Aizaya 5:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Aizaya 5:9 ပူးပေါင်းရင်းမြစ်များ

2 Ikun rẹ Ivie 36:21

rere ota rẹ Ọrovwohwo wan unu ri Jẹrimaya ta vwọ sẹ, bẹsiẹ rẹ otọ na cha vwọ ghọghọ vwẹ edidjana rọye. Uche ẹdẹ ejobi ra kua no krite ọye ayen yọnrọn edidjana na te, bẹsiẹ rẹ ikpe ujorha gbẹ ihwe vwọ gba.

ỌBE RẸ JOB 15:28

ọ da ra dia irere re kua fiotọ, vwẹ iwevwi rẹ ohwo ọvuọvo dia-a, re a ta phihọ nẹ e dia erhurhu;

ỌBE RẸ JOB 20:21

Rọ vwọ re nu ọvuọvọ gbi chekọ-ọ, ọtiọye na efe rọye gbe tọ-ọn.

Isẹ 15:27

Ohwo rọ guọnọ erere ọchọchọ sua ota kẹ evwruwevwi rọye, ẹkẹvuọvo ohwo ro tuoma rẹ udiẹriọ cha rhọ.

Aizaya 22:14

Ọrovwohwo rẹ otuofovwi na vwẹ oma rọye phia ke vwẹ nyo. Uyota orukuruku nana e se vwo ghovwo uvwe-e bẹsiẹ wo vwo ghwu eriyin Ọrovwohwo Ọghẹnẹ rẹ otuofovwi tare.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 5:6

Ki mi miovwo, e gbi che fro-o eyẹ a gbe gua-a okpia vẹ idjigbẹ ke cha djẹ rhe vwọ, ki mi ji urhi kẹ enu na nẹ osio gbe rhọ phihọ-ọ.

Emọs 3:7

Uyota Ọrovwohwo Ọghẹnẹ na se ru emuọvo-o, ro de je odjahọ rọye ẹ vwọ phia kẹ ihwo rọye emraro na-a

Emọs 5:11

Fiki rẹ obo we vwo chiyi ovwiogbere muotọ na ru wa da karhiẹ ọka rọye mie na, kọye wa vwọ bọn iwevwi rẹ eragha, ẹkẹvuọvo wa cha dia aye-en, wa kọn omamọ rẹ ogba ri vain, ẹkẹvuọvo wa cha da udi raye-en.

Emọs 6:11

Kidie nighere, Ọrovwohwo tare, uwevwi rode na ka guọghọ te otọ, kugbe uwevwi otete na ka guọghọ vworovworo.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Matiu 23:38

Nighe me yan jẹ uwevwi rẹ ovwan vwo ofefe.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.