Aizaya 51:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ rẹ Ọrovwohwo chọẹro, Ọ rọ Ma wẹ, rọ riẹn odjuvwu phihọ rọ tọn uchivwo rẹ akpọ na phihọ, rọ djẹ oshọ kẹdẹ kẹdẹ fiki rẹ ophu rẹ ohwo ro shenyẹ ihwo na, ro phi oma rọye phihọ oghwọrọ? Ki tivo ophu rẹ ohwo ro shenyẹ na epha?

Aizaya 51:13 ပူးပေါင်းရင်းမြစ်များ

Ẹsta 5:14

Etiyin aye rọye Zẹrẹsh vẹ igbeyan rọye ejobi da ta kẹ, E ja kpahẹ etan ro kpenu te cubit ujuvẹ gbẹ ihwe, vwẹ irhiọke gba ta kẹ ovie nẹ o churu Modekai si enu rọye, rere wọ vẹ ovie ki kpo emuẹriọ na vẹ omavwerhovwẹ. Uchebro nana de je Heman, o de ru ẹtan na.

Ẹsta 7:10

Etiyin ovie na da ta, churo si vwẹ enu rọye. Etiyin e de churu Heman si vwẹ enu rẹ ẹtan rọ kpahe hẹrhẹ Modekai na Ivuemiovwo rẹ ovie na de kpotọ.

ỌBE RẸ JOB 37:18

Ku wọ sa vwẹ ẹro kere ru wọ da riẹn irharheghe na vwọ hwa, rọ gan kpohro kerẹ ughegbe ro djeri?

ỌBE RẸ JOB 9:8

Ọ rẹ ọye ọvo riẹn idjuvwu vwọ tan, ro chiyi ọgbogho rẹ urhie na muotọ.

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

Une rẹ Ejiro 106:13

Ẹkẹvuọvo nananana iruo rọye da ghwa chọrọ ayen ẹro, aye gbe hẹrhẹ rọ nẹ ayen iroro-o.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Aizaya 10:24

Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Aizaya 14:4

ke wa so une rẹ ehwẹjẹ nana kpahe ovie ri Babilọn. Mavọ ọ ro shenyẹ ihwo na vwọ fọ, ọharhe eka na vwo fotovwi!

Aizaya 16:4

jẹn erẹ a djẹ kufia vwi Moab kua bru ovwan rhe dia asan odjahọ kẹ ayen nẹ obọ rẹ oghwọrọ na. Ọke rẹ oshenyẹ ihwo na gbe herọ-ọ, re oghwọrọ na da da obọ ji, rẹ ọ ro chiyi ihwo muotọ na da ravwiẹn nẹ otọ na.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 40:21

Wọ je riẹ-ẹn? wo ji nyo-o? A je ta kẹ wẹ nẹ otọrhe-e? Wọ je riẹn nẹ emuohọ rẹ akpọ na rhe?

Aizaya 40:22

Ọye ri tidia phihọ usikẹ rọ hẹ obenu rẹ akpọ na, ihwo re dia ejobi họhọ ebaka; ohwo rọ vwẹ odjuvwu tan kerẹ amwa, rọ vwe rọ tan kerẹ utughẹ ra dia;

Aizaya 42:5

Enẹ Ọghẹnẹ tare, Ọrovwohwo na, rọ ma idjuvwu rọ da nabọ riẹn phihọ na, rọ riẹn akpọ na phihọ vẹ obo re djẹ no rhe ejobi, rọ vwẹ ẹnwẹn kẹ ihwo re dia evun rọye kugbe erhi kẹ ihwo re yan vwẹ evun rọye.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 45:12

Mẹvwẹ re ma akpọ na, Me da ma ohwo phihọ enu rọye, obọ mẹ me vwọ riẹn idjuvwu na phihọ, Mẹvwẹ re vwẹ urhi kẹ otu rẹ herọ ejobi.

Aizaya 45:18

Kidie enẹ Ọrovwohwo tare, rọ ma idjuvwu na (ọye Ọghẹnẹ) rọ mama otọ na rọ maro (ọye muro vi) ọ vwẹ ozighi ma-a, o marọ ra vwọ dia. Mẹvwẹ Ọrovwohwo na, o gbi vwo ọfa-a.

Aizaya 48:13

Obọ Mẹ Me vwọ tọn uchivwo rẹ otọ na, obọrhe Mẹ re riẹn idjuvwu na phihọ ọke Mi vwọ sa ayen ayen de mudia kugbe.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Aizaya 7:4

re wọ ta kẹ, Kẹnẹ oma, wo hwe oma mu wọ djẹ oshọ-ọ, wo je udu bru uwe fiki rẹ uchuku rẹ utuerhanre ive nana-a, fiki rẹ ophu ọtuatua rẹ Rezin kugbe Siria kugbe ọmọ ri Remeliah.

Aizaya 9:4

Kidie urhekpe re oghwa rọye, vẹ ugbọphogho rẹ igabọ rọye, ọkpọ rẹ oshenyẹ na, ku wo vwirhi ayen kerẹ ọke ri Midian.

Jerimaya 2:32

Kẹ ekuakua rẹ osẹvwe sa chorọ ọmọte ẹro, eyẹ emwa rẹ opha sa chọrọ ẹro? Dede na me chọrọ ihwo mẹ ẹro rhabae rhe.

Jerimaya 38:19

Ovie Zedikaya da vuẹ Jerimaya, Oshọ ri Ju re djẹ bru ihwo ri Kaldia na ra mu vwe, ayen da rha reyọ ovwẹ kẹ ayen vwọ jehwẹ.

Jerimaya 41:18

Fikirẹ ihwo ri Kaldia, kidie ayen djẹ oshọ rayen, fikiridie Ishmẹl ọmọ ri Netanaya hwe Gedalaya ọmọ rẹ Ahikam, ohwo rẹ ovie ri Babilọn vwo mu osun rẹ otọ na.

Jerimaya 51:15

Ọ rọ vwẹ ogangan rọye ma akpọ na, rọ vwẹ aghwanre rọye mu akpọ na vi, rọ vwẹ erianriẹn rọye na vwọ riẹn idjuvwu phihọ.

Jerimaya 51:19

Ọ dia etiọna ẹkẹn ri Jekọp họhọre-e, kidie ọye re ma imu ejobi, Izrẹl je orua rẹ ukuẹriọ rọye; Ọrovwohwo rẹ otuofovwi ọye odẹ rọye.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Daniẹl 3:18

Ẹkẹvuọvo ọ rha je dia ọtiọye-e, gba riẹn, E Ovie nẹ avwanre cha sa ga edjọ wẹ-ẹn eyẹ oma rẹ oro ru wo vwo vi na-a.

Daniẹl 3:19

Etiyin ophu de mu Nebukadreza gangan, opharo rọye de kurhẹriẹ kpahe Shadrak, Meshak vẹ Abẹdnigo. O da ta nẹ e koko ogidi erhanre na rọ la ga nọ obo rẹ ọ epha na asia ighwrẹ.

Iruo rẹ Iyinkọn na 12:23

Siẹvuọvo na amakashe rẹ Ọrovwohwo da ghwiẹ, fikiridie ọ vwẹ urinrin kẹ Ọghẹnẹ-ẹ; ihori da riọ o de ghwu.

1 Kọrẹnt 1:20

Tivọ ọvwẹghwanre na he epha? Tivọ osiọbe na epha? Tivọ ọgbaphro rẹ oge na epha? Ọ dianẹ Ọghẹnẹ hirhe aghwanre rẹ akpọ na phihọ ugheghẹ?

1 Kọrẹnt 15:55

Ẹ ughwu, obọẹkparọ wẹn rhọ? E ughwu, obi wẹn rhọ?

Urhi Rivẹ 32:18

Wa davwe erhọn rẹ Oragha ro vwiẹ ovwan na-a, Ọghẹnẹ ro vwiẹ ovwan na da chọrọ ovwan ẹro.

Urhi Rivẹ 6:12

ọke yena wọ Me jomaotọ Ọrovwohwo da rha chọrọ owẹ ẹro, Ọ ro si we nẹ otọ rẹ Ijipt rhe na, nẹ uwevwi rẹ ọviẹn.

Urhi Rivẹ 8:11

Wọ Me jomaotọ Ọrovwohwo Ọghẹnẹ wẹn da rha chọrọ owẹ ẹro, wo de jẹn irhi rọye ẹyọnrọn, vẹ iji kugbe ẹgha ri mi ji kẹ wẹ nonẹ na.

Hibru 11:15

Ọ da ghene dia nẹ urhuru rẹ otọ rẹ ayen diare na siẹ ayen nọ, yẹ ayen mrẹ uphẹ vwo rhivwi.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Ẹvwọphia 20:9

Ayen da yan ro akpọ ọhẹhẹre na ayen de ki erhọn rẹ ihwo efuanfon na yariẹ kugbe orere esiri na; ẹkẹvuọvo erhanre de nẹ odjuvwu rhe torhẹ ayen,