Aizaya 51:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Kidie Mẹvwẹ Ọrovwohwo Ọghẹnẹ wẹn, ro kpogho abadi rọ ke họnra– Ọrovwohwo rẹ otuofovwi na ọye he odẹ rọye.

Aizaya 51:15 ပူးပေါင်းရင်းမြစ်များ

Nehemaya 9:11

Wọ da ghine ghare abadi na vwe obaro re ayen, ọtiọye na ayen da wan evun re abadi na vrẹn vwẹ otọ ọyaya; otu re vwọ tua ayen na wọ da kpare ayen phihọ evun rẹ odo, kerẹ ubio-ragha ro she phihọ ọgudu re ame.

ỌBE RẸ JOB 26:12

Ogangan rọye urhie vwo fo tovwi; vwẹ oma rẹ evughe rọye o vwo hwe Rehab.

Une rẹ Ejiro 107:25

Kidie o ji urhi, odju rẹ oseghe o de dju, rọ kpare oseghe re abadi na kpenu

Une rẹ Ejiro 136:13

vwọ kẹ ohwo rọ ghare Abadi Ọvwavware na ibrive kidie ẹguọnọ rọye ro je rhẹriẹ na dia rhiri bẹdẹ,

Une rẹ Ejiro 74:13

Wọwẹ re vwẹ ẹgba wẹn ghare abadi na, wọwẹ re guọghọ iyovwi ri dragọn vwẹ enu rẹ ame.

Ẹyano 6:7

Me rọye owẹ phiyọ ihwo mẹ, ke me dia Ọghẹnẹ wẹn; ku wọ je riẹn nẹ Mẹvwẹ Ọrovwohwo Ọghẹnẹ wẹn, rọ si we nẹ otọ rẹ ọviẹn rẹ ihwo rẹ Ijipti.

Aizaya 47:4

Ọtan rẹ avwanre–Ọrovwohwo re otuofovwi na he odẹ rọye– ọye Ọfuanfon Ovuọvo re Izrẹl na

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 54:5

Kidie Oma rọ ma wẹ ọye ọshare wẹn, Ọrovwohwo rẹ otuofovwi na ọye odẹ rọye; Ọfuanfon Ọvuọvo rẹ Izrẹl na ọye Ọtan wẹn Ọghẹnẹ rẹ akpọ ejobi ọye e se.

Jerimaya 10:16

Ọ ro vwo ẹkẹn vwi Jekọp sa họhọ enana-a fikiridie ọye ma imu ejobi, Izrẹl kẹ orua rẹ Ukuẹriọ rọye, Ọrovwohwo rẹ otuofovwi na ọye odẹ rọyẹ.

Jerimaya 31:35

Enẹ Ọrovwohwo na tare, ọ rọ ma ọnre ra vwọ mrorẹ vwẹ uvo, ọ da gbẹn idjerhe kẹ emeranvwe vẹ isiọ re dia urhukpẹ kẹ ason. Ọ rọ kpare ame rẹ urhie rọ da sẹghẹ; Ọrovwohwo rẹ otuofovwi ọye hẹ odẹ rọye.

Jerimaya 51:5

Kidie Izrẹl vi Juda a je siẹn aye-en Ọrovwohwo Ọghẹnẹ yẹ otuofovwi rayen; ẹkẹvuọvo otọ ri Kaldia vọnre vẹ abe vwọ kpahe Ọfuanfon Ọvuọvo ri Izrẹl na.

Livitikọs 11:44

Kidie Mẹvwẹ Ọrovwohwo rẹ Ọghẹnẹ wẹn, vwẹ ọtiọye na ovwan gbe phorho oma rẹ ovwan re wọ fon, kidie Me pha fuanfon. Ovwan gbe ẹgua vwi fiki rẹ emu ri biẹyi re shọrọ vwẹ otọ na-a.