Aizaya 50:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Aizaya 50:4 ပူးပေါင်းရင်းမြစ်များ

ỌBE RẸ JOB 4:4

Eta wẹn mu ihwo re yẹghrẹ mudia, igbo rẹ oma rhọ wo ru ayen gan.

Une rẹ Ejiro 119:147

Mi de vrẹn vwẹ irhiọke ride kperi kẹ ọchuko; mi phi ẹro phihọ eta wẹn

Une rẹ Ejiro 143:8

Jẹn uvwe nyo ẹguọnọ wẹn ro jẹ rhẹriẹ na vwẹ irhiọke, kidie wẹ me vwẹ ẹro so. Yono uvwe idjerhe re me ra, kidie wẹ me kpare ẹnwẹ mẹ ni.

Une rẹ Ejiro 40:7

Etiyin me da ta, Nighe, me cha; vwe evun rẹ e kpirho re ọbe na e siro kpahe ovwẹ,

Une rẹ Ejiro 45:2

Wẹ ri me yovwi vwẹ usun rẹ emọ rẹ ihwo; erhuvwu a ghwẹ vọn ẹbẹrunu wẹn, fiki rẹ ẹtiọyẹ na Ọghẹnẹ vwo bruphihọ kẹ bẹdẹ.

Une rẹ Ejiro 5:3

E Ọrovwohwo, vwẹ irhiọke wo nyo urhuru mẹ, vwẹ irhiọke mi ze izobo kẹ wẹ, je me rhẹrẹ.

Une rẹ Ejiro 88:13

Ẹkẹvuọvo mẹvwẹ, E Ọrovwohwo, re viẹ hwe we; vwẹ irhiọke ẹrhovwo mẹ bru we cha.

Isẹ 12:25

Ewan ẹruọ rọ hẹ evun rẹ ohwo ghwọrọ ohwo na oma, ẹkẹvuọvo ota esiri nẹrhẹ oma vwerhọn.

Isẹ 15:23

Omamọ rẹ ota ẹkpahọ ọ nẹrhẹ oma vwerha ohwo, ubiota rọ gbare mavọ oyovwi te!

Isẹ 25:11

Ubiota ra nabọ riẹta ọhọhọ ubi rẹ oro vwẹ ohri rẹ idọnọ.

Aizaya 28:19

Kọke kọke rọ vwọ wan vrẹn ejobi kọ vwẹ owẹ boma, kirhiọke kirhiọke ọ cha vwọ wan vrẹn, te ason te uvo, kọ dia oshọ rode ra vwọ riẹn otọ rẹ ovuẹ na.

Aizaya 28:9

Kono o yono aghwanre, kono ọ faotọ re ovuẹ na kẹ? Ke emọ re bru evie nure gbine e re mu je evie vwo?

Aizaya 35:5

Etiyin ẹro rẹ orhuẹro ko rhie, erhọn rẹ odierhọn ko phẹ ghwroro,

Aizaya 40:29

Ọ vwẹ ogangan kẹ ohwo rẹ oma rhọ? ọ rẹ ọgangan rheri-i ọ me vwọ ba kẹ

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 54:13

Emọ wẹn ejobi kẹ Ọrovwohwo ri yono ayen, erhuvwu rọ emọ wẹn ke cha rho gangan.

Aizaya 8:16

Gba Iseri mẹ na, ka oka phihọ uyono mẹ vwẹ ohri rẹ idibo mẹ.

Jerimaya 1:9

Kẹsiẹye Ọrovwohwo ke riẹn obọ rọye rhe vwo te ugbunu mẹ; Ọrovwohwo ke ta kẹ vwẹ nẹ, nighe, mi phi ota mẹ phihọ ugbunu wẹn nure.

Jerimaya 31:25

Kidie mi che ru ẹnwẹn rẹ oma rhọ gan, me cha rhọvwọ, ẹnwẹn kẹnwẹn rẹ oma rhọ.

Izikiẹl 46:13

Ko phi omogodẹ rẹ ẹgbukpe ọvo ro je ekan evwo phihọ otọ ra vwọ torhẹ izobo kẹ Ọrovwohwo kẹdẹ kẹdẹ, irhiọke kirhiọke o vwo muo rhe.

Matiu 11:28

Bru vwe rhe ihwo rẹ owian kugbe oghwa bẹn, Me kẹ ovwan ufuoma.

Matiu 13:54

Ro rhi vwo te orere rẹ obọ rọye, o de yono vwi senagọg, o de gbe ayen unu, ayen da ta nẹ, Tivọ ohwo nana de vwo eghwanre nana kugbe iruo ride nana.

Matiu 22:46

Ohwo ọvuọvo sa kpahe enanọ na kẹ-ẹ eyẹ ohwo ọfa gbi ji yivwi nọ enanọ ọfa-a.

Iyẹnrẹ Esiri ri Luk 21:15

kidie me cha kẹ ovwan unu kugbe aghwanre, rẹ udu rẹ ukọn rẹ ovwan cha sa gba eyẹ phro-o.

Iyẹnrẹ Esiri ri Luk 4:22

Ihwo na ejobi da ta ota rọye yoyovwi, ota esiri ro nẹ unu rọye rhe de gbe ayen unu; ayen da ta, Ọnana dia ọmọ ri Josẹf na?

Iyẹnrẹ Esiri ri Jọn 7:46

Iruiruo na da kpahe, A je mrẹ ohwo rọ ta ota kerẹ ohwo nana-a.

Urhi Rivẹ 18:17

Ọrovwohwo da ta kẹ vwẹ nẹ, Ayen riẹn obo rẹ ayen tare na ta.

Urhi Rivẹ 18:18

Me cha vwẹ ọmraro rọ họhọ owẹ kẹ ayen nẹ uherevie rẹ imoni rayen rhe; ki mi che phi ota mẹ phihọ unu rọye, obo re Me ta kẹ ejobi kọye ọ cha ta.