Aizaya 51:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Kerhọn Mẹ, ovwan re vwọ tua esivwo ovwan re guọnọ Ọrovwohwo; gbe ni oragha re she we nurhe, kugbe ọgọdọ ra tọn wẹ nurhe.

Aizaya 51:1 ပူးပေါင်းရင်းမြစ်များ

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

2 Ikun rẹ Ivie 15:4

Ẹkẹvuọvo vwẹ ọke rẹ ọdjarhe ayen de rhivwi bru Ọrovwohwo Ọghẹnẹ rẹ Izrẹl, rẹ ayen da guọnọ, ayen ke mrẹ.

Une rẹ Ejiro 24:6

Etiọye ọ dia kẹ uvwiẹ rẹ ihwo re guọnerọ, re guọnọ opharo rẹ Ọghẹnẹ ri Jekọp.

Une rẹ Ejiro 94:15

Kidie ọsoso che rhivwi bru ọvwata rhe, ihwo re dia ọsoso vwẹ udu ejobi ki nene.

Isẹ 15:9

Idjerhe rẹ ohwo umwemwu na ẹgua kẹ Ọrovwohwo, ẹkẹvuọvo O guọnọ ohwo ro nenesi rẹ ọvwata.

Isẹ 21:21

Ohwo ro nenesi rẹ ọvwata vẹ arodọvwẹ cha mrẹ arhọ vẹ ọghọ reyọ.

Aizaya 45:19

Me ta ota vwẹ odjahọ-ọ, vwẹ otọ rẹ ebri; Me ta kẹ uvwiẹ ri Jekọp re, Guọnọ ovwẹ vwẹ ozighi. Mẹvwẹ rẹ Ọrovwohwo ta uyota, Me ta obo re gbare.

Aizaya 48:1

Nyo Ọnana, E uwevwi ri Jekọp, ra vwe odẹ re Izrẹl se, ri nẹ agada ri Juda rhe, re vwẹ odẹ rẹ Ọrovwohwo duvwu iyori, re rhọvwe odẹ rẹ Ọghẹnẹ re Izrẹl, ẹkẹvuọvo o dia uyota vẹ ọsoso-o.

Aizaya 48:12

Kerhọn mẹ, E Jekọp, kugbe Izrẹl, ri mi seri! Mẹvwẹ Ọye, Mẹvwẹ ọ rọ ẹsosuọ je Mẹvwẹ re cha ka oba.

Aizaya 51:4

Kerhọn Mẹ, ihwo Mẹ, rhie erhọn wẹ kẹ vwẹ, egborho mẹ, kidie urhi che nẹ obọ Mẹ rhe ọsoso Mẹ kọ dia urhukpẹ kẹ ihwo na.

Aizaya 51:7

Kerhọn Mẹ, ovwan ihwo re riẹn ọvwata, ihwo re urhi Mẹ dia evun rayen, wa dje oshọ rẹ ẹghwọ rẹ ihwo rẹ akpọ-ọ, we jẹ ofu dje ovwan rẹ ayen da harhe owẹ-ẹ.

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Aizaya 65:10

Sharọn kọ cha dia otọ re egbri keẹ uchuru Mẹ, iyara re Akọr kẹ asan rẹ ekru rẹ uchuru Mẹ che rhuẹ phihọ, vwọ kẹ ihwo Mẹ re guọnọ ovwẹ.

Emọs 5:6

Guọnọ Ọrovwohwo re wọ rhọ, o de rhi mu la kerẹ erhanre vwẹ uwevwi ri Josẹf, kọ guọghọ, o rhe vwo ohwo ọvuọvo ro se furhie Bẹtẹ-ẹl,

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Matiu 5:6

Ebruba kẹ ihwo rẹ owẹvwe rẹ ọvwata hwe; kidie evun cha vọn ayen.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

Ọbe ri Pọl si rhe Ihwo ri Rom 14:19

E gbe jẹn avwanre nene idjerhe rẹ ufuoma rere avwanre ru esegbuyota rẹ ohwohwo gan.

Filipae 3:13

Imoni, mi ghwe roro nẹ mi vwiro ru ọmẹ nure-e; ẹkẹvuọvo emu ọvo mi ruru na, emu ejobi re hẹ obuko da chọrọ ovwẹ ẹro ke me riẹn obọ brẹ obo re hẹ obaro,

1 Timoti 6:11

Ẹkẹvuọvo wẹ, E ohwo rẹ Ọghẹnẹ, sioma nẹ emu nana ejobi; nene ọvwata, uruemu esiri, esegbuyota, ẹguọnọ, erhiori, dẹndẹn.

2 Timoti 2:22

Vwẹ ọtiọye na gbe siobọ nẹ unuavwerhe rẹ ọkeemọ rere wo nene ovwata, esegbuyota, ẹguọnọ, kugbe ufuoma, re wọ vwọ ba ayen otu ri se odẹ rẹ Ọrovwohwo nẹ otọ rẹ udu rhe.

Hibru 12:14

Pharhe re wọ vẹ ihwo ejobi vwọ dia kugbe vwẹ ufuoma, kidie ẹfuọn tiọnana da kare ohwo, ohwo yena sa mrẹ Ọrovwohwo-o.