Aizaya 5:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 5:7 ပူးပေါင်းရင်းမြစ်များ

Jẹnẹsis 4:10

Ọrovwohwo da ta, Die kọye wo ruru na? Urhuru rẹ ọbara rẹ oniọvo wẹn kperi nẹ otọ bru vwe rhe.

2 Samuẹl 7:10

Ke vwẹ ẹdia kẹ ihwo mẹ Izrẹl, ke Me vwẹ owọ rayen muotọ, kẹ ayen dia asan rayen, e gbi rhe kpokpo aye-en, ihwo okpetu gbi ru ayen oja ọfa-a, kirobo re ru ayen dẹvure.

ỌBE RẸ JOB 34:28

ọtiọye ayen da nẹrhẹ oviẹ rẹ ovwiogbere bro rhe, o de nyo oviẹ rẹ otu re kpokpo–

Une rẹ Ejiro 147:11

ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

Une rẹ Ejiro 149:4

Kidie Ọrovwohwo na vwo omavwerhe vwẹ ihwo rọye, ọ da vwẹ obọẹkparọ rhuẹrẹ ohwo dẹndẹn oma.

Une rẹ Ejiro 80:15

uchuku rẹ obọ wẹn ọvo kọnre.

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Isẹ 21:13

Ohwo ro dierhọn kẹ unuebo rẹ ovwiogbere; ọke ro de che bunu vwẹ esiẹfa a gbe mrẹ ohwo nyo kẹ-ẹ.

Aghwoghwo 4:1

Me da rhoma rhe mrẹ vwẹ otọ rẹ ọnre na uruemu rẹ oshenyẹ buebu rọ herọ. Gbe nighe, ame oviẹ buebu rẹ ihwo re shenyẹ na, ayen rhe vwo ohwo ọvuọvo ro bru ayen uche-e! Abọ rẹ otu ri shenyẹ ayen na, oboyi ogangan epha, o rhe vwo ohwo ọvuọvo ro bru ayen uche-e.

Solomon 7:6

Mavọ erhuvwu wẹn mu urinrin te, E ọvuọvo re me guọnọre na, ọmọtẹ vẹ erhuvwu!

Aizaya 1:21

Mavọ orere esiri na rhe rhi hirhe oma phihọ igberadja; ọ rọ vọnre vẹ uyota! Ọvwata rhuẹn phihọ jovwo ẹkẹvuọvo ọke nana kẹ izighẹ.

Aizaya 1:6

Kẹ eherhowọ rhiri re te uyovwi, ghwodirhẹn kpimẹ, ẹkẹvuọvo e ghwiẹ ki ibru era kugbe era ri hwẹ, e mi aye-en eyẹ ke ẹgbaa eyẹ a vwẹ evwri rhuọrhọọ.

Aizaya 27:2

Vwẹ ẹdẹ yena Ogba ri vain rẹ esiri na, kọ so ine rọye!

Aizaya 3:14

Ọrovwohwo o mu ẹdjọ phihọ eguo re, ọ vẹ ekpako na kugbe isun rẹ ihwo rọye. We re ghwọrọ ogba ri vain na, ekuakua re ivwiogbere na hẹ uwevwi wẹn.

Aizaya 3:15

Die wo rori ru wọ vwọ guọghọ ihwo mẹ ru we vwo wuye opharo rẹ ovwiogbere? eriyin Ọrovwohwo rẹ ofovwi tare

Aizaya 3:17

Ọrovwohwo cha vwẹ ogbẹn ghwiẹ uyovwi emetẹ ri Zayọn, kọ cha ba odjahọ rayen phihọ.

Aizaya 30:12

Eriyin na enẹ Ọfuanfon Ọvuọvo rẹ Izrẹl na tare, Fikiridie wọ jẹn ota nana fia, wọ da vwẹ ẹro so oshenyẹ vẹ otaephre, wọ da vwẹ oma kpahe ayen;

Aizaya 46:12

Kerhọn Mẹ, ovwan ri vwo udu ọgangan, ovwan ri sheri ke esivwo;

Aizaya 5:2

O de brotọ kẹ ọ da sanọ ibiekpẹn nẹ o da vwẹ omamọ rẹ grep vwọ kọn, ọ da bọn uwevwi rẹ ohẹrhẹ phihọ uherevie rọye, ọ da kare okọ re de miẹn vain phihọ, ko rhẹro ne ọ cha mọ otieẹ ẹkẹvuọvo otiẹ rẹ erivwi kọye ọ mọre.

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Aizaya 59:14

Ọsoso rhoma kpuko, ọvwata de tephe shesheri; kidie uyota she phihọ ọsuere, uyota gbe sa ruọ-ọ.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Aizaya 62:5

Kirobo rẹ emeghene jovwo ọmọtobẹ na, eriyin emọ wẹn cha rọvwọ owẹ, kirobo rẹ ọshare re ọpha ghọghọ gbe ọpha rọye na, eriyin Ọghẹnẹ wẹn ghọghọ vwẹ oma wẹ.

Jerimaya 12:10

Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

Jerimaya 24:2

Obere ọvo vwo omamọ ri fig, e re họhọ fig ri ke vwie, ẹkẹvuọvo obere rivẹ de vwo fig imiomiovwi gangan, imiovwi nọ i gbi ja re-e.

Jerimaya 50:46

Akpọ na che kpogho vwẹ edo rẹ emuo ri Babilọn, e che nyo oviẹ rọye vwẹ uherevie rẹ irere na.

Izikiẹl 22:29

Ihwo re otọ na yono obọ ra ghwa ihwo ria ayen ki rhe gborho ihwo vwẹ idjerhe, ayen shenyẹ ivwiogbere kugbe ihwo rẹ akpọ bẹn, ayen da karhiẹn igho mie erhorha ri vwo ohwo re chọ ọchọ raye-en.

Hosia 10:1

Izrẹl epha kerẹ vain pọkọpọkọ rọ mọ emamọ rọye. Ọtiobo rẹ emamọ rọye buẹ te ọtiọye ọ je ghwa so egbada buebu te; kerẹ obo rẹ ọrho rọye yovwẹ te ọtiọye ọ je ghwa ma osusu te.

Maika 6:12

Edafe rẹ ovwan vọnre vẹ ozighi; ihwo rẹ dia evun rẹ orere na vwọrọ efian, ẹrenvwe rẹ unu rayen vọnre vẹ ophiẹvwe.

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Habakọk 1:3

Die wọ vwọ nẹrhẹ ovwẹ mrẹ oruchọ re me vwọ kparo nẹ ukpokpogho? Eghwọrọ vẹ ozighi gbere obaro kẹ vwẹ; ẹghwọ vẹ aphro vwọ kpahe ovwẹ chachacha.

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Matiu 23:23

Ekan kẹ ovwan otu rẹ isiẹbe kugbe Farisi, evwọrọn efian! ovwan nenesi rẹ emu fanfaurhiẹ, we mi gbobọnyẹ emu ro fori, eta re urhi, ẹdjeguo, aruẹdọn kugbe esegbuyota; enana fobo ru we ru jovwo, we de gbobọnyẹ ayen.

Iyẹnrẹ Esiri ri Luk 18:7

Kẹ Ọghẹnẹ rha chọ oja rẹ Ihwo rọ sanọ reyọ, ri kperẹ se te ason te uvo-o? Ko gbe eghẹrẹ vwẹ enu rọ ayen?

Iyẹnrẹ Esiri ri Jọn 15:2

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.

Urhi Rivẹ 15:9

We ni oma te rere we vwo jẹ iroro ofefe evwo vwẹ udu, vwọ ta nẹ, Ẹgbukpe rẹ ighwrẹ na si kẹre rẹ, ukpe rẹ vwo siobọnẹ na, wọ da rha vwẹ ẹro ọbrabra kpahe oniọvo wẹn rẹ ogbere na, ru we de jẹ kẹ ro de rhi kperi kẹ Ọrovwohwo kpahe owẹ, ọ Me rhe dia umwemwu kẹ wẹ.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.