Aizaya 50:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Nighere, ovwan ejobi ri koko erhanre, ri phopho imwerhanre la! Gba vwẹ urhukpẹ re erhanre wẹn vwọ yan, kugbe imwerhanre ri wo koko phihọ! Ọnana kọye wọ cha mrẹ reyọ vwẹ obọ Mẹ ku wo che ghunie vwẹ ọdjarhe.

Aizaya 50:11 ပူးပေါင်းရင်းမြစ်များ

Une rẹ Ejiro 16:4

Otu re jẹn ọghẹnẹ ọfa reyọ oja rayen ki buphihọ ọbara rayen ra jẹ kuotọ me sa je kuotọ-ọ eye me cha vwẹ unu mẹ se odẹ raye-en.

Une rẹ Ejiro 32:10

Ọdjorho rẹ oruimwemwu buru gangan; ẹkẹvuọvo ẹguọnọ rọ rhẹriẹ-ẹ gba riariẹ ohwo rọ vwẹ ẹro so Ọrovwohwo.

Isẹ 26:18

Kirobo rẹ ọrhuẹ vwẹ erhanre, vẹ edada kugbe ughwu phiẹ ikpokpo ye,

Aizaya 55:2

Die wọ vwọ rhaphiẹ igho wẹn phihọ emu rọ dia emuọre-e, wọ vwọ wian phihọ obọ re vọn evu-un? Nabọ kerhọn Mẹ, re wọ re obo ri yovwiri, rere oma rẹ ivwir vwerhe owẹ.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Aizaya 9:18

Kidie umwemwu torhẹ kerẹ erhanre, kọ torhẹ ekpia vẹ idjigbẹ, etu na kugbe egbo etu na kugbe egbo na ki muẹ la, ki bru ikori rẹ ivwirhi kpenu.

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Izikiẹl 20:39

Vwọ kẹ wẹ, E uwevwi rẹ Izrẹl, Enẹ Ọrovwohwo Ọghẹnẹ tare: Yanran re ohwo ọvuọvo ra gọ ẹdjọ rọye, asakiephana vẹ ọke rọ cha, ọ da dianẹ ovwan rha kerhọn mẹ-ẹ, ẹkẹvuọvo odẹ ọfuanfon mẹ na ovwan gbe vwẹ ekẹ wẹn kugbe ẹdjọ wẹn vwọ miovwo-o.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Emọs 4:9

Me da vwẹ ophan vẹ akprẹn rhe idju rẹ ovwan, re idju vẹ egbo rẹ ovwan da dia ofefẹ; te irhe ri fig rẹ ovwan te irhe re oliv rẹ ovwan ebaka ghwọrọ ayen re; ji we ji rhivwi bru vwe rhe-e Ọrovwohwo na tarọ

Jona 2:8

Otu ri mu ọghọ kẹ ema ifefe ri gbobonyẹ ọghọ rẹ uyota rẹ ayen mu.

Habakọk 2:13

Nighere, ọ dia obọ rẹ Ọrovwohwo rẹ otuofovwi na o nurhe nẹ ihwo de wian kẹ erhanre torhẹ, nẹ ẹgborho de laghe oma ghevweghe?

Matiu 22:13

Ovie na da ta kẹ idibo rọye nẹ, A gba abo vẹ awọ re we muo phihọ uwodi; kẹ etiyin ọ da viẹ reako.

Matiu 8:12

Ẹkẹvuọvo emọ rẹ uvie na dẹn ka cha djẹ ayen ro otafe, ra ro ebri ri hwin. Kẹ etiyin ayen da viẹ da re ako.

Iyẹnrẹ Esiri ri Jọn 8:24

Me ta kẹ ovwan nẹ we che ghwu phihọ imwemwu rẹ ovwan, kidie we che ghwu phihọ imwemwu rẹ ovwan jokpa nẹ ovwan segbuyota nẹ mẹvwẹ hẹ ọye.

Iyẹnrẹ Esiri ri Jọn 9:39

Jesu da ta, Fiki rẹ ẹdjọeguo me vwọ rhe akpọ na, rere ihwo re mrẹ orẹ-ẹ vwọ mrẹ orẹ, rere otu re mrẹ orẹ vwo rhuẹro.

Ọbe ri Pọl si rhe Ihwo ri Rom 10:3

Kidie, rẹ ayen vwọ dia ogbori rẹ ọvwata ro nẹ obọ rẹ Ọghẹnẹ rhe na, rẹ ayen vwọ guọnọ ọ robọ rẹ ayen ruẹ na, ayen rha vwẹ oma kpotọ kẹ ọvwata rẹ Ọghẹnẹ-ẹ.

Jems 3:6

Ẹrẹnvwe na vwenẹ erhanre o ruẹ; ohwo umwemwu rọ hẹ oma rẹ avwanre ejobi na ọye hẹ ẹrẹnvwe, ọye ri miovwo ugboma na ejobi ọ me torhẹ eroro rẹ akpọ rẹ avwanre, ukuko rọye re ka torhẹ okpuyovwi rọye vwẹ erhanre rẹ orere rẹ igbẹphẹre.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Ẹvwọphia 20:15

a rha mrẹ odẹ rẹ ohwo re siri phihọ ọbe rẹ arhọ na-a, ka kparọ phihọ ẹtẹrhe rẹ erhanre na.