Aizaya 50:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Mavọ, ọke Me vwọ rhe, ohwo gbe herọ-ọ? Ọke Mi vwo se, o rhe vwo ohwo ro nyori-i? Obọ Mẹ krẹnọ, ro vwo je ohwo ẹtan? Gbine Mi vwo ogangan re vwo sivwẹ-ẹ? Nighere, vwẹ ẹghwọ re unu mẹ abadi na kọ kpọ, Mi ru urhie na phihọ aton, iyeri rayen ki gbo kidie ame herọ-ọ i mu ghwu fiki r;pe urhuru rẹ ame.

Aizaya 50:2 ပူးပေါင်းရင်းမြစ်များ

Jẹnẹsis 18:14

O vwo emuọvo rọ bẹn kẹ Ọrovwohwo? Ọke ri mi seri na ke Me cha rhoma bru we rhe, vwẹ asan evwru na, Sera ko che vwiẹ ọmọshare.

2 Ikun rẹ Ivie 32:15

Asakiephana wo gbi jẹn Hẹzikaya phiẹn wẹ-ẹ eyẹ o sun we vwẹ idjerhe nana-a, we segbuyota-a, kidie o se vwo ọghẹnẹ rẹ ẹgborho ọvuọvo eyẹrẹ uvie ro se sivwi ihwo rọye nẹ obọ mẹ eyẹ obọ rẹ esẹ mẹ-ẹ? Komavọ ọ dia rẹ Ọghẹnẹ wẹn vwo se sivwi uwe nẹ obọ mẹ?

Une rẹ Ejiro 106:9

Ọ da ghwọ ku Abadi Ọvwavware na, ọ da rhe kpọ; ọ de sun ayen wan okokodo na kerẹ aton.

Une rẹ Ejiro 107:33

O hirhe irhie phihọ aton, ogbugbu rẹ ame phihọ otọ ọyaya,

Ẹyano 14:21

Mosis da riẹn obọ rọye phihọ abadi na; Ọrovwohwo da djẹ abadi na kpo uko vwẹ odju ọgangan ro dju nẹ obaro ọnre rhe vwẹ ason na ejobi, o de ru abadi na kpọ yamu, ame na da ghare.

Ẹyano 14:29

Ẹkẹvuọvo ihwo rẹ Izrẹl da wan otọ ọyaya vrẹn vwẹ abadi na, ame na da dia igbẹhẹ kẹ ayen vwẹ ẹbẹre nana te ẹbẹre yena.

Ẹyano 7:18

eri rẹ evun ri Nile na ki che ghwu, Nile ko che mwumwerhe, ometuo gbi che jẹ ihwo rẹ Ijipt da ame rọye-e.

Ẹyano 7:21

Eri rẹ evun ri Nile de ghwu; Nile de mwumwerhe, ọtiọye na ihwo rẹ Ijipt gbe sa da ame ri Nile na-a, ọbara da rhe vọn otọ, rẹ Ijipt na ejobi duvwu.

Isẹ 1:24

Fikiridie mi seri yu wọ kerhọ-ọn me riẹn obọ yẹ ohwo ọvuọvo davwe erhọ-ọn,

Aizaya 11:15

Ọrovwohwo kọ cha guọghọ ẹrenvwe rẹ urhie rẹ Ijipt tototo; ko kpogho obọ phihọ enu rẹ Abadi rẹ Ijipt Vẹ odju ọtotorhẹ rọye o me gharọ kpo abada ighwrẹ rẹ ihwo mrasan wan otọ ọyaya vrẹn.

Aizaya 19:5

Ame rẹ urhie ri Nile kọ cha kpo muotọ, urhie na kọ yamu kohro;

Aizaya 23:11

Ọ riẹn obọ rọye kpahe abadi na, o kpogho uvie na ejobi; Ọrovwohwo ji urhi kpahe Kenan nure rọ cha vwọ guọghọ ogba egangan rọye.

Aizaya 36:20

Ọvo vwẹ usun rẹ ẹdjọ rẹ irho nana se sivwi orho rọye nẹ obọ mẹ, rẹ Ọrovwohwo vwo se sivwi Jerusalẹm nẹ obọ mẹ?

Aizaya 41:28

Ẹkẹvuọvo Mi vwo nu Etiyin Me gbe mrẹ ohwo ọvuọvo-o, Vwẹ usun rayen Me mrẹ ọvwiroro-o, rere, Me da nọ ọ kpahe ke vwẹ-ẹ.

Aizaya 42:15

Ke me guọghọ igbenu rẹ itete vẹ iride, ke me ya ẹbe rayen mu, ki mi hirhe irhie rayen phihọ ibrotọ, etẹrhe rayen ejobi ke yamu.

Aizaya 43:16

Enẹ Ọrovwohwo tare, rọ gbẹn idjerhe phiyọ abadi, rọ jẹ obẹlẹ phiyọ ame rode na,

Aizaya 44:27

onọ re ta kẹ ikokodo na nẹ, Kpọ, yamu, ki mi ru irhie wẹn na kpọ fiotọ,

Aizaya 51:10

Ọ dia owẹ re nẹrhẹ urhie na kpọ mu, ame okokodo rode na; we ri ru idjerhe phihọ okokodo rẹ urhie rere e ra tan hirhe na vwọ wan vrẹn?

Aizaya 54:6

Kidie Ọrovwohwo se we nure kerẹ aye ra senre rẹ ivun miovwẹ vwẹ obo erhi, kerẹ aye rẹ ọke-emọ ra djẹ kufia, eriyin Ọghẹnẹ wẹn tare.

Aizaya 59:1

Nighe, obọ rẹ Ọrovwohwo krẹnọ-ọ, ro de je se sivwo-o, eyẹ erhọn rọye diri, ro de je ẹme enyo-o,

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 63:13

ono ri sun ayen wan evun re okokodo na? Kere iyesi vwẹ evun rẹ aton, ayen sheri-i.

Aizaya 64:6

Avwanre da rhe họhọ ohwo ro jẹfuọn, uruemu rẹ ọvwata rẹ avwanre ejobi da họhọ ewun rẹ inuhu muru. Avwanre ejobi vwioro re kerẹ ọbe, orukuruku rẹ avwanre, kerẹ odju, re muẹ avwanre yanran.

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Aizaya 66:4

Mẹvwẹ ọvo kọ cha je okpetu kẹ ayen, Me djẹ oshọ mu ayen; kidie, ọke mi vwo se, ohwo ọvuọvo nyori-i, Me vwọ ta ota ayen kerhọ-ọn, ẹkẹvuọvo ayen ru umwemwu vwẹ obaro Mẹ, ayen da je obo ri tu vwe oma ru.

Jerimaya 14:9

Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.

Jerimaya 35:14

Urhi ri Jonadab ọmọ ri Rekab vwọ kẹ emọ rọye, nẹ ayen da waini-i, ayen yonrọn; ayen dare rhi te none na-a, kidie ayen yọnron urhi rẹ ọsẹ rayen, mi dje ovwan ẹtẹta kẹ, ẹkẹvuọvo wa kerhọn mẹ-ẹ.

Jerimaya 35:15

Mi ji idibo mẹ rẹ emraro na ejobi bru ovwan rhe, mi ji ayen ejojo, nẹ, Dohwo didjerhe umwemwu rọye rhẹriẹ ru, wa rhuẹrẹ eyere rẹ ovwan, vwo je edjọ efa ẹyan nene re we jẹn ayen egọ, re wa sa dia evun rẹ otọ re me kẹ ovwan vẹ esẹ rẹ ovwan na. Ẹkẹvuọvo wa vwẹ erhọn kpọtọ-ọ wa je kerhọn mẹ-ẹ.

Jerimaya 5:1

Djẹ kpenẹ kpenẹ wan irhuvwu ri Jerusalẹm, no wo roro te! nabọ guọnọ ọgua rọye se wọ mrẹ ohwo ọvo rọ dia ọsoso ohwo rọ guonọ uyota; ki mi vwo ghovwo.

Jerimaya 7:13

Fiki rẹ obo rẹ ovwan vwo ru imu nana, vwẹ asakiephana, eriyin Ọrovwohwo na tare, ọke mi vwo dje ovwan ẹtẹta kẹ wa kerhọ-ọn, mi vwo se ovwan we nyori-i,

Jerimaya 7:27

Eriyin na gba ta eta nana kẹ ayen, yẹ ayen cha kerhọn wẹ-ẹ. Wo che se ayen, ye ayen cha kpahe kẹ wẹ-ẹ.

Jerimaya 8:6

Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

Daniẹl 3:15

Asakiephana, wa da choma vwẹ ọke we de nyo edo rẹ owanre, akpata, isorogun urephe vẹ ihwehworo ejobi, we de she diguẹ re wa da ga oma ri mi ruru na, yẹ oyoma; ẹkẹvuọvo wa gbe rha ga-a, ugege yena ke mu ovwan phihọ ogidi erhanre na; ki didi Ọghẹnẹ se si ovwan nẹ abọ mẹ?

Daniẹl 3:29

Fiki rẹ ọtiọye na mi ji urhi; kohwo kohwo ẹgborho eyẹ ephẹrẹ rọ ta ota kpahe Ọghẹnẹ ri Shadrak, Meshak, vẹ Abẹdnigo na ka sha awọ nẹ ayen oma, a me rha guọghọ iwevwi rayen te otọ, kidie o rhe vwo Ọghẹnẹ ọfa ro se sivwi ihwo vwẹ idjerhe nana-a.

Daniẹl 6:20

Ọke ro rhi vwo sikẹre ẹmwa na ri Daniẹl epha, ọ da vwẹ urhuru rẹ uvwerhe kperi se Daniẹl E Daniẹl, ọdibo rẹ Ọghẹnẹ ro je ghwo na, kẹ Ọghẹnẹ wẹn ru wọ ga kọke kọke na se sivwi uwe nẹ abo rẹ Ikpohrokpo na?

Daniẹl 6:27

Ọ sẹro o ji sivwẹ, O ruẹ eka vẹ igbunu vwẹ odjuvwu vẹ akpọ na, Ohwo ro sivwi Daniẹl nẹ ogangan rẹ ikpohrokpo na.

Hosia 11:2

Tiobo mi se ayen na, ọtiọye ayen je ghwa mrẹ vwẹ djẹ te; ayen ji ze izobo kẹ Baal, jẹn ayen ghwa torhẹ insens kẹ ema.

Hosia 11:7

Ihwo mẹ kẹ ukuko ayen siẹ phihọ kẹ vwẹ, ọtiọye na e de kru oghwa nyẹ ayen, rẹ ohwo ọvuọvo se mu-u.

Nahum 1:4

Ọ ghwọ ku abadi ọ da kpọ yamu, ọ da nẹrhẹ irhie na ejobi kpọ yamu; Beshan kugbe Karmẹl de vwioro, ẹbe djidji ri Lebanọn ejobi fare.

Habakọk 3:8

Irhie na wo muẹ ophu kpahe, E Ọrovwohwo? ku wo muẹ ophu kpahe irhie na, ghenẹ ivun miovwo uwe vwọ kpahe abadi na, ọke ru wọ da gua vwẹ enu rẹ iyesi wẹn, vwẹ enu rẹ ekpẹrẹ rẹ obọ ẹkparọ wẹn?

Ukeri 11:23

Ọrovwohwo da ta kẹ Mosis; Kẹ obo rẹ Ọrovwohwo krẹre? Asakiephana wọ cha mrẹ se ota mẹ uyota eyẹ ofan.

Iyẹnrẹ Esiri ri Mak 4:39

O de vrẹn ọ da van ku aphopho na, ọ da ta kẹ abadi na, Fọ, wọ dia riei Aphopho na da fọ, ẹfọ ri riei rode da rhe.

Iyẹnrẹ Esiri ri Jọn 1:11

Ọ rhe uwevwi robọ, rọye ihwo robọ rọye na reyerọ-ọ.

Iyẹnrẹ Esiri ri Jọn 3:19

Ọnana hẹ obruhwe na, nẹ urhukpe na rhe akpọ na nure, ihwo da guọnọ ebri jẹ urhukpe na vwo, fikiridie uruemu rayen ọbrabra.

Joshua 3:16

ame na rọ djẹ nẹ obenu cha de yeri kpenu gogorogo, vwẹ Adam, orere na rọ hẹ orhoma ri Zaretan, ame rọ djẹ kpo obo abadi na vwẹ obo Araba, Abadi rẹ Ughweraka na, da ghwa kpo yamu otọ; ihwo na da wanvrẹn hirharo ku Jeriko.