ na ghare ughwẹ, ẹkẹvuọvo ye avwanre pha buebu, ya ghene vwẹ otọ na vwọ ghare avwanre ughwẹ.

Urhi Rivẹ 1:10

Ọrovwohwo, Ọghẹnẹ rẹ ovwan ru ovwan bu phihọ, nighe, nonẹ na, ovwan buru kerẹ isio re obenu,

Urhi Rivẹ 26:5

Wọ Me kpahe vwẹ obaro rẹ Ọrovwohwo rẹ Ọghẹnẹ wẹn na nẹ, Ohwo rẹ Aram ro suosuo ọye ọsẹ mẹ o de ghoro kpo Ijipt, ọ vẹ imihwo tutuno re gba ra Etiyin o de rhi hirhe phihọ ẹgborho rhuarho vẹ egba, o de rhi bu gangan.

Joshua 24:3

Etiyin me da reyọ ọse rẹ ovwan Ebraham nẹ obo ovrẹn rẹ Urhie na rhe mi de suo wan otọ ri Kenan ejobi, mi de ru uvwiẹ rọye bu. Me da vwẹ Aizik kẹ;